Никон - ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

Дерзостию [4036] На левом поле листа помета: 2 Царств 11. сотвори Давид прелюбодейство с Вирсавиею и убийство мужу ея Урию Хетфеянина. Дерзновением [4037] На левом поле листа помета: 2 Царств 12. вниде Нафан пророк к Давиду и рече ему: Отвещай ми, царю, ныне суд. И рече ему: Два мужа беста во единем граде, един богат, а другий убог. И у богатаго стадо бяху и буи воли мнози зело, а у убогаго не бе ничто же, но токмо агница (л. 1036) [4038] На верхнем поле листа киноварная помета: на 27-й вопрос и ответ. едина мала, юже стяжа и устрои ю, и вскорми ю, и возрасте с ним и з сыном его вкупе, от хлеба его ядяше и от чаши его пияше, и на лоне его почиваше, и бе ему яко дщи. И прииде некто с пути к мужу богатому, и не восхоте пояти от стад своих и от буй волиц своих на сотворение обеду путнику, пришедшу к нему, но поят агницу убогаго и сотвори обед мужу, пришедшу к нему. И разгневася гневом зело Давид на мужа того, и рече Давид к Нафану: Жив Господь, яко достоин муж той смерти [4039] На правом поле листа помета: 2 Моис. 22. , сотворивый то, и агницу возвратив седмерицею, понеже есть сотвори сице, и о нем же не восхоте. (л. 1036 об.) [4040] На верхнем поле листа киноварная помета: 27-е возражение. И рече Нафан ко Давиду: Ты еси человек, сотворивый се. Се же ти глаголет Господь Бог Израилев: Аз есмь помазах тя на царьство во Израили, Аз избавих тя от руки Сауловы и дах ти Господа твоего и жены господина твоего в лоно твое, и дах ти дом Израилев Июдин. Или ти мало то есть? Да приложу к сим и еще. И что яко оскверни слово Господне, еже сотвори лукавое пред очима Его? Урию бо Хетфеянина оружием уби и жену его поят себе в жену. И ныне не отступит оружие от дому твоего до века, зане уничижи мя. Сице глаголет Господь: Се Аз воставлю зло от дому твоего и раздам жены твоя пред очима твоима, (л. 1037) [4041] На верхнем поле листа киноварная помета: на 27-й вопрос и ответ. и дам ближним твоим и лягут со женами твоими пред солнцем сим. Яко ты сотвори втайне, и Аз сотворю глагол сей пред всем Израилем и пред солнцем сим.

Дерзновением Давид покляся пред Богом и рече Давид Нафану: Согреших ко Господу моему. И рече Нафан к Давиду: Господь отъят согрешение твое от тебе, не имаши умрети.

Дерзостию [4042] На правом поле листа помета: 2 Царств 24; Парал. 21. воста диавол на Израиля и раздражи Давида, да сочтет Израиля. И рече Давид ко Иоаву и к началником силы: Идете и сочтете Израиля от Версавеи до Дана, и принесите ми число, да знаю.

Дерзновением отвеща Иоав: Да умножит Господь люди своя сторицею неже суть, и очи господина моего царя (л. 1037 об.) [4043] На верхнем поле листа киноварная помета: 27-е возражение. видят, и не вси ли господину моему царю раби суть. И почто сего ищет господин мой, да не вменится в грех Израилю, но обаче дерзостию слово царево преможе Иоава. И сочте Израиля тысяща тысящ и 100 мужей, носящих оружие, от Июды же 470 000 бранник. Не угоди же Богу, что повелено бысть, и поби Израиля.

Дерзновением пророк пришед, сказа Давиду словом Божиим, трегубую казнь да изберет или 3 лета глад, или три месяца бегати от лица враг, или три дни меч Господень и смерть на землю. И изволи Давид от трех язв смерть Господню, и умре от Израиля 70 000 мужей, дондеже помолися Давид Богу, и помилован (л. 1038) [4044] На верхнем поле листа киноварная помета: на 27-й вопрос и ответ. бысть, и преста смерть.

