Никон - ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

Сочетание же Христу не ино что, развее веровати во Отца и Сына и Святаго Духа, Святую Троицу единосущную и неразделную, во едино Божество и во святое священное Евангелие и святых апостол и святых отец седми Вселенских соборов, якоже и самое то свидетельствует молитвословие (л. 915 об.) [3728] На верхнем поле листа киноварная помета: 26-е возражение. в начале оглашения ко крещению, еже наложив руку, архиерей глаголет: Слушай зде самыя истины. О имени Твоем, Господи Боже, истины и единороднаго Твоего Сына и Святаго Твоего Духа возлагаю руку мою на раба Твоего, сподобльшагося прибегнути ко святому имени Твоему и под покровом крил Твоих сохранитися. Остави от него ветхую оную прелесть, исполни его еже в Тя веры и надежди и любви, да разумеет, яко Ты еси един Бог истинный и единородный Твой Сын Господь наш Иисус Христос и Святый Твой Дух. Даждь ему во всех заповедех Твоих ходити (л. 916) [3729] На верхнем поле листа киноварная помета: на 26-й вопрос и ответ. и угодная Тебе сохранити, яко аще сохранит сия человек, жив будет в них.

Зриши ли, ответотворче, ругателю Христов и попирателю святыя православныя веры, что в начале священнословие показует. Даждь ему, рече, во всех заповедех Твоих ходити и угодная Тебе сохранити, яко аще сохранит сия человек, жив будет ввек. И сие слово не разнит и от самых святых Евангелских словес. Господу глаголющу ко пришедшим к нему июдеом [3730] На правом поле листа помета: Иоан. 5. : Аминь, аминь, глаголю вам, яко слушаяй словесе Моего и веруяй пославшему Мя, (л. 916 об.) [3731] На верхнем поле листа киноварная помета: 26-е возражение. имать живот вечный и на суд не приидет, но прейдет от смерти в живот. А не веруяй уже осужден есть, якоже на инем месте речеся: Отметаяйся [3732] На левом поле листа помета: Иоан. 12. Мене и не приемляй глагол Моих имать судящаго ему слово, еже глаголах, то судит ему в последний день.

Что же чюдно царьское величество по святему Евангелию сотворил любо, дабы и мы свидетелие были добрых его дел, по писаному: Яко да видят ваша добрая дела и прославят Отца вашего, иже на небесех. Не слышал еси, яко вера без дел мертва есть, и аще кто верует без дел, умерл (л. 917) [3733] На верхнем поле листа киноварная помета: на 26-й вопрос и ответ. есть прежде общая смерти таковый. Господу свидетельствующу: Не [3734] На правом поле листа помета: Матф. 7; Лук. 6; к Рим. 2; Иоан. 1. всяк глаголяй Господи, Господи, внидет во Царьство Небесное, но творяй волю Отца Моего, иже есть на небесех. Мнози рекут Мне в онь день Господи, Господи, не во Твое ли имя пророчествовахом и Твоим именем бесы изгонихом и Твоим именем силы многи сотворихом? И тогда исповем им, яко николи же знах вас, отъидете от Мене делающии беззаконие. И аще чюдеса сотворшии о имени Господни отриновени будут, а иже ничто же добро сотворшии, но и противная Евангелию, где будут, прелестниче?

Но паки на молитвословие возвратимся. (л. 917 об.) [3735] На верхнем поле листа киноварная помета: 26-е возражение. Таже глаголет архиерей прочее воследование: Напиши его в книзе жизни Твоея, соедини его стаду наследия Твоего, да прославится имя Твое святое в нем и возлюбленаго Твоего Сына Господа нашего Иисуса Христа и живот творящаго Твоего Духа. Да будут очи Твои, взирающе на него, милостию выну, и уши Твои, еже услышати глас моления его, возвесели его в делех руку его.

Зри же и зде опасство слову, еже услышану быти гласу моления его, а не кроме молитвы. Такожде: И возвеселитися ему в делех руку его. В которых делех? Не во иже дрова делати (л. 918) [3736] На верхнем поле листа киноварная помета: на 26-й вопрос и ответ. и прочая дела, но в милости и щедротах, якоже слову правда скажет: Блажени милостивии, яко тии помиловани будут. И по сих обще всем рече: Радуйтеся и веселитеся, яко мзда ваша многа есть на небеси. Но паки и во инем молитвословии услышим не менее сих.

Молитва 4.

Сый [3737] На правом поле листа помета: оглашения. Владыко Господи, сотворивый человека по образу Твоему и подобию и давый ему власть жизни вечныя. Таже отпадша грехом не презревый, но устроивый вочеловечением Христа Твоего спасение мира. Сам и созданиа Твое сие избавль от работы вражия, приими в Царьство Твое Небесное, отверзи его очи мысленыя, (л. 918 об.) [3738] На верхнем поле листа киноварная помета: 26-е возражение. воеже озаряти в нем просвещению Евангелия Твоего.

