Геннадий Малахов - Лечение постом, молитвой и заговорами

О всесвятый Николае, угодниче преизрядный Господень, теплый наш заступниче и везде в скорбех скорый помощниче! Помози мне, грешному и унылому, в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми, окаянному, умоли Господа Бога, всея твари Содетеля, избавити мя воздушных мытарств и вечнаго мучения, да всегда прославляю Отца и Сына и Святаго Духа, и твое милостивное предстательство, ныне и присно и во веки веков. Аминь.

Святой великомученик и целитель Пантелеймон (год преставления 301; день памяти 9 августа) традиционно является наиболее почитаемым в России духовным целителем ото всех телесных и душевных недугов. Ему особенно молятся при болезнях головы, внутренних и глазных болезнях.

О великий угодниче Христов, страстотерпче и врачу многомилостивый Пантелеймоне! Умилосердися надо мною, грешным рабом, услыши стенание и вопль мой, умилостиви небеснаго, верховнаго Врача душ и телес наших, Христа Бога нашего, да дарует ми исцеление от недуга, мя гнетущаго. Приими недостойное моление грешнейшаго паче всех человек. Посети мя благодатным посещением. Не возгнушайся греховных язв моих, помажи их елеем милости твоея и исцели мя; да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь.

Святые угодники Божии, бессребреники и чудотворцы, братья Косма и Дамиан, еще при жизни своей делали здоровыми хромых, слепых, увечных (пострадали в III в.; день памяти 14 ноября).

К вам, святи безсребреницы и чудотворцы Космо и Дамиане, яко к скорым помощником и теплым молитвенником о спасении нашем, мы, недостойнии, преклоньше колена, прибегаем и, припадающе, усердно вопием: не презрите моления нас грешных, немощных, во многая беззакония впавших и по вся дни и часы согрешающих.

Умолите Господа, да пробавит нам, недостойным рабом Своим, великия и богатыя Своя милости; избавите нас от всякия скорби и болезни, вы бо прияли есте от Господа и Спаса нашего Иисуса Христа неоскудную благодать исцелений, ради твердыя веры, безмезднаго врачевания и мученическия кончины вашея. Услышите нас, молящихся, и благоприятным ходатайством вашим испросите у Христа Бога православным правителем России здравие, благоденствие, спасение, на враги же победу и одоление и благословение Божие. Паки припадающе прилежно молим, испросите нам от Господа вся благополезная, яже в животе нашем временном, наипаче же ко спасению вечному служащая, да сподобимся молитвами вашими улучити кончину христианскую, безболезненну, непостыдну, мирну, и да избавимся от козней диавольских и вечныя муки; безконечнаго же и блаженнаго Царствия Небеснаго наследницы будем. Ей, угодницы Божии, не престайте молящеся за ны, с верою к вам притекающия: аще бо по множеству грехов наших и несмы достойни милосердия вашего, обаче вы вернии подражателие человеколюбия Божия суще, сотворите, да принесем плоды достойны покаяния и в вечный покой достигнем, хваляще и благословяще дивнаго во святых Своих Господа и Бога и Спаса нашего Иисуса Христа и Пречистую Матерь Его, и ваше теплое заступление всегда, ныне и присно и во веки веков. Аминь.

Преподобный Агапит Печерский, врач «безмездный» (прославился в XI веке; день памяти 14 июня) исцелял безнадежно больных.

Богоноснаго Антония ревнуя смиренномудрию, аки некиим врачеством зелием снедным исцелял еси болящия, преподобие Агапите, тем и врача неверна уверив, наставил еси на путь спасения. Уврачуй и наша болезни и молися Господеви о воспевающих тя.

Преподобный Пимен Многоболезненный, Печерский (преставился в 1110 году; день памяти 20 августа) с детства был слаб здоровьем и всю жизнь страдал от тяжелой болезни, приковавшей его к кровати. Он смиренно переносил ее и молился об исцелении других. Перед смертью он получил чудесное исцеление.

Богоноснаго Антония смиренномудрием подражая, терпением Иову подобяся, не исцеления от болезни, но паче протяжения тоя желал еси себе, терпеливодушне Пимене, да не како здрав быв, и от места сего родительми исторжен, сожития преподобных и чина их лишися, тем паче надежды от самих Ангел пострижен был еси, с ними же моли Христа Бога спастися душам нашим.

Долговременную болезнь благодарив претерпевшего, приидите, сошедшеся, восхвалим Пимена многотерпеливаго, иже бо иногда за смрад болезни бе гнушаем, сей ныне благоухание испущает с верою к раце мощей его приходящим и прогонит злосмрадие страстей от вопиющих: прииди, Пимене, к нам, и ничтоже успеет враг на ны.

Молятся святителю Гурию, архиепископу Казанскому (преставился в 1563 году; дни памяти: 18 декабря; 3 июля).

Святителю отче Гурие! Предстояще священной раце многоцелебных мощей твоих, молим тя усердно быти всегда и везде нашим ходатаем, заступником и покровителем. Исходатайствуй пастве твоей мир, тишину, благоденствие, здравие и спасение.

Буди присный наш заступник от всех врагов, видимых и невидимых; покрывай нас от нахождения всех бед, напастей и скорбей, паче же от искушения врага темнаго. Предстоящим же зде и молящимся испроси у Господа Бога вся, яже ко спасению своему тии просят у Него в своих нуждах и скорбех, да вси мы с тобою прославляем Всесвятое имя Отца и Сына и Святаго Духа, ныне и присно и во веки веков. Аминь.

Молятся Апостолу Петру (преставился в 67 году; дни памяти: 12 июля; 29 января).

Святой апостол Петр имеет особую благодать избавления от болезней, связанных с высоким подъемом температуры тела.

О святый Петре, великий апостоле, самовидче и сотаинниче Божий, всемощною десницею Учителя твоего из вод волнующихся приятый и от конечнаго потопления свободивыйся! Не забуди и нас убогих, в тине греховней погрязших и волнами житейскаго моря обуреваемых: подаждь нам твою руку крепкую, помози нам и удержи нас от потопления во страстех, похотех, лжах и клеветах.