Никон - ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

Видел ли еси Божественое изоображение, что имать нас ползовати, еже звати Господи, Господи, и не творити, яже Божественая заповедь повелевает. Самому Господу глаголющу: Не всяк глаголяй Ми Господи, Господи, внидет в Царьство Небесное, но творяй волю Отца, иже есть на небесех. Аще бо матере и братий отрече Спас, кто суть мати Моя и братия? Сии суть слышащии Слово Божие и творящии, той есть братия Моя, сестры и мати Ми есть. Что же имать ползовати кого, здание неутверженое, сеяние неснабдимое, рабство (л. 927 об.) [3772] На верхнем поле листа киноварная помета: 26-е возражение. непотребное, наимство ропотливое, сыновство непослушливое, винограда делание неугодное, брака небрежение, девство непросвещеное, талантов неусугубление, крещение несохранное, заповедей Христовых небрежение. Яко вера без дел не спасет, тако ни христианское имя не спасет, аще дел не сотворим христианских, якоже выше речеся: Что же Мя зовете, Господи, Господи, и не творите, яже Аз глаголю. И паки инде рече: Неслышателие праведни, творцы, блажени бо суть слышащии слово Божие и творящее. Зане аще кто слышатель есть, а не творец, уподобися (л. 928) [3773] На верхнем поле листа киноварная помета: на 26-й вопрос и ответ. мужу, смотряюще лице быта своего, усмотрив, отъиде, абие забыв, каков бе. Что же Мя зовете, Господи, Господи, и не творите, яже Аз глаголю. Глаголяй, яко познах Его, и заповеди Его не соблюдает, ложь есть. Что же Мя зовете, Господи, Господи, и не творите, яже Аз глаголю. Слыши, аще кто речет, яко люблю Бога, а брата своего ненавидит, ложь есть. Что же Мя зовете, Господи, Господи, и не творите, яже Аз глаголю. Слыши, и яко всяка лжа от истины несть, о таковых древле речеся убо: Да [3774] На правом поле листа помета: 5 Моис. 5. не приимеши имени Господа Бога твоего всуе, не очистит бо Господь Бог твой прилагающему имя Его всуе. Се есть клятва (л. 928 об.) [3775] На верхнем поле листа киноварная помета: 26-е возражение. , еже обещатися Господеви и не воздати. Якоже глаголется: Не во лжу кленешися, воздаси же Господеви клятвы твоя. Послушай, что есть клятва. Аврааму [3776] На левом поле листа помета: ко Евреом 6; 1 Моис. 12 и 17 и 21; Псалом 104; Лук. 1. же обетова Бог, понеже ни единем имяше болшим клятися, клялся собою, глаголя: Истиною благословствуя, благословлю тя, и множа, умножу тя. Зри клятвы образ. Се [3777] На левом поле листа помета: Евреом 6; Бесед. 11. есть Бога Отца клятвы образ ко Аврааму. Послушай сыновни клятвы. Егда убо кленется: Аминь [3778] На левом поле листа помета: Иоан. 6. , аминь, глаголю вам, яко слушаяй словеси Моего и веруяй пославшему Мя имать живот вечный. И инде паки: Аминь [3779] На левом поле листа помета: Иоан. 3. , аминь, глаголю (л. 929) [3780] На верхнем поле листа киноварная помета: на 26-й вопрос и ответ. тебе, веруяй в Мя не умрет. Емлиши ли сим веру? Тако и Давид клятся. Кляхся, рече, и поставих сохранити судбы правды Твоея. И паки: Клятся Господеви обещася Бог Ияковлю. И прочее. Зри, клятва не ино что, точию завет к Богу, яко во крещении отрицаемся сатаны и всех дел его. Также по сем рече и сочетахся Христу, еже есть обещахся Христу. То есть клятва, якоже апостол глаголет [3781] На правом поле листа помета: к Рим. 6. : Или не разумеете, яко елицы во Христа Иисуса крестихомся, в смерть Его крестихомся, спогребохомся убо с Ним крещением в смерть. Да якоже воста Христос от мертвых (л. 929 об.) [3782] На верхнем поле листа киноварная помета: 26-е возражение. славою Отчею [3783] На левом поле листа помета: Ефес. 4; Колос. 3; Евреом 12; 1 Петр 2; 1 Кор. 6; 2 Тим. 2. , тако и мы во обновление жизни ходити начнем. Аще бо сообразны быхом по подобию смерти Его, но воскресению будем причастницы.

