Никон - ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

А [3923] На левом поле листа помета: Апокал. 20. иже душа растесаных за свидетельство Иисусово и за слово Божие, воцарятся со Христом, на них же смерть вторая не имать области, но будут иереи Богу и Христу, им же сподоби Христе Боже подражателем и нам быти.

А еже о неправдех царьских кому любо и всякому обличати греха нет. Писано есть: И глаголах о свидении Твоих пред цари и не стыдяхся. И Господь проповедает, глаголя: (л. 1017) [3924] На верхнем поле листа киноварная помета: на 27-й вопрос и ответ. Предадят [3925] На правом поле листа помета: Марк 13; Матф. 24; Лук. 21. бо ты в сонмища и на соборищах биени будете, и пред воеводы и цари ведени будете имени Моего ради. Егда [3926] На правом поле листа помета: Марк 13; Матф. 10; Лук. 12 и 21. же поведут вы предающе, не прежде пецетеся, что рецете или что возглаголете, ни поучайтеся, чтоб отвещевати. Аз бо вам дам уста и премудрость, ей же не возмогут противитися или отвещати вси противляющиися вам. Инде рече: Не [3927] На правом поле листа помета: Лук. 12. пецетеся, како или что отвещаете или что речете. Святый бо Дух научит вы в той час, яже подобает рещи. И [3928] На правом поле листа помета: Матф. 10; Марк 8; Лук. 12; 2 Тим. 2; выше 9. всяк, иже исповесть Мя пред человеки, и Сын человеческий исповесть его пред ангелы Божиими. А отвергийся Мене пред человеки, (л. 1017 об.) [3929] На верхнем поле листа киноварная помета: 27-е возражение. отвержен будет пред ангелы Божиими. И которая досада царем, аще кто правду ему извествует, а царь, возгордевся, не послушает, но и муки нанесет дерзостию на свидетеля. Не онаго укорит или отмещется царь, но самаго Бога отмещется. Слушаяй бо вас, рече, Мене слушает, и отметаяйся вас, Мене отметается. И не свидетеля слова обесчестит или убиет, но онаго заповедавшаго не стыдетися, обесчестит или уязвит. Тии же по своему труду мзду сторичною приимут от Господа Бога и будут архиереи Богу и Христу, якоже выше есть писано. Ино убо дерзновение, ино дерзость (л. 1018) [3930] На верхнем поле листа киноварная помета: на 27-й вопрос и ответ. или гордость, дерзновение убо, еже аще кто сам волю творит и не творящим засвидетелствует творити. Аще ли кто не послушает единаго, тогда пред двема или трима обличати со дерзновением, якоже и Христос повелевает: Дерзайте, Аз победих мир и не убойтеся бо их. И паки: Не убойтеся от убивающих тело. И прочее. И паки инде речеся: Проповедая Царьствие Божие и уча, яже о Господе нашем Иисусе Христе, со всяким дерзновением невозбранно. Се есть дерзновение.

Дерзость же, еже кому разгордевся, не точию что заповеди Божия послушает, но и на создавшаго Бога (л. 1018 об.) [3931] На верхнем поле листа киноварная помета: 27-е возражение. возгордевся и проповедника слова Божия, дерзость приемше, или досадит или убиет.

Дерзостию [3932] На левом поле листа помета: Исаия 14. разгордевся, денница спаде с небесе, сокрушися на земли. Рече бо во уме своем: На небо взыду и выше звезд небесных поставлю престол свой. Взыду выше облак и буду равен Вышнему. Ныне же снидеши во ад. О нем же и Христос свидетелствова: Видех, рече, сатану, яко молнию с небесе спадоша [3933] На левом поле листа помета: нояб. 8. . Дерзновение же восприим архангел Михаил, иже ко Владыце благоразумие, яко слуга верный, видев отступника падшася. Собрав архангельския лики, рече, вонмем и станем добре (л. 1019) [3934] На верхнем поле листа киноварная помета: на 27-й вопрос и ответ. пред Сотворшим ны и не помыслим сопротивных на Сотворшаго ны. Видяще сатану, что подъя, и сущии с ним, доселе убо свет суще, ныне же быша тма. И сверже с небесе Михаил архангел с прочими небесными силами сатану и все бесовское множество. Якоже и Иоанн Богословец виде: И [3935] На правом поле листа помета: Апокал. слов. 11, глав. 12. бысть брань на небеси. Михаил и ангели его брань сотвориша на змия. И змий брася и ангели его, и не возмогоша, ниже место их обретеся к тому на небеси.

