Маргарита Бычкова - Русско-литовская знать XV–XVII вв. Источниковедение. Генеалогия. Геральдика

Вооружен воин благоверен варварина побеждает
И копием его явно яко змия храбро прободает,
Мужественно поразив, с коня его на землю низлагает,
О Христе хвалясь, благочестивого своего царя прославляет.

Тот воин Иван Дмитриевич Нарбеков, Чюваш рекомый,
Под градом Казанью з благоверным царем Иваном знакомый,
Храбро и мужски и доблественне против бусорман ратуя,
И за веру християнскую и за государя царя своего мужески поборая,
И ему, государю своему, во всем служа верне,
И яко богу со страхом работая благоговейне.
И всему воинству православно российскому храбро себе показуя,
И врагов креста Христова бусорманом страшно себе повествуя.

Небезбедно же и самому ему то преминуло.
Неприятельское оружие его самого зелне уязвило:
Наскочив созади безбожный варварин копием его ураняет,
Яко пес зелне его и жестоце уядает.
И другой в око его сопротив стрелою уранил,
Яко змий жалом его люте уязвил.

Тои убо храбрый муж непобедим пребывая,
И крепце себе на коне уязвлен удерживая,
Тщась неприятелем себе страшна и храбра показати,
Изо очесе своего желая стрелу вонзену бодрено изяти,
За ню ж крепце и бодростно приимая,
От томления болезненаго раны себе освобождая,
Приемлет сугубо тяжкую смертную рану:
Видит и тую руку у себе ис пушки оторвану.

Из градских убо казанских врат по тои ис пушки застреляют,
И от телесе яко ветвь от древа жестоце отрывают.
Он же во всех сих язвах крепце на кони удержася
И всему воинству храбро явственно показася.
По том же зле ранена с победы в станы провождают,
И цареви благочестивому о храборстве его изъявляют.
Благочестивый убо царь милосерд его призирает
И врачевати его со тщанием повелевает.
И многими дарми его обдаряет,
И милосердно его чесностью прославляет.
Врачеве же раны его разумев быти смертны,
И ко врачеванию себе возложиша смотрительны,
Уразумеша, яко аще стрела будет из главы изята,
Абие жизнь и дыхание от него будет отьята.
Умыслиша во оце стрелу сопреди приломити,
Созади же оной железо в конце притупити.
И тако абие тое сотвориша,
И оное врачевание учиниша.
Ибо зиме же тогда люте належаще,
Теми убо раны он, храбрый муж, зелне боляше.
В станех убо сродные его о нем промышлене творяше,
И врачеве его снабдевая раны врачеваше,
И убо тогда в станех теплого крова не имяше,
Дабы ему такому в болезни сущу отраду подаваше.
И некто от приятель его, об нем попечение имяше,
О здравии его промышление творяше,
К покоению его в куще над огнем одрец устрояше,
И на нем возложе, мал огнец под одром возгнещаше,
Дабы ему болну сущу, раны его нагревали,
И в тацей болезни по немалу отраду подавали.
Ему же, болна сущу, на оном одре лежащу
И оными тяжкими раны зелне болящу.
В тыя же дни, паки агаряне казанскии из града изшедъше
И на обоз российских ратных безвестне нападше,
И в полцех християнских воинство зле возмятоша,
И сами врази христови явствено подаша.
Российское же воинство из обозу противу им выежжают,
Их, врагов обжиих, аки зверей крепце побеждают.
Сродницы же онаго храбраго и сверстницы против поганых успевают,
И его, болна суща, единаго в стенах оставляют.
Он же немощен бяше зело, не яко себе отчаяв,
На одре оном над огнем лежав себе болна почаяв,
На други бок себе нужно превращает,
И со одром оным во огонь безсилием упадает.
Его же изъяти тогда со огня иному не сущу,
Самому же ему бяше немощнейшу,
Невозможе со оного огня себе двигнути
И конечнаго боления паки избавити.
Ему же на другий бок во огни тогда згарает,
Паки сугубо болезни себе прибавляет:
Стрелою же раненою око,
И раны згорелаго бока,
Со отъятою рукою
Вопиют к богу собою.
Егда жe благочестивый российский царь Иван Васильевич всеа Росии
Прият град Казань, сотворяется варваром оным властодержец,
В царствующий град Москву с победою возвращается,
Оный же храбрый муж Дмитрий Иванович Чюваш во свояси провождается.
В Новгородские пределы вотчину свою с родными отъезжает,
И по толицех ранах тяшких бог вышний его уздравляет.
И от оного смертного одра и от ран содетель возставляет,
И пятьдесят лет жизни ему вышний творец к летом ево прибавляет,
И чадородием его на старость обдаряет.
Яко Аврааму сына в старость возставляет,
К трем перворожденным четвертого по летех мнозех сына раждает,
Иваном его любезне называет.
Тои же муж храбрый по тящких ранах жив 19 годин,
И всех дней живота его осмьдесят и один.
Ко господу в вечное и ко отцем по писанием себе преселяет,
И по себе 4-х сынов оных: Федора, и Самуила и Потапа и Ивана оставляет.
Том у убо славному и храброму мужу буди во оном блаженстве вечное с праведными упокоение
И небесное вечное веселие.
Нам же, из него роженным наследникам его, живым сущим во здравии благодарственное многолетно о Христе веселие,
И ни в чем оскудение.