Никон - ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

И сотворив по заповеди Господни, отрясши прах ног наших, и пребываю водворясь (л. 33 об.) [133] На верхнем поле листа киноварная помета: 5-е возражение. в пустыни. И кто ми зазирает о сем, яко сотворил чрез волю Божию, а не по правде, и кое отречение хощете ли возвещу вам, яко и писание писах к царьскому величеству и посылах со диаконом нашим Иовом, в нем же обреталося тогда написаное: Се вижу на мя гнев твой умножен без правды и того ради и соборов святых во святых церквах лишаешись, аз же пришлец есмь на земли. Се ныне, поминая заповедь Божию, дая место гневу, отхожу от места и града сего. И ты имаши ответ пред Господем Богом о всем дати.

И разсмотрив государь писание, паки возврати ко мне, зане не бысть ему на ползу.

Да которое се отречение, (л. 34) [134] На верхнем поле листа киноварная помета: на 5-й вопрос и ответ. Кирилла арихиепископа Александрейскаго правило 3.

Через [135] На правом поле листа помета: лист 273. церковныя заповеди, еже писанием отрицатися епископии, и приносити таковая писания неким святителем, аще бо достойни суть святителства, да служат, аще ли ни, да не отрицаются, но обличени бывше о злых своих дел судом да извергнутся. Его же некогда прорек от беды и страха и прещения неких, якоже реша отречесь.

Аще ли смел еси, изверги Григория Богословца списанием и клятвою отречеся ко 150-м епископом в 25-м стихе. Аще неправеднии клеветницы, якоже и ты, праведно ли их послушати?

Глаголеши суемудрене во ответе своем, яко уста священническая (л. 34 об.) [136] На верхнем поле листа киноварная помета: 5-е возражение. лгати не знают, против пророчества Малахия пророка, должен остатися при своем слове, коли хощет, чтоб почтен был [137] Написано над строкой тем же почерком. за правдиваго, а не за лживаго. Двоякия бывают отречения, писменно и не писменно, наипаче отречение, которое возглашается во церкви Божии, почитается быти в болшом постоянии и крепости ради того. Почто, лицемере, о себе, не смотря о других, движеши ответ. Лицемере, изми первее бревно из очесе твоего и тогда прозриши сучец изъяти из очесе брата твоего. Измый первее внутренее стляницы и блюду. И прочее.

Усмотри о себе, подобно ли ти есть чрез святыя законы вновь изводити (л. 35) [138] На верхнем поле листа киноварная помета: на 5-й вопрос и ответ. новыя законы, пришелцу сущу, без всякия правды или вопросы послушати клеветника, паче проклятаго человека, его же законы отрицают, и по правде судящему не послушати, но паче всякому православному прокляти за его злыя и нехристианския дела. Глаголеши, беззаконный толковниче, яко зделал аз, чего ин никто не зделал, после литоргии святой совершения преосвященныя ризы патриаршескаго чина сверже с себе. Како глаголеши неправедне, яко ни ты сам был ту, ни вопросивый тя о сем вопрошал, а ты глаголеши, яко сверже, егда вы той чин имеете и по совершении литоргии не снимаете от себе священных риз.

А у нас таков есть чин и прежде нас: (л. 35 об.) [139] На верхнем поле листа киноварная помета: 5-е возражение. по совершении святыя литоргии совлачатся вси от священных риз. И глаголеши, присовокупляя свои прикладныя ответы, кроме вопросу, бутто аз говорил: Недостоин я быти, и впредь не патриарх. От кого ты се навык зломысленне, яко ни о вопросе се есть, исповеждь ми.

Аз, егда от Москвы отходя [140] Вписано над строкой тем же почерком. , говорил не тако, якоже ты глаголеши. Засвидетелствовал есмь Господу Богу и Пресвятей Пречистей Богородице и святому честному Животворящему Кресту Господню и святым ангелом в святей велицей церкви пред небом и землею, ведая гнев царев без правды на мя, и сего ради дая место гневу, свидетелствовал, а не клятвою клялся. (л. 36) [141] На верхнем поле листа киноварная помета: на 5-й вопрос и ответ. От них же мало зде изообразим от древних Божественых писаний, якоже свидетелствуют: Егда Аврааму свидетелствова сам Бог о чадородии, тогда засвидетелствова не инем, но небом и звездами, якоже пишется: «И [142] На правом поле листа помета: 1 Моис. 15. изведе и вон и рече к нему: Возри на небо о сочти звезды, аще можеши исчести. И рече: Тако будет семя твое». Тако: Егда [143] На правом поле листа помета: 1 Моис. 22. воззва ангел Господень второе Авраама от небеси глаголя: Собою кляхся, глаголет Господь. И прочее. Ияков [144] На правом поле листа помета: 1 Моис. 31. же в послушество постави столп каменен и собра камение з братиею, сотвори могилу и прозва могила си послух и столп си послух. Сего ради могила послушная бысть между Ияковом и между Ливаном.

(л. 36 об.) [145] На верхнем поле листа киноварная помета: 5-е возражение. Такожде: Егда [146] На левом поле листа помета: 4 Моис. 25. разгневася яростию Господь на Израиля и рече Господь к Моисею: Поими князя людски и обличи я Господу прямо солнцу. И паки: Егда [147] На левом поле листа помета: 5 Моис. 31. сконча Моисей, пиша вся словеса закона в книги даже до конца и заповеда левитом возвдижущим ковчег завета Господня, глаголя: Вземше книги закона сего и положите я во страну ковчега завета Господа Бога нашего, и да будет вам во сведение, яко аз веде, аз гневание твое и выю твою жестокую, еще бо мне живу сущу с вами днесь, разгневали есте Господа Бога и яко паче по смерти моей. Призовете ко мне старейшины племен ваших и старца ваша и судия ваша и книгочия ваша да глаголю (л. 37) [148] На верхнем поле листа киноварная помета: на 5-й вопрос и ответ. во уши их вся словеса сия и засвидетелствую вам небесем и землею, веде бо, яко по скончании моем беззаконием собеззакониите и склонитеся с пути, иже аз заповедах вам. И обрящет вы зло в последния дни, яко сотворите зло перед Господем Богом, разгневати Его во всех делех руку вашею. И глагола Моисей во уши всему сонму вся словеса песни сея даже до конца. Вонми небо и возглаголю и да слышит земля глаголы уст моих. И прочее.

Тако [149] На правом поле листа помета: Иисус Навин. 24. Иисус Навин завещавая завет к людем в день он и даст им оправдания и суд в Сихеме (л. 37 об.) [150] На верхнем поле листа киноварная помета: 5-е возражение. пред храмом Господа Бога Израилева, и вписа Иисус словеса сии в книги Божия, и взя камень велий и постави его в Теревинфе, еже есть пред Господем. И рече к людем: Се камень сий да будет вам во сведение, яко сей слыша все глаголанное от Господа, елико глаголах к вам днесь. И сей да будет во сведение до кончины дней, яко да не солжете Господеви Богу вашему. И прочее.

И божественный Давид глаголет: Небеса [151] На левом поле листа помета: Псалом 18. поведают славу Божию, творение же руку Его возвещает твердь. И паки той же рече: Исповедят небеса чюдеса Твоя, Господи. И паки инде рече: (л. 38) [152] На верхнем поле листа киноварная помета: на 5-й вопрос и ответ. Возвестиша [153] На правом поле листа помета: Псалом 96. небеса правду Его и видеша вси людие славу Его. И прочее.