Том Сибдей - Кибелiстер. Талламалығ чыынды

Пос хылынызы, минің тайағым
(Осиптең Ӧдіс алғаны?), —
Піл полбас алғызым Чир-чайаанға:
Илбек Чазы хулғалап халғаны…

Минің чолым, чох, Римзер нимес,
Чир ибіріп – Чазы кӱргенінзер!
Анда даа, хынза, изім тоспас
Хан Тигірнің мағаа ӧзенінде.

Кӧксім істі, сыытнаң ыңнанып,
Тӱӱрли кӧксеснең халар,
Алай ба, пічиимге яңланып,
Ах чаҷын сухсаан тосхырар.

Азах кӧдірген тозын, таpaп,
Тубан чіли, Чирімде хайылар,
Тайағым, пулуңда хайхап:
Пос хылынызы, арғызым, хайыдыр?..

Киҷеегі кӱнні алғысти – Анымҷох!
Парчан чир-чайаанға мин алымы чох,
Парчан чир-чайаан даа мағаа алым чох.

Анымҷох, минің хынғаным, хынмааным,
Хол саапчам Сӧрӧнге – чӱреемнің суртлааны,
Хол саапчам, хыйға махтанмааным,

Турчам амды, пос хомдызын кӧргли,
Анда чахайахтар чатчалар ипти…
Анымҷох, идім, – тын чохтың хатии…

Изен ползын Чарых – Мӧгінің сілии!
Изен ползын ӧлім! – Чуртастың артии!
Пос хылыныс хылызын пазох ла таптим!

Чатчабын Хан Тигірдең ээліг,
Чӱреем кӧӧ ӱзіл парды мында…
Хомды істі – сӧӧктернің ээні
Ам даа хомзынча пу чирде:

Чиит кізі халбыр сӧстернең
Хырызып маңнанмаан ил-чонны.
Араға ізеечі піреезін,
Хынза, салбыры ӱчӱн посты…

Харын, чатчам мында ээліг —
Хасхы-оғыр, поэт, хара пас…
Тар пілбеен пу кибеліс сӧстерін
Хурутча сӧӧгімде ээн чуртас.

Иркiн озаринда табылған табыс
Ах чаҷынға сӱректет килiп,
Пол парды олаңай ла пiдiр чабыс,
Пол парды олаңай ла сигнең сиилiп…

Мин дее тыстанчам андағ хылынысха:
Хайдағ даа öзiңнi хысхырчат хазырып -
Хубулыс сооғына олох таа чазылып,
Чӱрек хайнааны тохтир, хомзынысха…

Пiдiрлернiң хазалҷых чорығы
Сухсумны хазырчатхан хуруғ кии:
Андар ит, пеер ит – олох ла соғыным,
Сöстiң сöгiлчеткенi – ызии!..

Сöстiң сöгiлчеткенi – час табыс:
Кемге-де тööйли кöлегi пол…