Коллектив авторов - Исцеляющие молитвы от всех болезней

Божия, величаем Тя и славим воплощшагося от Тебе Христа Бога нашего, Емуже слава со Отцем и Святым Духом, ныне и присно и во веки веков. Аминь.

К кому воззову, Владычице; к кому прибегну в печали моей; к кому привнесу слезы и воздыхания моя, аще не к Тебе, Царице Небесе и земли. Кто исторгнет мя из тины грехов и беззаконий, аще не Ты, о Мати Живота, Заступнице и Прибежище рода человеческаго. Услыши стенание мое, утеши мя и помилуй в горести моей, защити в бедах и напастех, избави от озлоблении и скорбей и всяких недугов и болезней, от враг видимых и невидимых, умири вражду стужающих мне, да избавлен буду от клеветы и злобы человеческим; такождь от своея ми плоти гнусных обычаев свободи мя. Укрый мя под сению милости Твоя, да обрящу покой и радость и от грехов очищение. Твоему Матернему заступлению себе вручаю: буди мне Мати и Надежда, Покров и Помощь и Заступление, радость и утешение и скорая во всем Помощница. О, чудная Владычице! Всяк притекаяй к Тебе, без Твоея всесильныя помощи не отходит: сего ради и аз недостойный к Тебе прибегаю, да избавлен буду от внезапныя и лютыя смерти, скрежета зубнаго и вечнаго мучения. Небесное же Царствие получити сподоблюся и Тебе во умилении сердца реку: радуйся, Мати Божия, Предстательнице и Заступнице наша усердная, во веки веков. Аминь.

(5/18 сентября)

Праведный Захарии, страдавший немотой и глухотою, избавился от этих недугов после того, как его супруга Елисавета родила.

О святии угодницы Божии, пророче Захарие и праведная Елисавето! Подвигом добрым подвизавшася на земли, восприяли еста на Небесех венец правды, его же уготовал есть Господь всем любящим Его. Темже взирающе на святый ваш образ, радуемся о преславнем скончании жительства вашего и чтем святую память вашу. Вы же, предстоя Престолу Божию, приимите моления наша и ко Всемилостивому Богу принесите, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством вашим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

(22 декабря/4 января)

Анастасия родилась в семье богатого римского сенатора-язычника. Мать Анастасии – тайная христианка, и учитель Хрисогон воспитали девочку в христианской вере. Выйдя замуж, Анастасия продолжала дело своего учителя – тайно посещала тюрьмы, где томились христиане, и помогала им. Узнав об этом, муж Анастасии избил ее и заточил в темницу. Бог услышал молитвы мученицы – супруг Анастасии погиб, а она осталась богатой вдовой. С тех пор она полностью отдалась служению заключенным христианам, за что и получила название Узорешительницы. Анастасия была казнена при императоре Диоклетиане. Ее считают покровительницей беременных и молятся во время родов. К ней обращаются с молитвой и те, кто находится в заключении.

О многострадальная и премудрая великомученице Христова Анастасие! Ты душею на небеси у Престола Господня предстоиши, на земли же, данною тебе благодатию, различная совершаеши исцеления: призри убо милостивно на предстоящия люди и молящияся пред мощами твоими, просящия твоея помощи: простри ко Господу святыя молитвы твоя от нас, и испроси нам оставление согрешении наших, недужным исцеление, скорбящим и бедствующым скорую помощь: умоли Господа, да подаст всем нам христианскую кончину и добрый ответ на Страшнем Судищи Своем, да сподобимся и мы, купно с тобою, славити Отца и Сына и Святаго Духа во веки. Аминь.

(31 декабря/13 января)

Мелания, которая против воли была выдана замуж и страдала от этого, сама мучилась в родах и едва не умерла.

О, святая угоднице Божия, преподобная мати Мелание! Подвигом добрым подвизавшися на земли, восприяла еси на Небесех венец правды, егоже уготовал есть Господь всем любящим Его. Темже взира-юще на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь

(24 ноября/7 декабря)

Святая жила в 1V веке, в период правления императора Максентия. Была очень образованна и занималась целительством. Приняв Святое Крещение, была удостоена чести увидеть Божию Матерь с Младенцем Иисусом. За проповедывание учения Иисуса Христа во время гонения на христиан была казнена.

О, святая великомученице Екатерино, избранный чистоты сосуде, столпе православия, надежная предстательнице наша, явившая нам сама вину умоляти тя, подвижнице законная, святая на святей горе свято почивающая! Молим тя: приникши свыше, вонми гласу моления нашего, призри на бедствие рабов твоих, просвети омрачение ума нашего, сотвори нас горняя мудрствовати, а не земная. Поспеши нам молитвами твоими побеждати плотская похотения, пристрастия к миру и козни злых духов, на нас злобно воюющих: да твоим предстательством во дни жития сего свободни будем от враждебных их нападений и по исходе от воздушных их истязаний. О, премудрая дево! Даруй нам вся, яже к пользе прошения: можеши бо многая испросити у возлюбленнаго Жениха, Христа Бога нашего. Мы вемы, яко много может молитва праведнаго, поспешествуем благостию Милосерднаго Бога, Емуже слава, честь и благодарение всегда, ныне и присно и во веки веков. Аминь.

(26 декабря/8 января)

Издавна при рождении детей на Руси женщины прибегали к помощи светлого образа Богоматери «Помощь в родах». Эта икона была почти в каждом доме. Считалось, что она помогает женщинам благополучно разрешиться от беременности и родить здоровых детей.

Царице моя преблагая, надеждо моя Богородице, приятелище сирым и странным заступнице, бедствующих помоще и озлобляемых покрове, зриши мою напасть, зриши мою скорбь: отвсюду искушением одержим есмь, а заступающаго несть. Ты убо Сама помози ми яко немощну, окорми мя яко странна, настави яко заблуждша, уврачуй и спаси яко безнадежна. Не имамы иныя помощи, не имамы иныя надежды, разве Тебе, Владычице, Ты нам помози, на Тебе надеемся и Тобою хвалимся, Твои бо есмы раби, да не постыдимся. Под Твою милость прибегаем, Богородице Дево, молении наших не презри в скорбех, но от бед избави нас, Едина чистая и благословенная. Аминь.