Мария Быкова - Шепот-шепоток! 1000 нашептываний на деньги, любовь, здоровье и счастье

Да воскреснет Бог, и разыдутця врази его, и да бежат от лица его ненавидящии его. Яко изчезает дым, да изчезнут, тако бы изчезали от меня, раба Божия имярека, светым Михаилом и Гавриилом и светою же Божиею херувимьскою и серафимьскою силою, и всеми небеснами силами, и ангели, и светым Георгием и Димитрием. Да обратятца перья во старую во матерь во пьтицу, а пьтица в небо, а клей в рыбу, а рыба в море, а железо во свою матерь в землю. Тое молитвы всегда и ныне и присно и во веки веков. Аминь, аминь, аминь.

Господи, благослови, Отче, молитвами Господа нашего Исуса Христа. Есть море железное, на том море железном есть столп железной, на том на железном столпу есть царь железной, стоит от востока и до заподу, оперьшися своим железным посохом, заказывает и заповедывает детем своим, железу и булату, и укьладу красному и синему, и стреле всякой, железу простому и каленому. Пойди ты, железо, во свою матерь в землю, а меня, раба Божия имярека, мима. Пойди ты, древо, к лесу, а перья во пьтицу, а клей вь рыбу. Аминь.

Пресвятая госпоже владычица Богородица, моли Сыну своему, Господу нашему Иисусу Христу, да избавит мя от нопрасныя смерти, от вечныя муки, буди мне помощница и заступница в нынешнем веце и в будущем, всегда помоги мне, грешному рабу своему имяреку, на рате сей. Благодарю тя, свитая Троица, за твое великие милосердие, человеколюбие, за твое терпение, аще бы не твоя, Госпоже, милость покрыла меня, грешного раба своега (имярек), тут жа бы я погиб, аки прах пред лицем ветру, бых немыслен за свое окоянство и лености. Не подобная дело, час грешил пред тобою, Господи, молив: Владыко, много терпиши и злоб и досад мне грешному и недостойнаго хотя мало другу сотворил, и я не могу терпеть досад и поношение. Аз окаян, не могу терпети немилостиви от Творец мой, много терпиши, ожидаиши обращения, ждеши ты, терпиши, Бог наш, и вся грешники призываеши на спасение. Аминь.

Много многомилостив человеколюбец, послушай мене, грешнаго и худаго, моление моего. Ты всем, Владыко, очищае грехи, аз же сам каяся тебе, многомилостивому царю и много проповедую тебе, святая Богородица, молюся тебе: Госпоже, спаси мя от всех врагов видимых и невидимых, не имею у кого помощи разве тебе. Господа моего на рате сех возму. Господи, крест на врагов моих, призри, спаси мя, грешного, Господи, на рате сие раба своего (имярек), покры мене, Господи, на воде покойне сохрони, Господи, соблюди, Господи, дай жа ми истинну в сердце моем, иже не сохранятца от всех зол, ты бо еси тишина во всю вселенную, ты свет во тме седящим. Многогрешному рабу твоему буди помощник на враги на рате си против ратного оружия всякого, невернаго плеча, татар и немец, и от литвы, и от всякого измаителскаго рабу, нечестивых рабов, которы не познаша тебя, Господи. Аминь.

Стоит град каменной Вифлием крух мено, раба Божия имярека. В том граде Вифлиеме породила Пречистая Богородица Бога нашего Исуса Христа Вседержителя. Дай же мне, Господи, рабу Божию (имярек), заступление святы архангелы Михаила и Гавриил, святых небесных сил безплотных, святаго великомученика Георгия Победоносца, защититя и заступити раба Божия имярека от стрелы летящия, от пулки свинцовыя, от всякия железа, от всякого булата и укладу, и от всякия меди, и от стали, и от проволки, и от коленого до телу, и от простова железа, от едра, и от дроби, и от всякого зверя костей, и от жимолости, и от всякого древа руского и заморского, и от всякия птицы костей, руских и заморских костей, в поле и в лесу, и всякого зверя костей, и всякого роду человеческого: от татар, и от черемисы, и от всяких врагов, и супостатов, нечестивых языков.

