Никон - ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

Токмо [3711] На правом поле листа помета: лист 199. царь един, ин же никто от мирских человек во очистилище да внидет.

Толкование.

Не достоит никому же от всех, в мирстем житии живущих, внутрь священнаго олтаря входити. (л. 910 об.) [3712] На верхнем поле листа киноварная помета: 26-е возражение. Токмо же се никак не возбранено есть царьстей власти и господьству, егда хощет принести дары создавшему его Богу по некоему преданию древних отец. И сия тако суть. Но царьское величество сего правила не сохраняет. Не точию что приносит создавшему его Богу по некоему преданию древних отец, но и прежде даное святей велицей Церкви благочестивыми прежде бывшими цари и великими князи все усвоил в свои потребы, движимыя и недвижимыя вещи, о них же писано есть выше. Богу самому заповедающему [3713] На левом поле листа помета: 2 Моис. 23 и 34; Сирах 35. : И да не явишися пред Господем Богом твоим тощь, (л. 911) [3714] На верхнем поле листа киноварная помета: на 26-й вопрос и ответ. койждо по постижению руки своея, по благословению Господа Бога своего, иже дал есть тебе. И паки инде речеся [3715] На правом поле листа помета: Сирах 35. : Не явися пред Господем тощь. Все бо се заповеди ради и приношение праведнаго похвалит олтаря и благоухание его пред Вышним. Жертва мужа праведнаго приятна и память ея незабвенна будет. Оком благим прослави Господа и не умали от начатка руки твоея во всяком даянии. Укроти лице твое и веселием освяти десятину. Даждь [3716] На правом поле листа помета: Товив. 4; 2 Кор. 9. Вышнему по даянию Его и оком благим очищение руки, яко Господь воздаяй есть и седмирицею воздаст ти. Дар бо без труда не приемлет, ни приближит бо ся (л. 911 об.) [3717] На верхнем поле листа киноварная помета: 26-е возражение. жертв неправеднаго, яко Господь судия есть, и несть у Него славы лица. Не [3718] На левом поле листа помета: 5 Моис. 10; 2 Парал. 19; Иов 34; Мудр. 6; Деян. 10; к Рим. 2; Галат. 2; Ефес. 6; Колос. 3; 2 Петр 1. приимет лица о убозем и молитву обидимаго услышит. И кто есть обиденый, паче святыя соборныя великия Церкви, ныне есть паче сира и вдовицы. Но не имать Господи презрети молитвы сираго и вдовицы, егда извещает беседу, не слезы ли вдовицы по ланитома текут и вопль нанесшаго ей, утоляяй благоволением прият будет. И молитва его до облак дойдет, молитва смиреннаго пройдет облаки, дондеже приступит, не утешится и не имать отступити, дондеже посетит Вышний судити (л. 912) [3719] На верхнем поле листа киноварная помета: на 26-й вопрос и ответ. в правду. И сотворит суд и Господь не замедлит и не имать долго терпети на них, дондеже сокрушит чресла немилостивых, донележе потребит множество досадитель, и скипетры неправедных сокрушит, дондеже воздаст человеку по деянию его и по делом человеческим и по помышлению их, дондеже судит судом людем Своим и возвеселит я, иже в милости Его. Красна есть милость в день скорби Его, якоже облацы дождевнии во время бездождия.

