Леонид Моргун - Народная ворожба и гадания

Бойся, человече, Бога, будет ти добро. — Рече Господь человеку: спеши слезами, и радости пожнешь; не скорби, человече: добро орудие твое будет, совершится от печали в радость. Бог тебе на помощь.

Его же мыслиши, то не добро будет. — Рече Господь: человече, веси ли в кий час придет тать, подкопает дом твой и расхитит сокровище твое; не обрящеши во орудии сем погибшего; нести ти пользы, лишишься орудия сего; не твори его.

С трудом орудие сбудется и добро есть. — Рече Господь человеку: молния освещает весь мир, гром грянет, мнози люди устрашатся; и к тебе, человече, скоро беды и печали придут; не отчаивайся — вскоре ти радость будет. Бог тебе на помощь.

Тяжко дело твое и мятежно будет ти. — Рече царь Давид: аще не Господь хранит град, всуе трудишася зиждущий. Сказание: сей век труд имать, все вотще ту; несть ти на пользу; отступи от дела сего; несть ти пользы в нем.

Покайся, добро ти будет, все добро. — Рече пророк Иона: возопих в печали моей ко Господу Богу моему; и услыша мя из чрева адова вопль мой, услышал еси глас мой. Сказание: из велицыи печали бывшен ти, без беды и без печали будеши. Бог тебе на помощь.

Не бойся ти, человече, будешь ти все добро. — Рече пророк Иона: человече, примеши от Бога радость, многим врагом восстающим на тя. Не успеют ти ничтоже зло сотворяти не смогут. Бог от врагов избавит тя. Добро дело се.

Исповедайся Богу, добро ти будет. — Рече Господь человеку: время твое добро будет; пути гладки, по ним же не имаши спора; несть ти спора, ни супостата врага; добро ти будет. Бог тебе на помощь.

От печали радость будет ти; добро есть дело сие. — Рече Господь человеку: благословящих ти множество, уповающих на тя; исполни домы твоя вина, и елея, и пшеницы. Сказует: много добра исполнеши. Бог тебе на помощь.

Добро есть орудие твое; збудется в радость добро. — Рече Господь: человече не веси ли яко аз пекуся тобою, а ты не сохраняешь заповеди мои и наказания, имаше наследити добро. Молися Богу. Бог тебе на помощь.

Сказание: имаше добру радость. — Изыдет солнце на Русскую землю и осияет всего мира. Сказание: великие печали избудеши; так ты, человече, не печалуйся о деле сем; от печали в радость будет. Бог тебе на помощь.

Тяжко дело, несть на пользу и на путь. — Тьма наступает и свет померче, туга исполнить прииде. Сказание: Великий град погибнет. Начало Господь страх Господень, разум же благ всем творящим и хвалящим хвалу; не добро есть дело твое.

Прибыток примеши и неначаемая радость. — Рече Господь человеку: егда орел остареется и слетит орел выше облака во время свое и ударится о бел камень; тогда обновится орел и будет млад; так ты, человече, потрудися: труда твоего Бог не покинет. Бог тебе на помощь.

Истинно есть дело твое. — Рече Господь человеку: дому твоему подобает святыни, Господи, в долготу дней. Сказание: Безтрудно (sic) покой обрящеши, добро ти будет. Бог тебе на помощь.

Истинно дело твое. — Человече, дому твоему подобает святыня, Господи, в долготу дней. От труда покой обрящеши, добро ти будет. Бог тебе на помощь.

Велми попецися о деле сем, будет добро. — Рече Господь человеку: не ходи в совет несмысленных, уклонися от зла и сотвори благо. Орудие твое по печали в благо совершится.

Видех человеки превозносящихся и высыщаяся яко кедры ливанские и мимо идех и се не бе взысках его. Не печалуйся, враги твои не могут противитися тебе. Вельми добро есть дело твое. Бог тебе на помощь.

Сказание: о деле сем. Дело твое, человече, скоро сбудется. — Рече Господь Господеви моему: сиди одесную мене, дондеже положу враги твое подножие ног твоих. Сказание: враги твои падут под ногами твоими. Бог тебе на помощь.

Не начайся орудия сего, не добро. — Рече Господь человеку: человече, злый враг, супостат твой, зрит на тебя яко огнь на огня, хощет тя изъясти скоро и напрасно. Сказание: примешь ты беду от врага и супостатов твоих, несть ти на пользу, лишися орудия сего.

На добро дело твое будет. — Господи Господь наш, яко чюдно имя твое во всей земли. Сказание: княжеское дело твое все грозно; гроза твоя вели(я) есть всей земли. Не печалуйся, человече, добро орудие твое будет. Бог тебе на помощь.

Попекися о деле сем, добро будет. — Рече святый архангел: человече, не кайся, ни в печаль мечися; его же хощеши, восприимеши. О нем же вопрошаеши, надежду имаше добру; а что если мыслиши на сердце своем, то и сотвори, сии вся примеши. Бог тебе на помощь.

Не возносися, человече, но смирися. — Рече святая Варвара: человече, не буди напраслив, не уповай на душу свою. Со упованием твори: добро ти будет; и о нем же вопрошаеши, удержи, блюди чисто неврежден смысл, примеши, себе похвалиши. Сказание пророк: со удержанием спасешися. Бог тебе на помощь и святая Варвара.

Жены-мироносицы приидоша ко гробу Господню; рече женам ангел: что живаго с мертвыми ищете? В сей день воскресе. И возрадовася жены Христову воскресению; так ты, человече возрадуешься орудию сему.

Хвалу имать дело твое, печально есть. — Рече Господь человеку: попечалуйся о деле сем. Трудно и печально есть дело, не добро есть ни в пути, ни в дому. Человече, лишися орудия сего, зло есть.

Печально есть дело твое, не радостию совершится. Рече святый Никита: человече, печалуешься и тужиши, и дару у Богу просиши. Но по печали радость будет. Бог тебе на помощь и святый Никита во орудии сем.

По печали в радость придет; добро дело. — Рече Господь: человече, всех честь получиши и всех кормити; благ и тебе даст Бог изобильно. Бог тебе на помощь.

Что себя, человече, хулишь и стонешь? От Бога ти добро есть. Бог на твое дело наставит; добро ти будет Бог на помощь. Сказание : молися Богу; в деле сем после печали радость; не печися о деле сем.

Яко же просиши и мыслиши, человече, помыслы твои сбудутся. Сказание: во орудии твоем сбудется; супостаты твои падут под ногами твоими, на мольбу приходиши.

Господь всех человек кормит, благодать по вся дни с прибытком. Человече, насытишися во орудии сем. Бог тебе на помощь. Сказание : радость повидает орудие се, от печали в радость придет.