Никон - ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

Того же святаго собора правило 106.

Некия [3838] На правом поле листа помета: лист 159. ради нужды хотя к церкви отъити (л. 949 об.) [3839] На верхнем поле листа киноварная помета: 26-е возражение. да яве сия сотворит к Архидонскому епископу и Римскому и отпустное послание да возмет, аще ли ни, без общения есть.

Толкование.

Епископ или причетник аще восхощет поити к церкви да скажет первое вину к Архидонскому епископу, ея же ради идет, и возмет от него грамоту отпустную и, в Рим пришед, покажет ю епископу Римскому и да явит ему вину, ея же ради идет к цареви, и той да разсудит. И аще будет подобна вина, да возмет и от того грамоту, ею же от царя приимет помощь. Аще же кто от епископ или от причетник инако к цареви отъидет, да будет (л. 950) [3840] На верхнем поле листа киноварная помета: на 26-й вопрос и ответ. без общения, сиречь да отлучится. И о сем ищи правило 11 Антиохийскаго собора и 9 правило в средце собора.

И сего ради государю неподобно есть несведомых приимати и присылати к нам чрез Божественыя заповеди и святых правила. И кто его знает, что он есть митрополит или аще был митрополит и есть извержен или отлучен. А кто с таковым молится и о таковых пишет святых апостол правило 10.

Моляйся [3841] На правом поле листа помета: лист 3. со отлучеными сам такожде да отлучен будет.

Толкование.

Аще кто молится с еретики в церкви или в дому со отлучеными (л. 950 об.) [3842] На верхнем поле листа киноварная помета: 26-е возражение. от Церкви, сам такожде да отлучен будет.

Правило 11.

Моляйся со извержеными, сам такожде осужден будет.

Толкование.

Аще кто молится, рекше, аще служит презвитер в церкви с презвитером, его же епископ изверже от сана, да извержен будет и сам.

Правило 12.

Приимый инде не приятнаго сам не приятен.

Толкование.

Аше некий причетник от епископа истязан, есть ли достоин поставитися презвитером во святей Божии церкви, он же сведый своя согрешения, не терпя испытания, оттуду отшед и пришед к другому епископу, прият будет (л. 951) [3843] На верхнем поле листа киноварная помета: на 26-й вопрос и ответ. от него без писаний ставилных, являющих его непорочную веру и житие, да отлучена будет оба и той и приемый его епископ.

И нам не точию лепо его послушати, но ни на монастырь пускать не годно. А кто сим образом деет и о себе никотораго исправления не покажет, и о том святаго собора во Антиохии Сирстей правило 13.

Аще [3844] На правом поле листа помета: лист 67. никим же позван, ни умолен быв епископ, во иную область отшед, и поставит презвитера или диакона или правление некое церковное творит, таковая не тверда и разрушена да пребудут, а он да извержется.

Толкование.

Многа правила (л. 951 об.) [3845] На верхнем поле листа киноварная помета: 26-е возражение. обрящеши о сем возбраняюща, еже не преходити епископу от своея области во иную и поставляти в ней презвитеры и диаконы, или иное что епископское творити, токмо аще где позван будет, умолен от страны тоя епископа таковое что творити. Аще же от своего дому во иную область пришед, поставит презвитера или диакона или строению церковных вещей некое правление сотворит, нетвердым и разрушеным быти от него сотвореным и самаго изврещи правила повелевают.

Того же святаго собора правило 22.

Такоже [3846] На левом поле листа помета: лист 70. , якоже и третиенадесять правило сего собора (л. 952) [3847] На верхнем поле листа киноварная помета: на 26-й вопрос и ответ. и се правило глаголет, еже коемуждо епископу в своем пределе владети и поставляти презвитеры и диаконы, во ин же предел не ити, ни поставити презвитера, ни ино что епископское творити свене воли епископа предела того. Аще же дерзнет и сотворит что таковое, да будет извержен и повинен и поставленый от него презвитер или диакон.

Святаго Вселенскаго 4-го собора в Халкидоне правило 5.

Преходящии [3848] На правом поле листа помета: лист 95. из града во град иже от них правилом повинни суть.

Толкование.

Речено есть в третиемнадесять правиле, иже во Антиохии собора, яко не дерзнути епископу (л. 952 об.) [3849] На верхнем поле листа киноварная помета: 26-е возражение. прейти от своея области во иную и поставити презвитера или диакона без воли сущаго во области той епископа или ино что епископское творити правление. Аще бо и сотворит что таково, праздно и нетвердо да пребудет и той месть да приимет своего бесчиния и извержен да будет от своего сана Святою Троицею, тако бо и зде написаное правило повелевает.

Святаго собора в средце правило 2.

Аще [3850] На левом поле листа помета: лист 108. кто от града во град прешед и молвы творит, от народа приимая себе поборники, да глаголют, желаем и молимся, да будеши нам епископ, той ни на самой кончине не причастен.

(л. 953) [3851] На верхнем поле листа киноварная помета: на 26-й вопрос и ответ. Толкование.

Аще который епископ в толико шатание и неистовство пришед, и дерзнет просити и преити от града во град, глаголя, яко хотят мене людие града того, и оттуду взем грамоту, показует написаное к нему от всех граждан моление, якоже дабы им епископ был, еже яве есть, яко смышлением и хитростию таковое бысть, мало неких мздою и дары и честию возмогл привлещи к себе, да в церкви ставше, молву сотворят, глаголюще велегласно, просяще имети того епископа. Таковаго убо яко зело смевша и таковое сотворша и познана бывша в том, вельми святый сей собор (л. 953 об.) [3852] На верхнем поле листа киноварная помета: 26-е возражение. осуди. Отрече бо тому ни во исходе от жития достойну быти причащения и назнамена. Странно бо се и страшно есть, еже ни во исходе жития не сподобитися причащения, его же не обрящеши во всех правилех написана, о инех ни о коих же гресех такова запрещения.

Того же святого собора правило 3.

Никоторый [3853] На левом поле листа помета: лист 109. же епископ не позван во град да не приидет. И епископ с епископом аще имать прю, чюжаго епископа да не призовет. Аще ли же ни, да судит Римский, ту будут чюждии.

Толкование.

В различных правилех речено есть, еже никому же дерзнути (л. 954) [3854] На верхнем поле листа киноварная помета: на 26-й вопрос и ответ. от своего предела во иную область преходити, аще не будет позван от области тоя митрополита и от сущих с ним епископ. Тожде убо и сей святый собор повелевает, но аще который епископ с другим епископом о некоей вещи распрю имать и с ним да судится пред собором тоя области, в ней же есть. И не подобает от иныя области разума ради неких епископ призывати, но от единех тоя области епископ судитися. И аще не угоден ему будет суд и мнит, яко не по праву осужден быв, судивый его митрополит и епископи, да возвестят Римскому Папе (л. 954 об.) [3855] На верхнем поле листа киноварная помета: 26-е возражение. писанием вину и суд, како осудиша и. И аще не восхощет того суда и той, или сам разсмотрив суд, аще право осужден бысть, возвестит им писанием. Аще ли же ни, тамо близ их сущия области епископом повелит, да сотворше собор, судят ему паки второе.