Анатолий Фоменко - Пророк завоеватель. Уникальное жизнеописание Магомета. Скрижали Моисея. Ярославский метеорит 1421 года. Появление булата. Фаетон

Да сътворится херувим един от угла сего, а другый от втораго ОЦИЩЕНИЮ. И сътвориши два херувима, раскриляющися верху, и оскриляющи крылы своими ОЦИЩЕНИА, лице же ею к собе, к ОЦИЩЕНИЮ. И да възложиши ОЦИЩЕНИЕ на верх ковчегу. А В КОВЧЕГ ДА ВЛОЖИШИ СВЕДЕНИЯ, ЯЖЕ ДАМ ТЕБЕ. И въвещуся тобе оттуде, и глаголю тебе свыше ОЦИЩЕНИА межу двема херувимома, яже еста над КОВЧЕГОМ СВЕДЕНИА, по всему, елико заповедах тебе к сыном Израилевом. И сътвориши трапезу от злата чиста, двою лакту и пол в долготу, а лакти и пол в широту, лакти же и пол в высоту. И позлатиши златом чистым, и сътвориши ему покров злат, обоямо обращающься. И сътвориши венец пяди обоямо. И сътвориши обращающийся обоямо венца. И СЪТВОРИШИ ЧЕТЫРЕ ОВОДЫ ЗЛАТИ И ВЪЗЛОЖИШИ ЧЕТЫРЕ ОВОДЫ ЗЛАТЫ НА УГЛЫ НА ТРАПЕЗУ, а ободи на четыре ногы ея поди обращающимся венцем. И да будут ободи в обиатие, якоже воздвизати трапезу.

И сътвориши златом чисьтым, и въздвигнется на них трапеза. И сътвориши блюды ей темианникы и съсуды требныя. И чашя, в ня же вливаеши, от злата чиста да створи я. И положиши на трапезе преданна пред мною присно. И да сътвориши светило от злата чиста. Ваянно сътвориши светило: стеблие его, ветви его, и чаша его, и крузи его, и цветци его. От него да будут шесть ветви, исходящи от страну свещилную; три же ветви свещилныа, три ветви от страны единоя; три же ветви свещилныя от страны вторыя; и четыре чаши обличены круговатица, в единой ветви круг и цветец.

Тако же по шествии исходящих от свещала, в свещиле же до четыри чаши обличены круговатице, в единой ветви крузи и цветцы его. Круг под двема ветвема от него, тако же и по шести ветвем, исходящим от светила. Ветви и крузи от нея да будут ваяна от единаго злата чиста. И да сътвориши свещил седмь, и въставиши светила, да светят от единаго лица ему. И пола его, и поставы его от злата чиста, талантом злата чиста. И сътвориши вся сосуды сия. Смотри, да сътвориши по показаному тебе на горе. И храм же да сътвориши: десят опон от БАГРЯНИЦА прядены, и от СИНЕТЫ и от ЧРЪВЛЕНИЦА прядены, и множством имениа делом шевчим да сътвориши а. Дълготу опоне единой двадесят и осмь лакоть опоны единоя, да будут тако ж всем опонам. ПЯТЬ ЖЕ ОПОН ДА БУДУТ СЪДЕРЖАЩИСЯ ДРУГА О ДРУГИ. И сътвориши лукоти спятны, и края опоны единого конца в служение.

Сице же сътвориши на край ОПОНЫ ВНЕШНЯА КО СЛОЖЕНИЮ ВТОРОМУ. Пятьдесят же сътвориши лукотии единой опоне, пятьдесят лактий да сътвориши от края опоны, ПО

СЛОЖНИЮ ВТОРОМУ различию разлежащиа себе кождо. И сътвори пятьдесят проток злат, И СОВОКУПИШИ ОПОНЫ ДРУГ К ДРУЗЕ, и питкы. И будет храм един. И сътвориши попоны ярины же покров на храме, десять попон створишя. Дльгота попоны единоя да будет тридесят лакоть, четыре лакти широта попоны едина мера. Тако же да будет десять попон, И СЪВОКУПИШИ ПОПОНЫ ВКУПЕ. И СЪВОКУПИШИ ЖЕ ШЕСТЬ ПОПОН ВКУПЕ, И ПРЕГНЕШИ ПОПОНУ ПРОХОЖЮ ХРАМА. И да сътвориши лактий пятьдесят на край попоны единоя, СРЕДНЯА ПО СЛОЖЕНИЮ, пятьдесят да сътвориши лактий на край попоны, съвокупляю вторая.

И тако створиши приток медян пятьдесят, съвокупиши притки с лукотми. И ДА СЪВОКУПИШИ ПОПОНЫ, И ДА БУДЕТ ШЕСТЬ ПОПОН ВКУПЕ. И да положиши избывающее попон храмных, закрывавши зад храма, лакти от сего, лакти же от оного от попон храмных. И да будет покрываа съ страну храма, отсюду и отонуде да покрыет. И да сътвориши покров храму кожами овнями, и червасними, и сверху покров с кожами СИНЯМИ.

