Хрестоматия по истории СССР. Том1.

Слышав же сия преосвященный Афонасий, митрополит всеа Русии, и архиепископы и весь освященный собор, что их для грехов сия сключишася, государь государьство оставил, зело о сем оскорбеша и в велице недоумении быша. Бояре же, и околничие, и дети боярьские и все приказные люди, и священнический и иноческий чин, и множества народа, слышав таковыя, что государь гнев свой'и опалу на них положил, государство свое отставил, они же от многаго захлипания слезнаго перед Офона-сием митрополитом всеа Русии и перед архиепископы и епископы и пред всем освященным собором с плачем глаголюще: увы, горе, како согрешихом перед богом и прогневахом государя своего многими пред ним согрешении, и милость его велию превратихом на грех и на ярость! ныне к кому прибегнем, и кто нас помилует и кто нас избавит от нахождения иноплеменных? како могут быти овцы без пастыря?

Егда волки видят овца без пастуха, и волки восхитят овца; кто изметца от них? Также и нам как быти без государя? И иная многая словеса подобная сих изрекоша к Офонасию, митрополиту всеа Русии, и всему освященному собору; и не токмо сия глаголюще, наипаче велием гласом молиша его со многими слезами, чтобы Афонасий. митрополитъ всеа Русии, с архиепископы и епископы и со освященным собором подвиг свой учинил и плачь их и вопль утолил, и благочестивого государя и царя на милость умолил, чтобы государь и царь и великий князь гнев свой отовратил, милость показал и опалу свою отдал, а государьства своего не оставлял, и своими государьствы владел и правил, якоже годно ему государю. А кто будет государьские лиходеи и которые изменные дела делали, и в тех ведает бог да он государь, и в животе и в казни его государьская воля; а мы все своими головами едем за тобою государем святителем своему государю царю и великому князю о его государьской милости бити челом и плакатися.

Такоже и гости и купцы и все гражане града Москвы потомуже биша челом Афонасию, митрополиту всеа Русии, и всему освященному собору, чтобы били челом государю царю и великому князю, чтобы над ними милость показал, государьства не оставлял, и их на расхищение волком не давал, наипаче же от рук сильных избавлял; а кто будет государьских лиходеев и изменников, и они за тex не стоят и сами тех потребят.

Митрополит же Афанасий, слышав от них плачь и стенание неутолимое, сам же ехати ко государю не изволи, для градскаго брежения 5что все приказные люди приказы государьские отставиша, и град оставиша, ни ким же брегом, и послал к благочестивому царю и великому князю в Олександровскую слободу от себя того же дни, генваря в 3 Пимина, архиепископа Великаго Новаграда и Пскова, да Михайлова Чюда архимандрита Левкию молити и бита челом, чтобы царь и великий князь над ним, своим отцем и богомолцем, и над своими богомолцы надч архиепископы и епископы и на всем освященном соборе милость показал и гнев свой отложил; также бы над своими бояры, над околничими, и над казначеи и над воеводами и надо всеми приказными людми, и на всем народом крестиянским милость свою показал, гнев бы свой и опалу с них сложил, и на государьстве, бы был, и своими бы государьствы владел и правил, как ему государю годно; и кто будет ему государю и его государьству изменники и лиходеи, и над теми в животе и в казни его государьская воля.

В 1564 г. князь Андрей Курбский изменил Ивану IV и бежал в Литовское великое княжество к польскому королю Сигизмунду Августу. Из ливонского города Вольмара он послал царю первое послание, обвиняя его в уничтожении боярских родов и напрасном кровопролитии. В ответ Иван Грозный написал свое первое послание изменнику-князю, в котором обосновывает свои права на самодержавную власть и изобличает изменнические замыслы бояр и самого Курбского. Здесь печатаются начало и отрывки первого послания Ивана Грозного по изданию — «Русская историческая библиотека», том 31, СПБ 1914.

Послание царя и великого князя Иоанна Васильевича всея Росии ко князю Андрею Курбскому, против его князя Андрея письма, что он писал из града Волмера.

Бог наш троица, иже прежде век сын ныне есть, отец и сын и святый дух, ниже начала имать, ниже конца, о немже живем и движемся есмы, и имже царие царьствуют и сильнии пишут правду; иже дана бысть единородного слова божия Иисус Христом, богом нашим, победоносная херугви и крест честный, и николи же победима есть, первому во благочестии царю Констянтину [132]и всем православным царем и содержателем православия, и понеже смотрения божия слова всюду исполняшеся, божественным слугам божия слова всю вселенную, яко же орли летание отекше, даже искра благочестия доиде и до Руского царьства: самодержавство божиим изволением почин от великого князя Владимера, просветцвшего всю Рускую землю святым крещением, и великого царя Владимира Манамаха, иже от грек высокодостойнейгиую честь восприемшу, и храброго великого государя Александра Невского, иже над безбожными немцы победу показавшего, и хвалам достойного великого государя Дмитрия, иже за Доном над безбожными агаряны велику победу показавшего, даже и до мстителя неправдам, деда нашего, великого государя Иоанна, и в закосненных прародительствиях земля обретателя, блаженные памяти отца нашего, великого государя Василия, даже доиде и до нас, смиренных скипетродер-жания Руского царствия. Мы же хвалим за премногую милость, произшедшую на нас, еже не попусти доселе десницы нашей единоплеменного кровию обогритися, понеже не восхитихом ни под ким же царьства, но божиим изволением и прародителей и родителей своих благословением, яко же родихомся во царьствии, тако и возрастохом и воцарихомся божиим велением, и родителей своих благословением свое взяхом, а не чюжее восхитихом. Сего православного истинного христианского самодержства, многими владычествы владеющего, повеление, наш же христианский смиренный ответ бывшему прежде православнаго истиннаго христианства и нашего содержания боярину и советнику и воеводе, ныне же преступнику честного и животворящего креста господня, и губителю христианскому, и ко врагом христианским слугатаю, оступльшим божественнаго иконного поклонения и поправшим вся священные повеления, и святые храмы разорившим, осквернившим и поправшим со священными сосудами и образы, яко же Исавр, и Гноетесныи, и Армейский 2, сим всем соединителю, — князю Андрею Михаиловичю Курбскому, восхотевшему своим изменным обычаем быти Ярославскому владыце, ведомо да есть…