Никон - ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

Толкование.

Воинствующая убо со диаволом, воинства множественне именова за многораздирателное греха и разделеное.

Сущее. И [3648] На правом поле листа помета: стих 20. ят бысть зверь и с ним лжепророк, сотворивый знамения пред ним, иже прелсти приемшия начертание звериино [3649] На правом поле листа помета: который между Божиих образов живописуется. , и поклоняющияся образу его жива вврежена будета оба в езеро огненое, горяще жупелом. И прочии убиено быша оружием Седящаго на кони, исходящим из уст Его, и вси птицы насытишася от плотей их.

Толкование.

И прочии убиени быша мечем Седящаго на кони, двема смертма сущема. Первей убо разделению души и телесе. Вторей же (л. 896 об.) [3650] На верхнем поле листа киноварная помета: 26-е возражение. отсланию в геену. Аще убо на воинствующих со антихристом возрим, слово да имать, яко первая смерть телесная предварит оружием Божиим, сиречь Того повелением. Таже сице последовати имать вторая и благо бы имело. Аще ли же ни, то и сии приобщатся со прелстившими я, вторая смерти вечныя муки. А еже насытитися птицам от плотей их, по предъизданому и ныне восприяхом. К сему же зане, якоже глаголет некоим Исаием Бог, зане бысте Ми в сытость, суще и святым всякое движение плотское безсластно есть и тяжестно и мерзостно.

Смотрити же зде потреба велми опасно, како святии (л. 897) [3651] На верхнем поле листа киноварная помета: на 26-й вопрос и ответ. ангели на себя Божественыя славы не восприемлют, по писаному: Отдадите убо кесарева Кесареви и божия Богови. Не безбедно есть рабу царьским себя чином, именем и достоянием почести. Тако и царю не без муки, еже предпочитати самому себя и описоватися между Божественых таинств Ветхаго и Новаго Заветов, разширяяся. Зри на устроние святых ангел.

Сущее. И [3652] На правом поле листа помета: слов. 19, глав. 19, стих 10. падох под ногама Его поклонитися Ему, и глаголет ми: Зри, ни клеврет бо твой есмь и братий твоих и имущих свидетельство Иисусово. Богу поклонися, свидетельство Иисусово есть дух пророчества.

Толкование.

Глаголет божественный ангел ко Иоанну, ни клеврет твой есмь, (л. 897 об.) [3653] На верхнем поле листа киноварная помета: 26-е возражение. не кланяйся мне, яко будущая предглаголющему. Исповедание бо, сиречь свидетельство о Христе, си есть пророческаго духа подателно. Тем же не кланяйся мне, клеврету своему, но поклоняйся вся Содержащему и от сего смиреномудрие навыцаем святых ангел, како не присвояют себе славу Божественую, по горким и убийственым бесом, но сию Создателю своему и Владыце приносят. Яко да научимся и мы не преписовати на ся Божественую славу, глаголаную от пророк на апостол, ниже написоватися, разширяяся посреди Божественых таинств Ветхаго Завета и Новаго, якоже есть написано в Библии московскаго (л. 898) [3654] На верхнем поле листа киноварная помета: на 26-й вопрос и ответ. друку царьское изображение на орле и на коне гордо велми и с приписании пророческими, иже о Христе пророчествоваша. Божественыя же таинства древния и новые Христовы, Крест и Воскресение, ово якож Крест Христов, то есть распятие, мало превыше, но в тесноте и безславии, ово же, якоже Воскресение Христа Бога нашего сточнил себе и славе своей, коню и орлу, ово же, якоже самаго Христа Бога нашего прениже всякоя своея славы и под ногама коня и орла и в тесноте некакой безславии. Ох, ох, увы, увы, люте, люте! В каковы времена достигохом! Збышася писаное: Измениша бо славу Божию в славу человеческу (л. 898 об.) [3655] На верхнем поле листа киноварная помета: 26-е возражение. и четвероногих скот и птиц. И паки другое писание: Возлюбиша славу человеческую нежели славу Божию. Сего ради предаст их Бог в страсти безчестия, воеже творити им волю языческу. И паки ино писание: Безумие бо их явно будет всем.