И да столп шесть храму от ДРЕВ НЕГНЕЮЩИХ, десять лакоть в высоте столп един. Сътвори же столп един лакти и пол в широту столпу единому, две опоне оттишащу друг от друга. Тако сътвори всем столпом храмным. И да сътвориши двадесять столп храму от угла севернаго. 40 же стоял сребрен да сътвориши двема десятма столп: две стояле единому на обою концу ему, две же стояле другому на обою концю ему. В угле вторем к югу двадесят столп. Четыре же стоял им сребрян: две стояле единому на обою коньцю ему. И от зада храма по стране, яже к морю, да сътвориши шесть столп, два же столпа сътвориши в углу от запада, и да будет равна дела.

Тако же да будет равна декам въетав един, тако сътвориши обема углома, равна да будета. И будет 8 столп, и стояла их сребрена 16, две стояле стльпу единому на обою концю ему. И да сътвориши разворы от ДРЕВЕС НЕГНЕЮЩИХ, пять развор столпу единому от единоя страны. Пять же развор столпу заднему углу храма, иже к морю. Средняя же межу столпы да проходят от единого угла в другый угол. Столпы же да позлатиши златом. Ободи же сътвориши златы, в ня же вложиши разворы. Позлатиши разворы златом. И състави храм по образу, показаему тебе на горе: сътвориши завесу от сенеты и БАГРЯНИЦА И ЧЕРВЛЕНИЦА прядены, делано влачено. Да сътвориши ей херувим, и растергнеши я на четырех ДРЕВЕСЕХ НЕГНЕЮЩИХ и позлащеных златом. И дскы их златы, и стояла их четыре сребрена. И повесиши завесу на стльпех, и внесеши ту внутрь завесы КОВЧЕГ СВЕДЕНИА. И да разделяет завеса межу Святым и межу Святого Святых. И закрывши завесою и КОВЧЕГ СВЕДЕНИА в Святая Святых.

И поставиши трапезу внеуду завесы, и светило пряхмоъ трапезе на стране храма, яже к углу. А трапезу поставиши на стране храму, яже к северу. Да сътвориши закров от СИНЕТЫ, И БАГРЯНИЦА, И ЧРЬВЛЕНИЦА съпрядены дело пестрыцаго. И да сътвориши завесе пять столп, и позлатиши а златом, и дскы их златы. И да съделаеши их пять стоял медян. И да сътвориши требник от ДРЕВ НЕГНЕЮЩИХ, пять лакот в долготу, пять же в широту на четыре углы. Да будет требник три лакти высота его. И да сътвориши главы, на четырех углех из него да будут, и покрыеши а медию. И да сътвориши венец требнику, и покров его, и паница его, и ражны его, и кадилникы его и вся съсуды его, да сътвориши ми медяны, да сътвориши четыре ободы медяны на четыре углы.

И сътвориши НОГЫ ОГНИЩУ ОТ ДРЕВЕС НЕГНИЮЩИХ, и подложиши под огнище требника ниже. И да сътвориши ногы требнику по стране поддрьжати от ДРЕВЕС НЕГНИЮЩЬ. И вложиши ногы во ободи, и да будут ногы требнику по стране поддрьжати. И друпль дощен створиши по сказаному тебе на горе, тако створиши. И да створиши дверце храму на углы, иже на въсток. К северу простертиа дворца долгота ста локот углу единому и столп единому двадесят стоял их, двадесят же проток их, и ободи их сребрены. А к углу на въсток простертиа на въсток сто лакот в долготу и столп ему 20 и стояла ему 20, медни ободи и протоци, и столпи, и вся стоала (по)сребрена сребром. Сице же к углу простертиа сто лакот в долготу и столпи ему 20, и стояла их 20 медни, протоци и ободи стльпныя и стояла посре(бре)на сребром.

А широта дворца пятьдесят лакот, стльп его десять и стояла их десять. Широта же дворечная, яже к углу простертиа, пятьдесят лакоть. Столп ему 200 и стоял их 200, а пять лакоть простертиа высота. Углу единому их столпи три, и стояла их три. А вратом дворечным завеса 20 лакоть в долготу, от СИНЕТЫ, И БАГРЯНИЦА, И ЧРЬВЛЕНИЦА съпрядены, пещрением шевчим. Столпи ея 4 и стояла ея 4. Вси столпи дворечнии обоямо медны, сребром исъсребрены, и дскы их иссребрены, а степени медяны. Долгота же дворечная сто лакоть, а широта пятьдесят до пятьдесят. А высота пять лакоть, от БАГРЯНИЦА съпрядены, а стояла их медяна, и вся утварь и вси съсуди и колие дворца медяно» [477:2], т. 1, транслитерация, с. 48–49, листы 203 (оборот) – 207.