Народное творчесто - Домострой

Воспомянем святых мужей страдания Бога ради и много различных недуг и болезней терпения со благодарением, не презывающе к себе ни чародеев, ни кудесников, и волхвов, ни зелейников и никаких бесовских чарований, но все упование возлогающе на Бога и со благодарением[30] терпяще, очищения ради грехов своих и вечных благ наслаждения, яко долготерпеливый Иов и нищый Лазарь, иже пред враты богатого на гноищы лежал, гноен и червми ядом; а ныне на лоне Авраамле почивая и якож Симеон столпник сам гноя тело свое, червьми кипя. И мнози праведнии, от века Богу угодивше, всякими болезньми и различными недуги страждуще, со благодарением терпяще спасения ради душа своея, и жизни ради вечныя; и теми скорбьми внидоша в царство небесное. Мнози богатии и убозии, християнского рода, во всяких чинех княжеска и болярска, и священническаго и мнишеского, много различными болезньми и недуги страждуще, и всякими одержими бываху скорбьми и обиды, Бога ради терпяще, и у Бога милости просяще, и милости[31] чающе и милосердный Господь многоразличныя милости на рабы своя излияет и исцеление дарует, и грехов свобождает, и от скорби спасает овых от животворящих крестов, и от чюдотворных икон святых и образов Христовых и Богородичных и Архангельских и всех Святых мощей, и от освящения воды, и от масленаго освящения и от молебнаго соборнаго пения, и на божественных литургиях и на всенощном предстоянии во святых Божьих церквах, и во святых честных монастырех, и в чюдотворных местех, и в дому, и на пути, и на водах и везде; призывающе верою Господа Бога и пречистую Богородицу и их угодников милость получающе, здравие телеси и душам спасание. Мнози искончашася в тех недузех и в тяжких болезнех и в различных скорбех, теми очистишася от грехов, и жизнь вечную получиша. Вонмем себе опасно и подражаем тех житию и терпению, и поревнуем святых отец житию, пророком и апостолом, святителем и мучеником, и преподобным уродивым Христа ради, и святым женам и православным царем, и князем и священническому, и мнишескому чину и всем христианом Богу угодившим[32] от века: како в житии сем скорбми пострадаша Христа ради, ова постом и молитвами и всяким долготерпением, гладом и жаждею, наготою и мразом, и солнечным сжением, поруганием и оплеванием и всякими укоризнами и биением и мучением различных мук от нечестивых царей Христа ради усекаеми, и огнем сожигаеми, и зверми снедаеми, и камением побиванием, и в водах потопляеми, и в вертепех и в пустынях, и в пропастях земных скончавшихся, во юзах, и в темницах заключаеми, и пленении и всякия терпеша скорби и труды различная муки их кто исповееть – яко же кто повестует святое писание; и сих ради различных страданий и всяких мук како возмездие прияша от Христа в сем веце и в будущем вечных благ наслаждение, – их же око не виде и ухо не слыша и на сердце человеку не взыде – яже уготова Бог любящим Его. Како прославляются ныне, якож церковь Божья вопиет. Мы же убо тех святых молим и на помощь призываем к Богу молитися о нас; и, от тех чюдотворных образов и честных мощей целбу получаем. Поревнуем тех святых житию и страданию со благодарением и долготерпением; такову жь благодать от Бога обрящем.

О волшбах и о обавницех 6-го собора правило 61.

Вдавшимся волшбам или глаголющем мудрецем и сотником или ким таковым: аки от тех навыкиути хотяще, аще открыти хотят: по первому от святых отец от них же заповеданию да повинуются правила канону 6 лет. Тацем же запрещением покорити подобает и влачащая медведи или какова животная; некако наругание простеяшим людем, и получение, рожество и родословие по[33] звездословию и таковых неких глаголы народопрелестное блядство приглашающая. Глаголемые же облакопрогонники, и чаровники, и хранительники, и волшебники; пребывающая же в тех, и неотбегающая пагубных тех еллинских начинаний вся везде от церкви отметати заповедаем[34] яко же священницы ныне[35] повелевають. Кое общение свету со тмою – яко же рече апостол, – или кое сложение церкви Божии со идолы[36] или какая часть верному с неверньм и кое совещание Христова со дияволом.

Иже последуют пагубным обоянием и к волхвом или ко обавником[37] ходят, или в дом свой тех призывают, хотяще уведети неизреченная; такоже и кормяще, и храняще медведи, или иная некая псы и птицы ловчии на ловление и на глумление и на прельщение простейших человек или в получаи[38] веруют и в родословие: рекше в роженицы, и во обояние, по звездословии иже глаголет облаки гонящеи: таковая творящим повеле собор 6 лет запрещение даяти; яко же за 4 лета да стоят[39] с верными и тако сподобятся божественных даров; аще неисправни[40] будут и по запрещении, еленских сих хитростей неостанутся от церкви везде всячески да отженутся. О волхвех же и обавницех[41] рекоша Богоноснии[42] отцы церковнии учителие; паче же инех Иоанн Златоуст[43], яко волшествующе и обавление творяще, аще и святая Троица имя нарицающе[44], аще и знамение честнаго креста Христова творя[45], бегати оть них подобает и отвращатися. Иже во Акире[46] и правило 24: волшествующе[47] и обычаю язычных последьствующе вводяще[48] в домы своя на испытания, потвор или на требление, законом запрещение примут 6 лет по заповеданным степенем; рядом 3 лета внутрь, пребывание вне церкви 2 лета; молитвы без просфиры и комкания[49]. Аще кто к волхвом или обавником[50], или зелейником, или другим таковым себе вдаст, и сия призывает в дом свой; да открыют и поведят ему о них же желание имать; или очаровану ему бывшу, обрести: хотя таковое смыти[51] яко злом злее[52] исцеляя, – 3 лета да припадает и за 2 лета да стоит с верными токмо молитва с ними приобщая[53]; и тако по сконьчании пяти лет причастится святых тайн.

Текст предоставлен ООО «ЛитРес».

Прочитайте эту книгу целиком, купив полную легальную версию на ЛитРес.

Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.