Ольга Вега - Акафист святителю Николаю Чудотворцу

Составитель Ольга Вега

ISBN 978-5-4485-2857-6

Создано в интеллектуальной издательской системе Ridero

Святитель Николай родился в 280 года в городе Патары, на юго —западном побережье Малой Азии. Он отошел ко Господу около 345—351 годов, будучи в сане епископа Мир Ликийских. Святой Николай Чудотворец, один из самых почитаемых на Руси святых прославлен от Бога даром чудотворений и исцелений. Ему молятся о помощи в разных бедах, в нужде, устроении судьбы детей, о благополучии в пути по суше и по морю. Много раз угодник Божий выручал из беды путешествующих и странствующих, выводил страждущих из плена и заточения, исцелял недугующих, кормил голодающих, помогал в трудах праведных и не оставлял без утешения всех прибегающих к нему. Нетленные его мощи, почивающие в итальянском городе Бари, доныне источают целебное миро, исцеляющее душевные и телесные болезни.

Память Святителю Николая совершается 6/ 19 декабря и 9/ 22 мая.

Кодак 1.

Возбранный Чудотворче и изрядный угодниче Христов, миру всему источаяй многоценное милости мирои неисчерпаемое чудес море, восхваляют тя любовию, Святителю Николае: ты же, яко имеяй дерзновение ко Господу, от всяких мя бед свободи, да зову ти: Радуйся, Николае, великий Чудотворче.

Икос 1.

Ангела образом, земного суща естеством яви тебе всея твари Создатель; благоплодную бо доброту души твоея провидев, преблаженне Николае, научи всех вопити тебе сице: Радуйся, от утробы матерния очищенный; радуйся, даже до конца освященный. Радуйся, рождением своим родителей удививый; радуйся, силу душевную абие по рождестве явивый. Радуйся, саде земли обетования; радуйся, цвете Божественного сождения. Радуйся, лозо добродетельная винограда Христова; радуйся, древо чудоточное рая Исусова. Радуйся, крине райского прозябения; радуйся, миро Христова благоухания. Радуйся, яко тобою отгонится рыдание; радуйся, яко тобою приносится радование. Радуйся, Николае, Великий Чудотворче.

Кодак 2.

Видяще тво мир излияние, Богомудре, просвещаемся душами и телесы, дивнаго тя мироточца живоносна, Николае, разумеюще 6чудесы бо яко водами, благодатию. Божиею изливающимися, напаяеши верно вопиющих к Богу: Аллилуиа.

Икос 2.

Разум неуразуменный вразумляя о Святей Троице, был есив Никеи со святыми отцы поборник исповедания православныя веры: равна бо Отцу Сыну исповедал еси, соприсносушна и сопрестольна, Ариа же безумнаго обличил еси. Сего ради вернии научишася воспеваты тебе: Радуйся, великий благочестия столпе; радуйся верных прибежища граде. Радуйся, твердое. Православия укрепление; радуйся, честное Пресвятыя Троицы носило и похваление. Радуйся, Отцу равночестна Сына проповедавый; радуйся, Ариа возбесившагося от Собора святых отгнавый. Радуйся, отче отцев славная красото; радуйся, всех благомудрых премудрая доброто. Радуйся, огненая словеса испущаяй; радуйся, добрестадо свое наставляяй. Радуйся, яко тобою вера утверждается; радуйся, яко тобою ересь низлагается. Радуйся, Николае, великий Чудотворче.

Кодак 3.

Силою, данною ти свыше, слезу всяку отьял еси от лица люте страждущих, богоносне отче Николае; алчущим бо явился еси кормитель, в пучине морстей сушим изрядный правитель, недугующим исцеление и всем всяк помощник показался еси, вопиющим Богу: Аллилуиа.

Икос 3.