Через страшный день Господа нашего Исуса Христа и через Господа нашего Исуса Христа. Соблюди, Господи, помилуй, закрой, заступи, защити раба Божия имярека всемогущаго, иже не может сокрушити раба Божия имярека со все четыре стороны своими скипетры, не доиде на меня, раба Божия, иноплеников, ни лихим людем стрелою стрелять, ни рогатиною колоть, ни копием вернути, ни саблию ссечь, ни ножем заколоть, ни топором рубить, ниже топором ни ударить ни стару, ни младу, ни ведцю, ни ведунце. Все те предо мною помрачены, аки прах пред лицем ветра. Утверждения Бога нашего Исуса Христа со всеми святыми отцы, рабу Божию имяреку утвержение, уграждение вовеки. Аминь. Аминь. Аминь.

Человеколюбче, помилуй мя. Благослови твоея ради (имярек) кровию источе, Господи Боже наш, присушивый сий в сей источник неприазний недух и победивый всю силу неприазненую. Ты ныне, Владыко, восхощи источитися источник крови своея, победити болезненную, дати рабу твоему (имярек) исцеление благо, прославлшаго тя сие твоего духа. Ныне и присно и во веки веков. Аминь. Господи Иисусе Христе, Сыне Божий, сотворил еси Животворящий Крест и пришел еси на волнную страсть на распятие спасения нашего ради, и нам дарова крест и свой чесный на прогнание всякаго врага и супостата. Аминь.

Крест – хранитель всея вселенныя, крест – глава церкве, крест – царей держава, крест – ангелом слава и демоном азьва. Крест на раба Божия (имярек) возложен бысть во святом крещение и крестным знамением. Раба Божья (имярек), крести лице свое крестообразно всякой день и час. Креста твоего, Господи, сила велика, ибо демонов сокрушаюше и прогоняюше от раба Божия (имярек) прочь вражию неприазнненную силу и вся недуги исцеляюшше, скорби и болезни душевные и телесные в семидесяти двух и трех жилах, в семидесяти двух и трех суставах, сим Чеснаго и Животворяшшаго Креста святаго славнаго пророка и предтечи крестителя Господня Иоанна и архистратига Христова Михаила и Гавриила, и всея небесныя силы ангелов, херувимов и серафимов. Вовеки. Аминь.

Господи Боже, благослови, Отче! Кресту твоему поклоняемся, владыко, и тридневное воскресение твое славим. Во имя Отца и Сына и Святаго Духа. Буди со мною, с рабом Божиим (имярек), Божия милость Господа Бога и Спаса нашего Исуса Христа. Аминь.

Во имя Отца и Сына и Святаго Духа. Есть озеро железно и есть царь железной, защичивает и покрывает меня, раба Божия (имярек), от турскаго железа и от стрел, и от копей, и от топоров, и от ножев, и от рогатин, и от пищалей, и от санапалов, и от сабель, и от пулек свинцевых, и от железных, и от булатных, и от укладных, и от всякия раны, и от всякого удару. Помилуй мя, раба Божия (имярек), Исус Христос, Сын Божий! Поведи, Господи, прочь от меня веть, раба Божия (имярек). Всегда и ныне и присно и во веки веком. Аминь.

Пресвятая госпоже Пречистая Владычица наша Богородица и Приснодева Мария, обрати ко мне, к рабу Божию (имярек), всякую стрелу ушима, защити, государины Пречистая Богородица, раба своего (имярек) Господним булатом от земли и до небеси и своею святою и нетленою ризою загради меня, раба своего (имярек), от востоку и до западу своею святою помощию по рекам и по озерам, и по болотам, и по пустым плесом. Укрой, защити и сохрани, государыни Пречистая Богородица, меня, раба своего (имярек).