И воцарися Соломон, сын Давидов, вместо отца своего Давида, его же благослови отец. Дерзновением и любовию Божиею созда Соломон храм Господеви и постави в нем киот завета Господня. И помолися [4045] На правом поле листа помета: 3 Царств 8. Соломон Господеви, и о нем же помолися. Обеща ему Господь Бог дати и молитвы послушати. Дерзостию [4046] На правом поле листа помета: 3 Царств 11. уклони Соломон сердце свое от Господа Бога Израилева во след бог иных. И не бе сердце его з Господем Богом, яко сердце Давида отца его, и хождаше Соломон вослед Астарса и сквернаго Сидонскаго и во след царя их идолов сынов Аммон, и сотвори лукавное пред Господем.

И воцарися по Соломоне сын его Ровоам (л. 1038 об.) [4047] На верхнем поле листа киноварная помета: 27-е возражение. и отягчи Израиля оброк паче Соломона.

Дерзновением [4048] На левом поле листа помета: 3 Царств 12. приидоша израильтяне и глаголали суть царю: Отец твой отягча ярем наш, по не ты ныне облегчи работу отца твоего злую, да служим тебе вовеки. И рече Ровоам: Идите, по триех днех приидите и реку вам. И вопроси старец, иже стояху пред отцем его Соломоном: Что дадите совет отвещати людем сим? Иже реша ему: Аще угодиши полку тому, и усладиши их словесы милостивными и служат тебе во всяко время. И той дерзостию остави совет старческ. Дерзостию нача думати с юношами, иже с ним (л. 1039) [4049] На верхнем поле листа киноварная помета: на 27-й вопрос и ответ. вскормлени бяху, иже бяху с ним во княжении том, рече к ним: Что ся вам, еже отвещати имам полку тому, иже реша мне, глаголюще: Облегчи иго, еже наложил на ны отец твой? И тии отвещаша: Тако глаголеши полку и тако отвещаеши. Менший перст мой толстее есть чресл отца моего. Отец мой наложил тяжело иго, и аз паче тягости приложу. Отец мой бил вас бичми, и аз бо бию вас скорпиины. И отступиша от него десять колен Израиля.

ВОПРОС, ГЛАВА 28

Никон очищается, что не позвал его собор, чтоб сказал для чево покинул свой престол и то, что учинил неразсудимо.

Ответ

Больной ищет врача и идет не зван сам ко врачю, ищучи своего здоровия. Егда зовется некто к суду, почитается, что виноват, а кто не виноват есть, и сам идет не зван, чтоб очистился и оправдался. Кончее должен бы Никон, егда услышал, что собранный был собор ради его дела, приити явно и объявится; а естли бы тое пришествие его ему было помешкою, однакож бы прислал письмо свое к собранному собору, в котором бы выписал все, одно по другом, ко братии своей архиереом; но когда не хотел упокоритися тем обычаем уже упокорен есть пущим обычаем, понеже всегда спесивой человек ступает, а не вступает спеся. Лествица есть небесная покор, а лествица аду спесивость, там тая Мардохея повышила, а сея Амана погрузила. Врата райския есть тесныя, не приимут нас, естли мирными и покорными не будем, и не учинимся что малыя, не внидем во Царство Небесное [4050] Помета: Матф., гл. 18. . Спесивыя на 4 части делятся: некоторыя похваляются, что имеют то, чево николи не имели, и тыя подлинно суть глупыя; некоторыя властвуют себе то, что имеют, однакож не так, чтоб от Господа Бога имели дано, и тыя суть неблагодарныя; иныя думают, что для ради своих добрых дел одержали все добро что имеют, и тыя суть сатанины дети; иныя погружают иных и глаголют вместе с фарисеом: но есмь как иныя люди, и они суть подлинно что пардусы и лвы.