Коллектив авторов Религия - Жития русских святых: В 2 томах. Том второй: Сентябрь-февраль

Иже на земли Христа ради волею в буйство преложися, и мира сего красоты отнюд возненавиде, и плотская играния увядив постом и жаждою и на земли леганием, от зимы студению и мразом, и от зноя солнечнаго и дождя и прочия тяготы никогда же уклонися под кров, и на теле своем не имея одеяния, Божиею помощию покрываем, и душу очистил еси добродетельми своими, яко злато в горниле, Прокопие премудре, с верою творящим память твою честно и усердно притекающим к мощем твоим, прославляюще твое святое успение, Христу Богу молися, благоюроде, да избавит ны Господь от варварскаго нашествия и междоусобныя брани и мир мирови дарует и душам нашим велию милость.

Велию любовь ко Господу в себе имея, все претрудное житие твое во граде Хлынове, юродствуя, провел еси, блаженне Прокопие, зной и мраз, глад и жажду благодушно терпя, биение и поношение от людий безбожных радостно принимал еси, подвижниче добропобедный, любовью же и добром велиим за зло воздавая, мнозем предрекал еси их ожидающее и от недугов исцелял еси, беззлобне, тем же, наслаждаяся ныне в сонме святых, моли Господа помиловати град и люди, тя почитающия.

Ангельски живя на земли богоугодно, многия скорби и труды терпеливо неся, добродетельми и дарованиями от Бога украсився, предвещая грядущая и исцеляя болезни, безмолвно, непрестанно моляся, юродствуя, скрыв дарования своя, ныне наслаждаяся в селениих святых, святый блаженне Прокопие, моли Христа Бога спастися душам нашим.

Взбранному и дивному в праведницех мужу, волею во юродство претворившуся, мира сего красоты возненавидел еси, плотская мудрования увядил еси постом и жаждею, студению мраза, снега, и зноя, и дождя, и от прочия воздушныя тяготы никогда же уклонися и очистил еси себе, яко злато в горниле, Прокопие блаженне, всей Вятской земли похвала и утверждение.

Многою любовию к Богу пламенея, любви и смирению людей безмолвно учил еси, деянием будущая являя, недуги и болезни целил еси. На путь спасения нас настави, от язв греховных исцели, Прокопие блаженне, о всех нас Христа Бога моли.

О подвижниче многотрудный и кроткий, молитвенниче усердный и любвеобильный целебниче, святый блаженный Прокопие! Града Хлынова украшение, Вятския земли небесный молитвенниче! Кия похвалы принесем тебе, святче Божий? Како воспоем тя? Токмо, молящеся тебе, воспоминаем дивныя подвиги твоя. Ты из детства богоугодно пожил еси, послушание родителем и трудолюбие являя. В возраст пришед и услышав слова Спасителя: «Аще кто хощет по Мне идти, да отвержется себе и возмет крест свой и по Мне грядет» и: «Кто любит инаго паче Мене, не достоин есть Мене», — ты, блаженне, послушен быв Христову слову, делом и жизнию отвещавая на заповеди Его, и ради любви к Нему всего отреклся, возлюбил еси чистоту и целомудрие, молчанием уста заградив, да непрестанно умом с Богом беседу твориши и молишися Ему, и по слову апостола Павла: «Мы буи Христа ради, вы же мудри о Христе», — подвиг особый и многотрудный воспринял еси, на ся являя себе, яко безумна и юродива пред людьми, разум же совершен имея, почитая всех лучшими себе и в сем подвизе до смерти пребыл еси. Ты, ранее всех к Божественным службам приходя, последним исходил еси из храма; обходя храмы града, на папертех молился еси днем и нощию. Гладом и жаждою томяся, зной и мраз зимний терпя, мало прикрывая наготу свою, босыми ногами по снегу ходил еси, посмеяние и биение от людей неразумных терпя, за обидчики моляся, с клятвою прещая духовнику своему, да не открыет беседу и подвиг людем. За таковыя подвиги Господь Бог прослави тя даром исцеления болезней и недугов и предведения грядущаго: многим бо предрекал еси образами готовитися покаянием к смерти, другия же радостно воздвигал еси от одра болезни, темничное заключение или от него избавление и общия бедствия предвещая, призывал еси к покаянию. Пред кончиною твоею, юже откры тебе Бог, тело твое снегом отирая, омыл еси и, много молився, почи от трудов праведных, душею же в Небесныя обители от Бога приятый, оттуду являлся еси с преподобным Трифоном, даруя исцеления.

Молим тя, святый Прокопие, яко имея дерзновение ко Господу, испроси нам жизнь мирную, от соблазнов и козней диавольских избави, храм сей, град наш и всю страну нашу сохрани в мире, от врагов защити, земле плодоносие, воздуха благорастворение, вод освящение, изобилие плодов и вся потребная для жизни сей даруй людем, чтущим тя и молящимся тебе; нам и всем православным христианом испроси у Спасителя Христа Бога в христианских добродетелех пребывати, веру и любовь к Богу всегда имети, с надеждою стремитися к жизни вечней; смирения и терпения, кротости и воздержания исполнитися; молитве нерассеянней и непрестанней научитися, христианския кончины жизни нашея, безболезненны, мирны, с покаянием и приобщением Христовых Таин сподобитися, такожде и добраго ответа на Страшнем судилище Христовом, да твоими молитвами ограждаеми и сопутствуеми, достигнем вожделенныя жизни вечныя в Царствии Божием, да тамо вкупе с тобою и всеми святыми славим Отца, и Сына, и Святого Духа ныне и присно и во веки веков. Аминь.

О времени и месте рождения святого Феоктиста, а также о его родителях не сохранилось никаких известий. Из его жизни до святительства известно только то, что он подвизался в Новгородском Благовещенском монастыре — был его игуменом.

По преставлении архиепископа Климента новгородцы с посадником своим Андреем много рассуждали о преемнике его, все, от мала до велика, возлюбили Богом назначенного, мужа смиренного и доброго, игумена Благовещенского монастыря Феоктиста. Собрав звоном вече у Святой Софии, князь Борис Андреевич и все новгородцы почтительно привели его и посадили во владычном дворе, пока узнают, где митрополит. В то самое время святой митрополит Максим оставил Киев и переселился во Владимир на Клязьме. В 1300 году приехали в Великий Новгород святой митрополит Максим, а с ним епископы: Ростовский Симеон и Тверской Андрей. Они и поставили Феоктиста архиепископом Новгороду. «Знаменаша его в церкви святого Бориса и Глеба месяца июня 28 дня и того же месяца поставиша его во Святой

Софии, на память святых апостолов Петра и Павла. И совершиша праздник светел, и бысть радость Новгороду о своем владыце». Торжество для Новгорода было поистине необыкновенное: только в первый раз Новгородский владыка был посвящен в новгородском храме Святой Софии.