чтец Владимир - Полная исповедь. Подготовка к таинству Покаяния по наставлениям святых и подвижников благочестия (с объяснением грехов)

Только Твоя благость безпредельная может терпеть меня.

Не погубил Ты согрешающаго, не погуби кающагося!

Научи, как мне привести на память и исчислить грехи прошлой жизни своей, грехи молодости ветреной, грехи мужества самолюбивого, грехи дней и ночей, грехи против своей души, грехи против своих ближних, грехи против Тебя Самого, Господи и Спасителю мой!

Как исчислить их в те немногие минуты, которые стою я у этого святого места!

Я вспоминаю, Господи, что Ты внял краткому слову мытаря и разбойника; знаю, что Ты милостиво встречаешь самую готовность каяться, и молю Тебя всею душою, Господи мой, Господи, прими мое покаяние в том повседневном исповедании грехов, какое содержит священная книга.

Грехов у меня гораздо больше, чем сказано в ней, и нечем мне их загладить.

Я приношу ныне одно лишь стремление к Тебе и желание доброго, но у меня нет силы для исполнения.

О, Человеколюбие Господи! Ты не отгоняешь грядущего к Тебе грешника, молящего Тебя о прощении. Прежде нежели он придет к двери милосердия Твоего, Ты уже отверзаешь ему; прежде чем он припадет к Тебе, Ты простираешь к нему руку; прежде чем исповедует грехи свои, Ты даруешь ему прощение.

Подаждь его и мне, кающемуся, подаждь по единой великой Твоей милости; прости все, что я сделал, сказал и помыслил худого.

И даруя прощение, пошли мне, Господи, и силу, чтобы жить мне по Твоей воле и не оскорблять Тебя.

Помози ми — и спасуся; помози приятием святых Твоих Тайн.

А для достойнаго приятия их, изреки мне благодать помилования и прощения, устами священнослужителя Твоего, изреки Святым Твоим Духом, не слышимо в слухе, но слышимо в растроганном сердце и мире совести. Аминь.

(исповедание грехов, глаголемое пред иереем от лица кающегося)

Исповедаюся Господу Богу Вседержителю, в Святой Троице славимому и поклоняемому,

Отцу и Сыну и Святому Духу, и Преблагословенной Приснодеве Богородице Марии, и всем святым и тебе, честный отче, всех моих грехов, ихже зле содеях, мыслию, словом, делом, и всеми моими чувствы, яко во гресех зачахся, во гресех родихся, во гресех воспитахся, и во гресех по крещении даже до сего часа пожил есмь.

Исповедую такожде, яко Согреших зело

гордостию,

тщетною славою,

превозношением тако очес, якоже и одежды и всех деяний моих,

завистию,

ненавистию,

возжелением тако чести, якоже и сребролюбия,

гневом,

печалию,

ленивством,

чревоизлишеством,

вожделением содомским,

святотатством,

неправедною клятвою,

прелюбодеянием,

татьбою, граблением,

всяким видом любодеяния,

нечистотами всесквернейшими,

пьянством,

объедением,

разглаголанием праздным,

плотским похотением,

лобзанием и осязанием нечистым и родительными уды моими,

умным убийства желанием, в вере, надежди и любви, всегдашним и Тела и Крови Господня недостойне восприятием,

во увещаниях и ласкательствах лукавых, неведением, небрежением, в поползении даемых и приемлемых даров, в творении лихвы,

в начальстве злым строением вещей церковных,

недостаточным милостыни подаянием, ожесточением ко убогим, во странноприятии и угощении нищих, во утеснении домочадцев, мне порученных,

непосещением болящих, по заповеди Евангельской, и в темнице сущих,

непогребением мертвых, неодеянием убогих, ненасыщением алчущих, ненапоением жаждущих, днем праздничным Господним и святым угодникам Его почитания должной чести и празднования невоздаянием, и нетрезвенно и часто в тех пребыванием;

согласием старейшине на злое, не помоществуя пред ним,

ниже утешая требующих, но и паче вреждая;

сильных старейшин и начальников оклеветанием и хулением, и другом благодетелем моим веры несохранением и должнаго повиновения неисполнением,

на зверское и скотское совокупление нечистой совести взиранием;

гордым в церковь Божию хождением, стоянием, седением и возлежанием, и неподобным из нея исхождением, и праздным в ней глаголанием, беззаконным деянием, скверным с прочими собеседованием, сосуды священные и святое служение нечистым сердцем и скверными руками осязанием, молитвы и псалмопения, и звание Божие нерадиво в церкви Божией творя,

помышлением всезлейшим, размышлением и поучением развращенным, и мнением ложным, осуждением неразсудным, согласием злым и советом неправедным, вожделением и услаждением скверным, во словесех праздных, излишних, нечистых и досадительных; во лжах, в прельщениях, в клятвах многоразличных, в непрестанных оклеветаниях, свары и раздоры разсевая, прочим насмеваяся, в глумлении праздном, в прении,

в лести, в лукавстве, в шептании,

в суетной и тщетной радости, и во всех злых языка роптанием и хулением,

шутованием, смехотворением, заспанием,

злоглаголанием, укорением, сквернословием, наруганием,

лицемерием,

бдением Богу противным, похотением телесным, блудными помышлении, во услаждениях нечистых и согласием диаволу,

преступлением заповедей Божиих, небрежением моего предложения в любви, яже к Богу и ближнему,

зрением, слухом, вкусом, обонянием, осязанием похотным и нечистым,

и во всех помышлениях, глаголаниях, изволением и деянием погибох;

понеже в сих и прочих всех беззакониях, елика аще немощь человеческая противо Господа и Создателя своего,

или помышлением, или словом, или делом, или услаждением, или вожделением согрешити может,

аз Согреших, и повинна себе пред лицем Божиим паче всех человек познаваю, и исповедую сих всех и иных безчисленных моих многих грехов, яже сотворих волею и неволею, ведением и неведением, сам собою, и чрез других кого, или соблажнением брата моего, и яже множества ради воспомянути и познати я до себе невозмогох, а елика памятовах, та изрекох, о всех сих изреченных, и безпамятства ради за множество и неизреченных, каюся и жалею, и повинна себе Господу Богу моему быти представляю;

и сего ради смиренно молю Пресвятую и Преблагословенную Деву Богородицу, и вся небесныя силы, и всех святых угодников Божиих и тебе, честный отче, иерею, пред ихже присутствием сия вся исповедах, да в день судный будете ми свидетели противу диавола, врага и неприятеля рода человеческаго, яко сия вся аз исповедах; и да помолитеся о мне грешнем Господу Богу моему, и прошу тя, честный отче, яко имущаго таковую власть, данную тебе от Христа Бога, во еже исповедавших разрешати, отпущати и оставляти грехи, да разрешиши мя от всех сих, ихже изглаголах пред тобою, грехов моих, и очистиши ми вся, и простиши, и епитимию подаси ми за вся моя согрешения; жалею бо истинно о моем согрешении, имам волю каятися, и впредь елико возможно через Божескую помощь блюстися.