Анна Мудрова - 400 чудотворных молитв для исцеления души и тела, защиты от бед, помощи в несчастье и утешения в печали. Молитвы стена нерушимая

На девятый день ребенок скончался, его бросили в поле у опушки леса. На лай собак пришли жители деревни, нашли тело мученика и признали, что младенец погиб в результате ритуального убийства. Через 30 лет после погребения мощи святого Гавриила оставались нетленными, они не пострадали и во время пожара в 1746 году.

Мученику младенцу Гавриилу молятся о защите, помощи, здоровье и спасении детей.

Тропарь

Святый младенче Гаврииле, ты за Прободеннаго нас ради от иудей люте от онехже в ребра прободен был еси и за Истощившаго кровь Свою за нас все тело твое на истощение крове в лютыя язвы предал еси, ныне же во славе вечней с Ним вселился еси. Тем помяни и нас, молим, зде чтущих память твою, прося нам здравие телеси и спасение душам нашим.

Молитва

Младенческаго незлобия хранителю и мученическаго мужества носителю, Гаврииле блаженне, страны нашея адаманте драгоценный и иудейскаго нечестия обличителю! К тебе мы, грешнии, молитвенно прибегаем, и о гресех наших сокрушающеся, малодушия же нашего стыдящеся, любовию зовем ти: наших скверн не возгнушайся, чистоты сый сокровище; нашего малодушия не омерзи, долготерпения учителю; но паче сих, немощи наша от небес видя, тех исцеление нам твоею подаждь молитвою, и твоея Христу верности подражатели нас быти научи.

Аще же не возможем крест искушений и злостраданий терпеливно понести, обаче и тогда милостивыя твоея помощи не лиши нас, угодниче Божий, но свободу и ослабу нам у Господа испроси. Таже и молящияся о чадех своих матери услыши, здравию и спасению младенцем от Господа податися умоляя. Несть таковаго жестокаго сердца, еже слышанием о муках твоих, святый младенче, не умилится; аще же кроме сего умиленнаго воздыхания никоегоже благаго деяния принести возможем, обаче и таковым умиленным помыслом наша умы и сердца, блаженне, просветив, на исправление жития нашего благодатию Божиею нас настави.

Вложи в нас о спасении души и о славе Божией ревность неустанную, и о часе смертнем память неусыпную хранити помози нам, наипаче же в смертнем успении нашем терзания демонская и помыслы отчаяния от душ наших предстательством твоим отжени, и сия упованием Божественнаго прощения исполни, во еже и в оный час, и ныне славити нам милосердие Отца и Сына и Святаго Духа, и твое крепкое заступление, во веки веков.

Святой великомученик Евстафий до крещения носил имя Плакида и был военачальником при императорах Тите (79–81) и Траяне (98—117). Еще не познав Христа, он творил дела милосердия, помогая всем бедствующим и страждущим. Господь не оставил добродетельного язычника во мраке идолопоклонства. После чудесного явления Евстафий, его жена Феопистия и сыновья Агапий и Феопист приняли крещение. Через некоторое время Евстафию пришлось перенести испытания – было потеряно богатство, Феопистия попала в плен, а детей растерзали дикие звери. Святой возложил упование на Бога и нанялся на службу рабочим. Он не знал, что по милости Божией пастухи и землепашцы спасли его сыновей, и они жили рядом с ним, а жена, оставшись неприкосновенной, тоже жила в мирных трудах. Через 15 лет семья снова встретилась, Евстафий опять стал римским военачальником. Но язычник император подверг их мучениям, они были брошены в огонь. Христиане нашли их тела нетронутыми и погребли с почестями.

Святому Евстафию, жене его Феопистии и детям Агапию и Феописту молятся о семье и благополучии детей, а также при потере или лишении детей.

Молитва

О, преславный святый и многострадальный великомучениче Христов Евстафие! Услыши ны грешныя и недостойныя, святую многострадальную память твою празднующия. Испроси нам у Господа многомощными молитвами твоими благодать, яже ко спасению, и всех грехов содеянных нами прощение, земли благоплодие, миру мирное устроение и от лютых диавольских козней свобождение, христианскую кончину жития нашего и немятежное чрез воздушныя мытарства к небеси прехождение, ты бо приял еси благодать сию от Господа, еже молитися за ны, и аще восхощи помиловати нас, почитающих священную память твою. Вся можеши сотворити. Не презри убо нас недостойных, святый великомучениче Евстафие. Испроси от Господа вся благая и полезная душам нашим, яко да и мы удостоимся славити и воспевати Всесвятое и великолепое Имя Его во премирном Царствии Небеснем, идеже есть всех святых жилище, во веки веков. Аминь.

Преподобные Ксенофонт и Мария потеряли своих сыновей Иоанна и Аркадия, долго отыскивали их. Преподобный Ксенофонт, уже будучи старцем, сохранял твердое упование на Бога, утешал свою жену Марию, советовал не скорбеть и верить, что дети будут сохранены Господом. Через несколько лет супруги совершили паломничество по Святым местам и встретили в Иерусалиме своих сыновей, подвизавшихся в разных монастырях. Обрадованные супруги благодарили Господа, соединившего всю семью.

Этим святым молятся при лишении и потере детей.

Кондак, глас 4

В заповедех бодрствовал еси Владычних, нищим расточивый твое богатство, блаженне, тихо с сопружницею и чады твоими, темже наследуете Божественное наслаждение.

Ин кондак, глас 4

Житейскаго моря избегше, Ксенофонт праведный с сопружницею честною на Небесех веселятся с чады, Христа величающе.

Икос

Странен путь боголепно, Ксенофонте, шествовал еси, и с сопружницею забысте естество, якоже безтелеснии яве, на земли явльшеся; темже и двери Небесный вам отверзошася, и со Ангелы ликуете, яко винограда бывше Господня Божественнии делателе, и с чады. Молитеся убо Христу даровати зарю просвещения омраченным нашим сердцам, память вашу творящим светоносную, Венцедателя Христа величающе.

Молитва первая

О святии Ксенофонте и Марие со чадами вашими Аркадием и Иоанном! Се мы недостойнии и грешнии к вам усердно прибегаем и с упованием крепким молимся: милостивно услышите ныне глас наш молебный и потщитеся на помощь нашу, и ныне любовь вашу к нам, рабам Божиим (имена), явите благодатным действом богоприятных молитв ваших низпошлите и нам великую и богатую милость Господню, да воспоем и прославим дивнаго во святых Своих Бога, Отца и Сына и Святаго Духа, ныне и присно и во веки веков.

Молитва вторая

О святии угодницы Божии, преподобнии Ксенофонте и Марие! Подвигом добрым подвизавшася на земли, восприяли еси на Небесех венец правды, егоже уготовал есть Господь всем любящим Его. Темже взирающе на святый ваш образ, радуемся о преславнем скончании жительства вашего и чтем святую память вашу. Вы же, предстоя Престолу Божию, приимите моления наша и ко Всемилостивому Богу принесите, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством вашим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.