Имеяше воистинну, отче Николае, с Небесе песнь тебе воспеваема быти, а не от земли: како бо кто от человек возможет твоея святыни величия проповедати; но мы, любовию твоею побеждаеми, вопием ти сице: Радуйся, образе агнцев и пастырей: радуйся, святое очистилище нравов. Радуйся, добродетелей великих вместилище: радуйся, святыни чистое и честное жилище. Радуйся, светильниче всесветлый и все любимый; радуйся, свете златозарный и непорочный. Радуйся, достойный Ангелов собеседниче; радуйся, добрый человековнаставниче. Радуйся, правило веры благочестивыя; радуйся, образе кротости духовныя. Радуйся, яко тобою от страстей телесных избавляемся; радуйся, яко тобою сладостей духовных исполняемся. Радуйся, Николае, великий Чудотворче.

Кодак 4.

Буря недоумения смущает ми ум, како достойно есть пети чудеса твоя, блаженне Николае; никтоже бо может я исчести, аще бы и многим языки имел и глаголати восхотел; но мы дивно Богу в тебе прославляющемуся дерзаем воспевати: Аллилуиа.

Икос 4.

Слышаша, богомудре Николае, ближнии и дальнии величие чудес твоих, яко по воздуху легкими благодатными крилами навыкл еси сущих в бедах предваряти, скоро от тех избавляя всех, вопиющих к тебе таковая: Радуйся, избавление от печали; радуйся, подаяние благодати. Радуйся, нечаемых зол прогонителю; радуйся, желаемых благих насадителю. Радуйся, скорый утешителю в беде сущих; радуйся, страшный наказателю обидящих. Радуйся, чудес пучино, Богом излиянная; радуйся, закона Христова скрижали, Богописанныя. Радуйся, крепкое падающих возведение; радуйся право стоящих утверждение. Радуйся, яко тобою всякая лесть обнажается; радуйся, яко тобою всякая истина сбывается. Радуйся, Николае, великий Чудотворче.

Кодак 5.

Боготечная звезда явился еси, наставляя по морю плавающих люте, им же смерть предстояше вскоре иногда, аще не бы ты предстал еси призывающим тя в помощь, Чудотворче святый Николае; уже бо нестыдно бесом летающим и погрузите корабли хотящим запретив, отгнал еси их, верныя же научил еси спасающему тобою Богу взывати: Аллилуиа.

Икос 5.

Видеша отроковицы, на брак скверный нищеты ради уготованныя, великое твое к нищим милосердие, преблаженне отче Николае, егда старцу родителю их нощию узельцы три злата таяся подал еси, самаго со дщерьми избавляя от падения греховного. Того ради слышиши от всех сице: Радуйся, милости превеликия сокровище: радуйся, промышления о людех приятелище. Радуйся, пище и отрадо к тебе прибегающих; радуйся, хлебе неснедаемый алчущих. Радуйся, богатство, бедне живущим на земли Богом данное; радуйся, воздвижение скорое убогих. Радуйся, быстрое нищих услышание; радуйся, скорбящих приятное попечение. Радуйся, триех дев непорочный невестителю; радуйся, чистоты усердный хранителю. Радуйся, ненадежных надеяние; радуйся, всего мира наслаждение. Радуйся, Николае, великий Чудотворче.

Кодак 6.

Проповедует мир весь тебе, преблаженне Николае, скораго в бедах заступника: яко многажды во едином часе по земли путешествующим и по морю плавающим, предваряя, пособствуеши, купно всех от злых сохраняя, вопиющих к Богу: Аллилуиа.

Икос 6.

Возсиял еси свет животный, избавление нося воеводам, неправедную смерть прияти имущим, тебе, добрый пастырю Николае, призывающим, егда вскоре явлься во сне цареви, устрашил еси его, сих же неврежденных отпустити повелел еси. Сего ради с ними купно и мы благодарственно вопием ти: Радуйся, усердно призывающим тя помогаяй; радуйся, от неправедного убиения избавляяй. Радуйся, от лестныя сохраняяй клеветы; радуйся, неправедныя разрушаяй советы. Радуйся, растерзаяй лжу яко паучину; радуйся, возношаяй славно истину. Радуйся, неповинных от уз разрешение; радуйся, и мертвецев оживление. Радуйся, проявителю правды; радуйся, помрачителю не правды. Радуйся, яко тобою неповиннии избавления от меча; радуйся, яко тобою насладишася света. Радуйся, Николае, великий Чудотворче.