Лариса Кузьмина - Православный календарь до 2030 года. Настоящая помощь в трудную минуту

Христос воскресе из мертвых, смертию смерть поправ, и сущим во гробех живот даровав. ( Трижды. )

Воскресение Христово видевше, поклонимся святому Господу Иисусу, Единому Безгрешному. Кресту Твоему поклоняемся, Христе, и святое Воскресение Твое поем и славим. Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся святому Христову Воскресению: се бо прииде Крестом радость всему миру. Всегда благословяще Господа, поем Воскресение Его: распятие бо претерпев, смертию смерть разруши. ( Трижды. )

Ипакои:

Предварившия утро яже о Марии, и обретшия камень отвален от гроба, слышаху от Ангела: во свете присносущнем Сущаго, с мертвыми что ищете яко человека? Видите гробныя пелены, тецыте и миру проповедите, яко воста Господь, умертвивый смерть, яко есть Сын Бога, спасающаго род человеческий.

Кондак:

Аще и во гроб снизшел еси, Безсмертне, но адову разрушил еси силу, и воскресл еси яко Победитель, Христе Боже, женам мироносицам вещавый: Радуйтеся! и Твоим апостолом мир даруяй, падшим подаяй воскресение.

Во гробе плотски, во аде же с душею яко Бог, в раи же с разбойником, и на Престоле был еси, Христе, со Отцем и Духом, вся исполняяй, неописанный.

Слава Отцу и Сыну и Святому Духу:

Яко Живоносец, яко рая краснейший, воистинну и чертога всякаго царскаго показася светлейший, Христе, гроб Твой, источник нашего Воскресения.

И ныне и присно и во веки веков. Аминь:

Вышняго освященное Божественное селение, радуйся: Тобою бо дадеся радость, Богородице, зовущим: благословенна Ты в женах еси, Всенепорочная Владычице.

Господи помилуй. ( Сорок раз .)

Слава Отцу и Сыну и Святому Духу, и ныне и присно, и во веки веков. Аминь:

Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.

Христос воскресе из мертвых, смертию смерть поправ и сущим во гробех живот даровав. ( Трижды. )

Молитвами святых отцев наших, Господи Иисусе Христе, помилуй нас. Аминь.

Праздник Вознесения Господня совершается в сороковой день после Воскресения. Этот праздник приходится на четверг 6-й седмицы после Пасхи и продолжается десять дней. Апостолы видели, как Господь вознесся на небо и «сел одесную Бога Отца», а затем видение было сокрыто от них облаками. Тем самым было дано понять, что Христос уже не будет виден в своем телесном виде и занял свое место наравне с Богом Отцом. Вознесение – символ победы Господа над грехом и торжества Правды Божией.

Молитва Вознесению Господню

Господи Иисусе Христе, Боже наш, сошедый с Небесных высот спасения нашего ради и напитавый нас духовною радостию во святыя и пресветлыя дни Воскресения Твоего, и паки по совершении земнаго служения Твоего вознесыйся от нас на небо со славою и возседый одесную Бога и Отца! В сей «ясный и всесветлый день Божественнаго на небеса восхождения» Твоего «земля празднует и ликует, радуется и небо Вознесением днесь Творца твари», человецы славословят непрестанно, зряще заблуждшее и падшее естество свое на рамо Твое, Спасе, вземлемо и на небеса вознесенное, Ангелы же веселятся, глаголюще: Кто Сей, пришедый во славе, силен во брани. Сей воистину Царь Славы?! Сподоби и нам немощным, земная еще мудрствующим и плотоугодия, творити непрестающим, восход Твой на небо страшный помышляющи и празднующе, плотская и житейская отложити попечения и со Апостолы Твоими на небо ныне взирати всем сердцем своим и всеми помышленьми своими, поминающе, яко тамо на небеси горе жительство наше есть, здесь же на земли мы точию странники и пришельцы есмы, отшедшия из дома Отча в страну далечу греха. Сего ради усердно просим Тя, преславным Вознесением Твоим, Господи, оживи нашу совесть, еяже нужнейши ничтоже есть в мире, возведи нас из плена сего греховнаго плоти и мира и сотвори нас горняя мудрствовати, а не земная, яко да не ктому себе угождати будем и жити, но Тебе Господу и Богу Нашему служити будем и поработаем, дондеже отрешившеся от уз плоти и прошедши невозбранно воздушныя мытарства, достигнем небесных обителей Твоих, идеже, ставше одесную Величествия Твоего, со Архангелы и Ангелы и всеми святыми прославляти будем Всесвятое Имя Твое со Безначальным Твоим Отцем и Пресвятым и Единосущным и Животворящим Твоим Духом, ныне и присно и во веки веков. Аминь.

День Святой Троицы отмечается на 50-й день после Пасхи, отсюда его второе название – Пятидесятница. Этот праздник посвящен Сошествию Святого Духа на апостолов. Днем Святой Троицы праздник называется потому, что в этот день была явлена вся полнота действий всех трех Лиц Святой Троицы.

Спаситель велел ученикам не покидать Иерусалим. На десятый день по Его Вознесении апостолы и Богородица собрались вместе, «внезапно сделался шум с неба, как бы от несущегося сильного ветра, и наполнил весь дом, где они находились. И явились им разделяющиеся языки как бы огненные, и почили по одному на каждом из них. И исполнились все Духа Святого, и начали говорить на иных языках, как Дух давал им провещавать» (Деян. 2:2–4; см. также далее). Привлеченные шумом, к дому пришли многие люди. Они увидели апостолов, вдохновенно вещавших на разных языках и для каждого из людей проповедь апостолов звучала на родном языке. Апостол Петр вышел к собравшимся и призвал их креститься. В тот день уверовали во Христа и приняли Крещение около трех тысяч человек. Так в день Святой Троицы возникла христианская Церковь. Пятидесятницей заканчивается Пасхальный цикл.

Молитва ко Пресвятей Троице

Пресвятая Троице, Единосущная Державо, всех благих Вина, что воздадим Тебе за вся, яже воздала еси нам, грешным и недостойным, прежде, неже на свет произыдохом, за вся, яже воздаеши коемуждо нас по вся дни и яже уготовала еси нам в веце грядущем? Подобаше убо за толикия благодеяния и щедроты благодарити Тя не словесы точию, но паче делы, храняще и исполняюще заповеди Твоя: мы же, страстем нашим и злым обычаем внемше, в безчисленныя от юности низвергохомся грехи и беззакония. Сего ради, яко нечистым и оскверненным, не точию пред трисветлое Лице Твое безстудно явитися, но ниже Имене Твоего Пресвятаго изрещи довлеяше нам, аще бы не Ты Сама благоизволила, во отраду нашу возвестити, яко чистыя и праведныя любиши, грешники кающияся милуеши и благоутробне приемлеши. Призри убо, о Пребожественная Троице, с высоты Святыя Славы Твоея на нас, многогрешных, и благое произволение наше вместо благих дел приими: и подаждь нам духа истиннаго покаяния, да возненавидевше всякий грех, в чистоте и правде, до конца дней наших поживем, творяще пресвятую волю Твою и славяще чистыми помыслы и благими деяньми сладчайшее и великолепое Имя Твое. Аминь.