Кто преславнее Моисея в роде сем бысть, его же сам Господь свидетельствова яко: Аз на се ис тое воздвигох тя. И паки: Се [3656] На левом поле листа помета: 2 Моис. 7; 2 Моис. 3. дах тя Бога фараону. Сей же отвещавше Богу: Кто есмь аз, яко да иду к фараону, царю Египетскому, да изведу сыны Израилевы от земли Египетския. Молю Ти ся, Господи, избери могуща инаго, его же послеши, яко несмь речист, худогласен и косноязычен. Кто [3657] На левом поле листа помета: Деян. 13; 1 Царств 16. Псалом 12. праведнее Давида, о нем же (л. 899) [3658] На верхнем поле листа киноварная помета: на 26-й вопрос и ответ. сам Господь свидетельствова: Обретох Давида Иессеова, мужа по сердцу Моему, иже сотоврит вся хотения Моя. И паки инде речеся [3659] На правом поле листа помета: Псалом 77; 1 Царств 16; 2 Царств 7; 2 Царств 5. : И избра Давида, раба Своего, и восприят и от стад овчих и от доилиц поят его, пасти Иякова, раба Своего, и Израиля достояние Свое, ему же даст Господь Бог низложити человека исполина на брани. И отъят Господь поношение от сынов Израилевых и во тмах славу прият. И отъят Господь врази его и вознесе род его вовеки. И даст ему Господь завет царьск и престол славы его во Израили. Но си сей не похвалися гордо, глаголя [3660] На правом поле листа помета: Псалом 50. : Се бо в беззакониих зачат есмь и во гресех роди мя мати моя. И паки: Аз [3661] На правом поле листа помета: Псалом 21. есмь червь, а не человек, поношение человеком и уничижение людем. И инде: Яко [3662] На правом поле листа помета: Псалом 142. (л. 899 об.) не оправдится пред собою всяк живый. И паки: Нищ есмь аз и в трудех от юности моея. И паки: Смирихся и спасе мя. И паки: Благо мне, яко смирил мя еси, да научюся оправданиом Твоим. И паки: Грех юности моея и неведения моего не помяни. И паки: И [3663] На левом поле листа помета: 2 Царств 7. вниде Давид и седе пред Господем и рече: Кто есмь аз, Господи мой, Господи. Или что дом мой, яко возлюби мя до сего и согреших пред Тобою много, Господи мой, Господи. И что приложит Давид еще глаголати к Тебе, и ныне Ты веси, Господи мой, Господи, раба Своего. И инде речеся [3664] На левом поле листа помета: Паралип. 29. : И благослови царь Господа пред всем множеством. И рече: Благословен еси Господи Боже Израилев отец наших от века вовеки. Твое есть, (л. 900) [3665] На верхнем поле листа киноварная помета: на 26-й вопрос и ответ. Господи, величество, и сила и слава и одоление, исповедание и крепость, яко Ты всем, иже на небеси и на земли, владееши. От лица Твоего, Господи, исправится всякое царьство и всяк язык. Тебе бо, Господи, богатство и Тебе царьство и величество во вся и во всяко начало. От Тебе богатство и слава. Ты всех начало, Господи, начало всякаго начала и власть в руку Твоею, величество и царьство всех, в руку Твоя милость и вседержителство вся. Ныне убо, Господи Боже наш, исповемся Тебе и хвалим имя Твое преславное. Кто есмь аз и кто людие Твои, яко возмогохом сия Тебе вся благовонне обещати. Твоя бо суть вся и иже (л. 900 об.) [3666] На верхнем поле листа киноварная помета: 26-е возражение. от руку Твоею прияхом, дахом Тебе. Путницы бо есмы пред Тобою и пришелцы, якоже и вси отцы наши, яко сень на земли дние наши.