Такожде и святаго крещения в первой молитве священник моляся захотяща креститися, глаголет: И во образи Христа твоего в хотящем паки родитися моим окаянством и назидай его на основании апостол и пророк Твоих, и да не низложиши, но насади его насаждение истины во святей Твоей соборней и апостольстей Церкви и да не восторгнеши, яко да преуспевающу ему во благочестии, славится и тем всесвятое имя Твое, Отца и Сына и Святаго Духа ныне и присно и во веки веком. Аминь.

Видиши ли всюду (л. 919) [3739] На верхнем поле листа киноварная помета: на 26-й вопрос и ответ. крещаемый запоручается святым Евангелским заповедем и апостолским и пророческим учением, якоже и в последней молитве молится священник, глаголя: Явися, Господи, на воде сей и даждь претворитися в ней крещаемому, воеже отложити убо ветхаго человека тлеемаго по похотех прелести, облещися в новаго, обновляемаго по образу Создавшаго его. Да быв сраслен по подобию смерти Твоея крещением, общник и воскресения будет и сохранив дар Святаго Твоего Духа и возрастив залог благодати, приимет почесть горняго звания и сопричтется перворожденым (л. 919 об.) [3740] На верхнем поле листа киноварная помета: 26-е возражение. написаным на небеси, в Тебе Бозе и Господе нашем Иисусе Христе вкупе со безначалным Твоим Отцем и со пресвятым и благим и животворящим Твоим Духом.

И сия тако суть о святом крещении всякому любо во Христа, аще и царь, не ино тому, но тойжде. Такоже заповеди и обетование едино и не вем что любо царьское величество делает, от Евангелских заповедей, но своя человеческия предпочел паче Христовых. А еже бо самому ему государю хранити святыя Божия заповеди, не вем [3741] Далее затерта одна строка. .

Господу глаголющу: Аще [3742] На левом поле листа помета: Иоан. 14; 10 Моис. 6. любите Мя, заповеди Моя соблюдите. (л. 920) [3743] На верхнем поле листа киноварная помета: на 26-й вопрос и ответ. И паки: Имеяй [3744] На правом поле листа помета: Матф. 22; Марк 12; Лук. 10. заповеди Моя и соблюдаяй их, той есть любяй Мя. Заповеди которыя? Не иныя, но тыя, якоже Законоучитель сказал Господь: Возлюбиши Господа Бога твоего всем сердцем твоим и всею душею твоею и всею мыслию твоею. Си есть первая и болшая заповедь, подобна же есть ей и вторая: Возлюбиши искренняго своего яко сам себе. В сию обою заповедию весь закон и пророцы вестя. И аще бы государь царь любил Бога, любил бы убо мене, якоже пишет: Любяй Бога, любит ближняго своего, якоже и Господь сам свидетельствует [3745] На правом поле листа помета: Иоан. 14. : Не любяй Мя, словес Моих не соблю(л. 920 об.)дает [3746] На верхнем поле листа киноварная помета: 26-е возражение. . И слово, еже слышасте, несть Мое, но пославшаго Мя Отца. И паки: Иже есть от Бога, глаголы Божия послушает. Сего ради вы не послушаете, яко несте от Бога. Божие слово и не погрешает е, и кто может его разорить. Аще и странно и кто любо не услышав слова зазрит. Нам же паче подобает подражати Писания, якоже в Деяниих [3747] На левом поле листа помета: Деян. 4. извествуется: Петр же и Иоанн, отвещавше, к нима реста: Аще праведно есть пред Богом вас послушати паче, нежели Бога судите, не можем бо мы яже видехом и слышахом не глаголати. И паки инде: (л. 921) [3748] На верхнем поле листа киноварная помета: на 26-й вопрос и ответ. Отвещав [3749] На правом поле листа помета: Деян. 5. же Петр и апостоли, реша, веровати подобает Богови нежели человеком. Тако и Господу учащу: Не [3750] На правом поле листа помета: Матф. 10; Марк 8; Лук. 9 и 12; 2 Тим. 2. бойтеся убо, всяк убо иже исповесть Мя пред человеки, исповем его и Аз пред Отцем Моим, иже на небесех. А иже отвержется Мене пред человеки, отвергуся его и Аз пред Отцем Моим, иже на небесех. И что страшнее есть сего, еже не любити Господа Бога своего, и еже отвержену быти на небесех. А не любяй Бога, како может брата своего любити. Аще кто речет, Бога любити, а брата своего ненавидити, ложь есть и в сем истины несть. Глаголяй [3751] На правом поле листа помета: 1 Иоан. 2. , во свете быти, (л. 921 об.) [3752] На верхнем поле листа киноварная помета: 26-е возражение. а брата своего ненавидит, во тме есть доселе и во тме ходит и не весть, камо идет, яко тма ослепи ему очи. Не [3753] На левом поле листа помета: 1 Иоан. 3. любяй брата своего, пребывает в смерть. Всяк ненавидяй брата своего, человекоубийца есть, и весте, яко всяк человекоубийца не имать живота вечнаго, в себе пребывающаго.