Како же ты толкуешь государю приходити во олтарь во время причастия, не сицевая творя. Господу рекшу: Аще принесеши дар твой (л. 912 об.) [3720] На верхнем поле листа киноварная помета: 26-е возражение. ко олтарю, и имать нечто брат твой на тя, остави ту дар твой пред олтарем и, шед, смирися с братом твоим и тогда, пришед, принеси. А на него, государя, Мати его святая великая соборная Церковь, которая породила водою и духом и харисмою на царьство помаза, обидима плачет яко сирота последняя и яко вдова обругана от прелюбодея Крутицкаго митрополита, прося отмщения, присно предстоя у двора его. Он же, государь, не точию мстит, но и соблаговоляет прелюбодейству его. Сам же вся сущие Ея вещи в дом свой посилова, еже чада церковная и нищая питашеся, злым (л. 913) [3721] На верхнем поле листа киноварная помета: на 26-й вопрос и ответ. человеком емля, истощевает соколником и псарям и прочим неблагодарным злодеем, иже угодная ему творят, якоже и при патриарсех, елико нужнейших на церковной обиход и на нищих потребу изобиловаше малые останки к нему ж в руце отхождаху. Сим образом устав положен не вем по каким законом, еже празднуючи патриарси Успения Пречистыя Владычицы нашея Богородицы и Приснодевы Марии и Неделю Ваия и преставление святаго Петра митрополита Московскаго и всеа Росии чюдотворца, и в таковыя три праздники призывается от Патриарха и от всего священнаго собора царь и со всем сигклитом на праздники. И по совершении святаго праздника зовет Патриарх царя (л. 913 об.) [3722] На верхнем поле листа киноварная помета: 26-е возражение. хлеба есть, и по ядении хлеба подносит Патриарх царю великие дары от останков церковных вещей. И царь приемлет те дары, отсылает во свою царьскую казну. И в том все останки церковных оброков скончаваются от года до года. А лепо было на таковые великие три праздники самому царю и царице и царевичем и царевнам и князем и бояром и всем вельможам и всем людям приносити дары, по писаному: Да не явишися тощ пред Господем Богом твоим, койждо по постижению руки своея, по благословению Господа Бога своего, иже дал есть тебе. Якоже и инде Господь заповеда, глаголя [3723] На левом поле листа помета: 4 Моис. 28. : Заповедь ж сыном Израилевым. И глаголи к ним, рекий: Дарове Мои и даяния Моя и приноси Мои. В воню (л. 914) [3724] На верхнем поле листа киноварная помета: на 26-й вопрос и ответ. благовония да снабдите приносити Мне на вся праздники Моя. Начаток [3725] На правом поле листа помета: 2 Моис. 22; выше 12; Лук. 6; Езек. 44; 4 Моис. 18; выше 10; 5 Моис. 18. же от гумна и от точила твоего да Ми принесеши, первенца сынов твоих да Ми даси. Такожде твориши от телца твоего и от овцы твоея и от осляте твоего и начаток стрижения твоего. Они же претворше сие Божественое повеление на ся, вси сошедшеся в праздник в церковь Господню, ничто же приносяще даров Господеви. И по совершении святыя Литоргии, у патриарха напитавшеся доволно и приемше дары, отходят в домы своя, радующеся и веселящеся, ничто же благо пред Господем сотворше или дары принесше, но сами аки оброк вземше от Божественаго наследия. Кого тако вси пощадят, (л. 914 об.) [3726] На верхнем поле листа киноварная помета: 26-е возражение. Бога не щадяще и достояние Господне? И глаголют: Патриарх сим и сим благословил сего и онаго. А Патриарх со всякою нуждею аки оброчник покупает драгою ценою у сего и онаго, а неблагодарнии людие, ведая обычное Патриарху к празднику пристроение, сугубые и трегубые цены емлют, за сребряные сосуды, за соболи и за золотые бархаты и атласы, и за камки и прочие потребы. И почто таковым в храм Божий приходити? Сами не приносят ничто же, но и собраное истощают. И слышано есть выше сего, колико зло есть обида. Ей, се ли не обида? Ей, обида есть и немалая святей велицей Церкви. Понеже от боязни (л. 915) [3727] На верхнем поле листа киноварная помета: на 26-й вопрос и ответ. и страха не может сего Патриарх преложить, аки Божия устава или обета. Сами, якоже царьское величество, во святей церкви при святом крещении отречеся сатаны и всех дел и всех аггел его и всея службы его и всего студа его и всея славы его. И сочетася Христу Царю и Богу, и верова, и исповеда святый Символ, якоже святая Церковь прият.