Древние Литургии

Благословен Господь Бог Израилев, яко посетил и сотворил избавление людем Своим.

И воздвиже силу спасения нам, от корене Давидова Сына Своего. Якоже глагола усты святых Своих, от века пророк Его.

Спасение от враг наших и из руки всех ненавидящих нас.

Сотворити милость со отцы нашими, помянути Завет Святый Свой, клятву, еюже клятся ко Аврааму, отцу нашему, дати нам без страха, из руки враг наших избавльшимся.

Служити Ему преподобием и правдою пред Ним вся дни жития нашего. И ты, Отроча, пророк Вышняго наречешися, предъидеши бо пред лицем Господним, уготовати пути Его.

Дати разум спасения людем Его, во оставление грехов их.

Милосердия ради милости Бога нашего, в нихже посетил есть нас Восток с высоты, просветити во тьме и тени смертней седящим, направити ноги наша на путь мирен.

Диакон: Преклонитесь в молчании.

Священник* (молитвы, обозначенные этим знаком могут меняться в зависимости от праздника):

О, Солнце Правды, Христе Иисусе, Вечный Боже, нисшедый с небесе нашего ради спасения. Молим Тя: явися, Милостиве, душам нашим во причащении Тела и Крови Твоея, священныя и бескровныя жертвы, собери народ Твой, собравшийся в сей день памяти (имя святого или наимнование праздника) во святем храме сем, в Церковь Твою Святую, да отвергнув всякий грех и нечистоту, вознесем Тебе мольбы и благодарение, право шествуя стезею мира и любви, о Спасителю мира, живущий, господствующий и царствующий, яко Бог, со Отцем и Святым Духом во веки веков.

Хор: Аминь, и Трисвятое.

Диакон: В мире Господу помолимся.

Хор: Кирие элейсон (на каждое прошение).

Диакон: О мире всего мира, о благостоянии и соединении святых Божиих церквей Господу помолимся.

О Великом Господине и Отце нашем Святейшем Патриархе АЛЕКСИИ, и о Господине нашем Высокопреосвященнейшем Архиепископе ..., о пастырях церковных, епископах, священниках, диаконах, (зде начальствующих, учащих и учащихся) о всем клире и народе христианском Господу помолимся.

О властях державы нашей Российской, да совершат они правление свое по правде и любви, Господу помолимся.

Помолимся Господу, да дарует нам благорастворение воздуха и изобилие плодов земных.

Помолимся о спасении путешествующих, больных, враждующих, плененных и всех страждущих.

О мире среди народов всея земли Господу помолимся.

О избавитися нам от всякого зла душевного и телесного Господу помолимся.

Помолимся Господу и о прощении прегрешений наших, да сподобит нас Бог жить свято и наследовать жизнь вечную.

Иерей*:

Услыши, Господи, народ Твой, прославляющий в сей день (праздника, или памяти…) благоутробие Твое. Даруй пленным свободу, слепым прозрение, грешным прощение; яко Ты пришел еси спасти всех нас. С небесе святаго Твоего призри на нас и просвети народ Твой, иже всею душою верует в Тя, Спасителя мира, живущего и царствующего со Отцем и Святым Духом во веки веков.

Хор: Аминь.

Чтец: Пророчества (имя) чтение. И сразу читает паремию.

Священник: Господь да будет с вами.

Хор: И со духом твоим.

Чтец: К (имя) послания святого апостола (имя) чтение. И сразу читает Апостол, диакон кадит.

После чтения хор поет Трисвятое/

Диакон: От (имя) святаго Евангелия чтение.

Хор: Слава Тебе, Господи.

Чтение Евангелия. Хор поет Трисвятое. Священник произносит проповедь.

Диакон: Господу помолимся.

Хор: Господи помилуй.

Священник громко произносит предварительную молитву*:

Почтим с радостию сей вожделенный день памяти (имя святого) и прославим (житие и еже во Христе успение) его. И да сподобит нас Господь по молитвам его достойно причаститися жертвы Своея и обогатит наитием Божественнаго Духа ради спасения нашего и обновления.

Исправим жизнь нашу и помолимся, да сохранит нас Христос в духе веры и любви Своея, славя Бога, живущего и царствующего со Отцем и Святым Духом во веки веков. Хор: Аминь (большое), и поет антифон на перенесение даров (херувимскую песнь) (Пс. 110, 9)*:

Аллилуиа. Избавление послал Господь людем Своим, заповедал на веки завет Свой. Свято и страшно Имя Его. Аллилуиа, аллилуиа, аллилуиа.

Священник раскрывает антиминс, отходит к жертвеннику, кадит предложение и полагает на дискос хлеб, произнося:

Да будет благоприятен величию Твоему, всемогущий вечный Боже, хлеб сей, егоже мы приносим Тебе за грехи и прегрешения наши, и за спасение всех православных христиан, чрез Христа, Господа нашего.

Благословляет хлеб. Окадив, полагает на дискос звездицу и покров, вливает в Чашу вино и воду, произнося:

Во имя Отца + и Сына и Святаго Духа. Аминь. Приносим Тебе, Господи, чашу для благословения крови Христа, Сына Твоего, во спасение наше, чрез Христа, Господа нашего. Аминь.

Полагает покровец на Чашу, говоря:

Приношение сие, Господи, милостиво приими и грехи всех приносящих, и за них же приносится сие, прости, чрез Христа, Господа нашего. Аминь.

Затем кадит предложение и в предшествии пономарей со свечами и кадилом переносит св. сосуды на престол по обычаю. На амвоне священник тихо поминает предстоящих:

Всех вас, благочестивых и православных христиан, да помянет Господь Бог во Царствии Своем, всегда ныне и присно и во веки веков.

Священник ставит сосуды на престол, снимает с дискоса покровец, кадит предложение, и, преклонившись, говорит:

Со смирением и сокрушением молим Тя, Господи Боже: да будет жертва наша благоугодна Тебе. Прииди, Святый Душе, Освятителю, и освяти жертву сию, недостойными руками моими уготованную Тебе, да вознесется она пред очами величия Твоего, яко кадило благовонное, чрез Христа, Господа нашего. Аминь.

Священник, омыв руки, возглашает после пения:

Помогите мне, братия, вашими молитвами.

Хор: Господи, помилуй.

Священник:

Прииди, Всемогущий Освятителю, вечный Боже, и освяти жертву сию, уготованную Тебе, Отцу и Сыну и Святому Духу во веки веков.

Хор: Аминь.

Чтение диптихов

Священник:

Помянем в молитвах святую соборную Церковь, да сподобит милосердый Господь возрасти ей в вере и надежде, и любви. Наипаче помянем плененных, болящих, путешествующих, да свободит их милосердый Господь, исцелит и сохранит.

Хор: Даруй сие, вечный, всемогущий Боже.