Толкование.

Сие мощно примерити и к первому диаволю испадению от ангельскаго чина за дерзость и гордыню, архистратигу Михаилу не терпящим (л. 1019 об.) [3936] На верхнем поле листа киноварная помета: 27-е возражение. в лепоту того своего сии с пребывания извергоша первее. Якоже глаголет Иезекииль: Яко от херувимов извержен бысть той из среды огненных камений, из небесных, мню, чинов, занеже обретошася в нем беззакония и неправды. В пришествии же Христове служащии Ему после искушения, аки обесчещена раба паки возгнушася. Вестно же и се буди, якоже отцем возмнеся по содетелстве чювственаго мира. Сице гордостию и завистию низвержен бысть и в лепоту, не стерпе бо неба земнаго мудрования, якоже и во псалме пишет: Вражие оружие оскудеша вконец.

(л. 1020) [3937] На верхнем поле листа киноварная помета: на 27-й вопрос и ответ. Видел ли еси, како дерзость и гордыня от ангел в бесы претвори и от света во тму, от Божественыя славы в нищету вечную, от неизреченныя радости в муку бесконечную.

Тако и человецы, аще и царие и князи, дерзающе не в сущих своих, но гордящеся ныне множества людей, не избавятся богатством и гордостию, отправятся от праведнаго суда Божия, по писаному во псалмех: Егда умирая, не оставит ли вся, ниже снидет с ним слава его, яко душа его в животе его благословится, егда благо сотвориши.

Послушай к сим и о человечестей гордости (л. 1020 об.) [3938] На верхнем поле листа киноварная помета: 27-е возражение. и о дерзости. Адам [3939] На левом поле листа помета: 1 Моис. 3. и Ева не дерзости ли ради из рая изгнася? Аще не бы помыслили бози быти, не бы вкусили от заповеданаго им древа и вместо первыя богоданны одежди нази быша. Се есть дерзость.

Дерзостию [3940] На левом поле листа помета: 1 Моис. 4. или презорством Каин Богу дары принесе от вторых, а не от первых и обесчестися от Бога. Он же не точию о сем покаяся, приложи от дерзости и другое зло, и брата уби. Таже и третие, и Богу солга, рече, еда аз страж есмь брату своему. И что бысть ему, не не веси ты, какова мука прежде вечныя муки. Умучи того Бог, стеня и трясыйся вся (л. 1021) [3941] На верхнем поле листа киноварная помета: на 27-й вопрос и ответ. дни живота своего.

Такожде и о дерзновении не оставим тебе известити. Дерзновением принесе Авель жертву Богу от первородных овец его и от туков их, и призре Господь на Авеля и на дары его. Зри дерзость и дерзновение. И рече Каин ко Авелю, брату своему: Пойдеве убо на поле. Се есть дерзость. И иде Авель, яко овча незлобивое, последуя убийце брату своему. Се есть дерзновение. И бысть внегда быти им на поле и уби его. Дерзостию [3942] На правом поле листа помета: 1 Моис. 4. Ламех уби Каина и отмстися седмьдесят седмерицею. От [3943] На правом поле листа помета: 1 Моис. 6. таковыя дерзости осквернися земля пред Богом и наполнися не(л. 1021 об.)правды [3944] На верхнем поле листа киноварная помета: 27-е возражение. . И виде Бог землю, иже бе осквернена, яко оскверни всяка плоть путь свой на земли. И рече Господь Ною: Время всякаго человека прииде пред Мя, яко наполнися земля неправдою от них. И се Аз разсыпаю землю [3945] На левом поле листа помета: 1 Моис. 7. . И наведе Господь потоп на землю, и умре всяка плоть движущаяся по земли.