Древние Литургии

Священник кадит покровцы и покрывает ими сосуды. Затем принимает кадило и, трижды покадив предложение, отдает кадило диакону, который кадит алтарь, иконостас и молящихся, возвращается в алтарь, кадит жертвенник и отдает кадило пономарю.

Священник подает диакону дискос, берет чашу и, в предшествии пономарей со светильниками и кадилом, выходит северными дверями. (Хор прерывает пение Херувимской.) В Царских вратах священник благословляет молящихся сосудами, говоря:

Всех вас, благочестивых и православных христиан, да помянет Господь Бог во Царствии Своем, всегда, ныне и присно и во веки веков.

Хор поёт Аминь и продолжает пение Херувимской. Священник входит в алтарь, ставит сосуды на Престол, снимает с дискоса покров (на чаше покровец остается), кадит предложение, отдает кадило и, простирая руки над дарами, произносит молитву:

Благословение Бога Всемогущего + Отца и + Сына и + Святаго Духа обильно да снидет с небесе на сие приношение наше, и да будет сие приношение благоприятно Тебе, Святый Господи, Всемогущий Отче, вечный Боже, милосердый Создателю всего сущего.

После пения Херувимской песни священник благословляет народ:

Господь с вами.

Хор: И со духом твоим.

Все поют (читают) Символ веры.

После пения Символа веры священник благословляет народ:

Господь с вами.

Хор: И со духом твоим.

Священник громко читает молитву над приношением:

Молим, Господи, да будет благоприятно Тебе приношение сие в день сей святый памяти (имя святого или праздника) , да по благости Твоей чрез причащение святых даров сих сподобимся быти во образе Христовом, в Нем же, веруем мы, и наше естество пребывает, иже с Тобою живет и царствует, яко Бог, во единстве Святаго Духа, во вся веки веков.

Хор: Аминь.

Священник: Господь с вами.

Хор: И со духом твоим.

Священник: Вознесем сердца.

Хор: Возносим ко Господу.

Священник: Возблагодарим Господа.

Хор: Достойно и праведно.

Священник: Воистину достойно и праведно, преподобно и спасительно всегда и везде благодарити Тя, святый Господи, всемогущий Отче, вечный Боже, чрез Господа нашего Иисуса Христа, воплотившагося спасения нашего ради, Его же восхваляют бесчисленные сонмы и воинства Ангелов, с ними же и мы воспеваем неизреченную славу Твою, (благословляет звездицей крестообразно дискос) непрестанно взывая:

Хор: Свят, Свят, Свят, Господь Саваоф, исполнь небо и земля славы Твоея, осанна в вышних. Благословен грядый во имя Господне, осанна в вышних.

Священник: И ныне усердно молим Тебя, милостивый Отче, и просим чрез Иисуса Христа, Сына Твоего, Господа нашего, приими и благослови сии дары, сии приношения, сию святую непорочную жертву, приносимую Тебе за святую Твою соборную Церковь. Умири, огради, соедини и управи ю во всем мире - вкупе со служителями Твоими, Патриархом нашим АЛЕКСИЕМ и Архиепископом нашим ... и со всеми православными и исповедниками соборной и Апостольской веры.

Помяни, Господи, рабов Твоих: [всечестнаго отца нашего протоиерея ... с братией и прихожанами святаго храма сего, зде начальствующих, учащих и учащихся, и ] всех зде предстоящих и молящихся, ихже вера известна и благочестие Тебе ведомо, за нихже приносим Тебе жертву хваления, за себя и всех ближних наших, за избавление душ наших, за надежду спасения и благоденствия нашего.

Хор: Помяни, Господи Боже наш.

Священник:

В общении со святыми, прежде ублажим Преславную Владычицу нашу Богородицу и Приснодеву Марию, Матерь Господа и Бога нашего Иисуса Христа, и святых апостолов и мучеников твоих, Петра и Павла, Андрея, Иакова, Иоанна, Фомы, Иакова, Филиппа, Варфоломея, Матфея, Симона и Фаддея, (здесь поминается святой дня) Амвросия Медиоланского и всех святых Твоих, их же молитвами да ограждены будем во всем помощью Твоего покрова, чрез Христа Господа нашего.

Хор: Аминь.

Священник:

Молим Тя, Боже наш, да будет приношение сие преблагословенно, достойно и благоприятно, и да будет оно нам Телом и Кровию возлюбленнаго Сына Твоего, Господа нашего Иисуса Христа.

Хор поёт большое: Аминь.

Омывает руки у края престола, тихо говоря: Умыю в невинности руце мои и подойду к престолу Твоему, Господи, да услышу глас хваления Твоего и возвещу вся чудеса Твоя.

Продолжает громче:

Господь наш Иисус Христос пред днем оным, егда нашего ради и всех спасения пострадал, взяв хлеб во святыя и непорочныя руце Свои, возвел очи к небесам, к Тебе, Богу Отцу Своему Всемогущему, благодарив, благословил, преломил, даде святым своим учеником и апостолам, рек: "ПРИИМИТЕ И ЯДИТЕ ОТ НЕГО ВСИ, СИЕ БО ЕСТЬ ТЕЛО МОЕ, ЕЖЕ ЗА ВАС И ЗА МНОГИХ ЛОМИМОЕ".

Хор: Аминь.

Священник: Подобно и чашу после вечери взяв, возвел очи к небесам, к Тебе, Богу Отцу Своему всемогущему, благодарив, благословил и подал апостолам и ученикам Своим, рек: "ПРИИМИТЕ И ПИЙТЕ ИЗ НЕЯ ВСИ, СИЯ БО ЕСТЬ КРОВЬ МОЯ",

Хор: Аминь.

Священник: заповедал так и сказал им:

"ВСЯКИЙ РАЗ, ЕГДА БУДЕТЕ ТВОРИТИ СИЕ, ТВОРИТЕ В МОЕ ВОСПОМИНАНИЕ, ВОЗВЕЩАЯ СМЕРТЬ МОЮ, ИСПОВЕДАЯ МОЕ ВОСКРЕСЕНИЕ, ОЖИДАЯ ПРИШЕСТВИЯ МОЕГО, ЕГДА АЗ ПАКИ С НЕБЕСЕ ПРИИДУ К ВАМ".

Хор: Аминь, и поёт на 6-й глас: Помилуй нас, Господи Боже, Отче Вседержителю.

Священник: И ныне, вспоминая преславное страдание Его и воскресение от преисподних, и вознесение на небо, приносим Тебе жертву сию непорочную, жертву разумную, жертву бескровную, сей святый Хлеб и сию Чашу Жизни вечной.

И просим, и молим, приими приношение сие на горний Твой престол руками Ангелов Твоих, яко Ты благоволил еси прияти дары праведного раба Твоего Авеля и жертву патриарха нашего Авраама и первосвященника Твоего Мелхиседека.

[Малая эпиклеза из литургии св. ап. Иакова: Помилуй нас, Боже Вседержителю, и ниспосли на нас и на предлежащия дары сия Духа Твоего Всесвятаго, Господа Живоворящего (воздевает руки) , да посетит святым и благим, и славным Своим наитием, освятит и сотворит убо хлеб сей Тело святое Христово (благословляет хлеб),

Все: Аминь.

Иерей: И чашу сию Кровь честную Христову (благословляет чашу),

Все: Аминь.

Иерей: Да будет всем, иже от них причащающимся, во оставление грехов и в жизнь вечную.