Древние Литургии

О еже сохранитися миру среди народов всея земли и о избавитися нам от всякаго зла Господу помолимся.

Помолимся Господу, и да простит нам прегрешения наши и сподобит нас жити свято и войти в жизнь вечную.

Священник:

Услыши, Господи Иисусе Христе, усердное моление народа Твоего, собравшагося в Церковь Твою Святую в сей день памяти (имя) воспевати хвалы и славословия Тебе.

Не презри нас в нуждах наших: даруй пленным свободу, слепым прозрение, грешным прощение и вся, по коегождо своей потребе, яко пришел еси спасти всех нас.

С небесе святаго Твоего призри на нас и просвети народ Твой, души бо наши истинно веруют в Тебя, Спасителя мира, живущего и царствующего со Отцем и Святым Духом во веки веков.

Хор: Аминь.

*Если ектения не произносится, то просто поется трижды Кирие, элейсон (Господи, помилуй).

Священник благословляет народ:

Господь с вами.

Чтец: И со духом твоим. Пророчества (имя) чтение.

Священник: Пророческое чтение да исполнит нас божественною благодатию во имя Отца + и Сына и Святаго Духа.

Чтец: Аминь. И сразу читает паремию.

Диакон: Вонмем.

Чтец читает с хором прокимен дня по обычаю. Диакон кадит.

Священник:

Господь с вами.

Чтец: И со духом твоим. Послание Святаго Апостола (имя) ко (имя) чтение.

Священник: Апостольское чтение да будет нам наставлением ко спасению, во имя Отца + и Сына и Святаго Духа.

Чтец: Аминь и чтение.

Диакон после чтения: Вонмем.

Аллилуиарий по обычаю.

Священник: Господь с вами.

Диакон: И со духом твоим. От (имя) святаго Евангелия чтение.

Священник: Евангельскими словами да истребятся наши согрешения, во имя Отца + и Сына и Святаго Духа.

Диакон: Аминь и чтение.

Священник после Евангелия благословляет народ:

Господь с вами.

Хор: И со духом твоим.

Священник ставит Евангелие на Горнее место и произносит проповедь.

* Здесь возглашается сугубая ектения или поется Господи, помилуй (трижды).

Диакон: Воспоем вси усердно, от всея души и от всего помышления нашего: Господи, помилуй.

Хор: Господи, помилуй (трижды).

Господи Боже Вседержителю, Пренебесне Боже наш и отец наших, скоро услыши и помилуй.

Хор: Господи, помилуй (трижды).

Еще молимся о здравии и спасении Отца и Иерарха нашего ..., Архиепископа богоспасаемаго града сего ..., и о еже умножитися ему лета жития его, да в мире и любви право правит слово Христовой истины.

Хор: Господи, помилуй (трижды).

Еще просим, Господи: даруй властям державы нашей Российской мудрость и благочестие, да совершат дело правления своего по правде и любви, на пользу и спасение воинства и страждущего народа нашего. Молимся все усердно: Господи, помилуй.

Хор: Господи, помилуй (трижды).

{Еще молимся о всечестнем отце нашем протоиерее ..., исполни, Господи, мудростью дела молитвы и правления его на пользу благую братии и прихожан святаго храма сего.}

Хор: Господи, помилуй (трижды).

Рцем и о зде начальствующих, учащих и учащихся, о вразумлении их и о еже просветити разум их к послушанию и учению церковному, а сердце ко благочестию и мудрости - усердно молимся, услыши и помилуй.

Хор: Господи, помилуй (трижды).

Еще молимся, и о еже избавитися им и нам от всякия скорби, гнева, беды, глада и нужды, пленения и нашествия врагов, горькия и внезапныя смерти.

Хор: Господи, помилуй (трижды).

Священник: Исполни, Господи, прошения наша, и аще чего по неразумию просим, прости нас и помилуй, вся же нужная ко спасению во благовремении подай: старых поддержи, юныя настави, страждущих утеши, трудящихся и подвизающихся укрепи, учащихся просвети, воином споборствуй, путешествующим спутешествуй, заблуждающихся вразуми и всех предстоящих людей, ожидающих от Тебе великия и богатыя милости, помилуй и спаси.

Яко Ты Бог милости и щедрот и человеколюбия еси, и Тебе славу воссылаем, Отцу и Сыну и Святому Духу, ныне и присно и во веки веков.

Хор: Аминь.

Священник: Мир всем.

Хор: Мир Твой, Господи.

Священник: Господь с вами.

Хор: И со духом твоим.

Хор поет Херувимскую песнь:

Се, отверзеся храм ковчега Завета, / и нисходит с неба Новый Иерусалим,/ в нем же пребывает жилище Бога и Агнца, / и слуги Его приносят Ему дары, глаголюще //: Свят, Свят, Свят Господь Бог Вседержитель, / иже бе и сый, и грядет. Восседает посреде его / на престоле величества своего Агнец, / и глас возглашает пред Ним, глаголя: / победил лев от колена Иудина, корень Давидов; / и животна четыре непрестанно взывают /к Сидящему на престоле//: Свят, Свят, Свят Господь Бог Вседержитель, / иже бе и сый, и грядет.

Священник раскрывает антиминс и читает над ним молитву:

Боже, Боже, сообщивый благодать Твоего достоинства естеству человеческому, сподоби нас причастниками быти божества Сына Твоего, ставшего причастником нашей тленности.

Сына, с Тобою живущего и царствующего, яко Бог, во единстве Святаго Духа, во веки веков. Аминь.

После молитвы священник и диакон подходят к жертвеннику. Священник принимает большую просфору и знаменует ею дискос крестообразно трижды, тихо говоря:

Приими, милостивый Отче, сей святый хлеб, да соделается он телом Единороднаго Cына Твоего, во имя Отца + и Сына + и Святаго Духа +. Аминь.

Потом вливает вино и воду в чашу трижды крестообразно, говоря: Из ребра Христова истекла кровь и вода, во имя Отца + и Сына + и Святаго Духа +. Аминь.

Приподнимая чашу:

Прими, милостивый Отче, сию чашу, да соделается вино, смешанное с водой, Кровию Единородного Сына Твоего, во имя Отца + и Сына + и Святаго Духа +. Аминь.

Потом, преклонившись, священник произносит:

И приими, Всесвятая Троице, приношение сие наше об устроении и сохранении во единстве православной веры христианской, и о спасении и благостоянии рабов Твоих, зде предстоящих и молящихся, (здесь священник читает имена по диптихам (запискам) о здравии) и всех, заповедавших нам, недостойным, молитися Тебе за них и ихже приношение мы прияхом. И всех верных христиан живых и усопших помяни, Господи, да сподобятся по милосердию Твоему получити прощение всех грехов своих и награды вечного блаженства, верно пребывая в хвале Твоей, к славе и чести имени Твоего, Боже милостивейший, Творче всего сущего, чрез Христа, Господа нашего.