Сие ведяще, яко ветхий наш человек с Ним сраспятся, да упразднится тело греховное, яко ктому не работати нам греху, умерый бо оправдися от греха. Аще ли же умрохом со Христом, веруем, яко и живи будем с Ним. Ведяще, яко Христос воста от мертвых, к тому уже не умрет, смерть нань к тому не обладает. Еже бо умре греху, умре единою, а еже живет, Богови живет.

(л. 930) [3784] На верхнем поле листа киноварная помета: на 26-й вопрос и ответ. Тако и вы помышляйте себе, мертвым убо быти греху, живым же Богови, о Христе Иисусе Господе нашем, да не царьствует убо грех в мертвенем вашем теле, воеже послушати ему в похотех его, ниже представляйте уды ваша оружие неправды греху, но представляйте себе Богови. Яко от мертвых живы и уды ваша оружия правды Богови, грех бо вами да не обладает. Несте бо под законом, но под благодатию, что убо согрешим ли, зане несмы под законом, но под благодатию, да не будет. Не весте ли, яко Ему же представляете себе рабы в послушание, рабы есте (л. 930 об.) [3785] На верхнем поле листа киноварная помета: 26-е возражение. Его послушаете, или греха в смерть или послушания в правду. Смотри апостолское завещание, что имать ползовати крещение, аще дел не будет, от празднаго имени христианскаго не будет спасения, якоже и Великий Василий пишет в правиле 45: Христиан [3786] На левом поле листа помета: лист 239. сый ругаяся Христу, от наречения ползы не приимет.

Толкование.

Вера без дел мертва есть, никая же бо полза от наречения, еже нарицатися христианину, Христовы же заповеди отметати и делы злыми тому ругатися. Но есть ли кто крестився во Христа Иисуса, а заповедей Христовых не творит, таковый клятвопреступник есть, (л. 931) [3787] На верхнем поле листа киноварная помета: на 26-й вопрос и ответ. понеже завет положил со Христом во всем святыя Его заповеди слушати и творити, и не сотвори по воли Его, биен будет много. Сам Господь свидетельствует: И не точию заповедей Христовых кто не сотворит, но аще кто и святых ученик апостол и учителей не послушает. И иже аще рече: Не приимет вас, ниже послушает словес ваших, исходяще из дому или из града того, отрясите прах ног ваших. Аминь, глаголю вам, отраднее будет земли Содомстей и Гоморстей в день Судный, неже граду тому.

Виждь, како Господь с клятвою извещает, что будет, иже не приемшим словес святых Его ученик (л. 931 об.) [3788] На верхнем поле листа киноварная помета: 26-е возражение. и апостол и святых учителей. А иже кто крестився и обет со Христом положив хранити святыя Его заповеди, и не сохрани завета Божия и своего обещания, которых мук будет достоин? Не паче ли тех, которыя не прияли в дому своя, ниже послушали словес апостолских, их же Господь осуди паче содомлян и гоморян. А иже кто сам не хранит заповедей Божиих, но и хранящих гонит и всяко ненавидит без правды, и не просто гонит, но и о заповедех Божиих не радети соблаговолит, что тому будет?

Господу глаголющу: Аще [3789] На левом поле листа помета: Иоан. 15; Колос. 1. кто по Мне не пребудет, извержется вон, якоже розга (л. 932) [3790] На верхнем поле листа киноварная помета: на 26-й вопрос и ответ. изсышет, и собирают ю, во огнь влагают и згарает.