Никон - ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

Сие доволно ли ти есть сих указание отхождении и бегании, еще ти укажем и от канонов.

Сардикийскаго собора правило 19.

Без [183] На левом поле листа помета: лист 114. правды епископ изгнан, аще и в чюждем пределе пребывает, приятен бывает, дондеже досаждение мимоидет.

Толкование.

От буести и гордости возбраняюще святии отцы, повелеша епископом в реченое время во инех епископиях пребывати. Аще же некий епископ исповедания ради честныя нашея веры или понеже Бог поборник истине, рекше, противяся властелем не творящим истины (л. 43) [184] На верхнем поле листа киноварная помета: на 5-й вопрос и ответ. и того ради от своего града изгнан быв и в другий град приидет. Не возбранится ту пребывати ему дондеже примирение обрести возможет и пременение бывшаго на нем досаждения.

Аще ли сего не доволно ти есть, прочти вселетнаго лета на кийждо день жития святых отец наших, яже о Василии Великом, яже о Григории Богослове, яже о Иоанне Златоусте и прочих святых. И тамо множае увидите о изшествиих и беганиих и отречениях и скитаниих по писанному. Верою святии вси победиша царствия. И прочее. И по мале: Инии же избиени бывше, не приемше избавления, да лучшее воскресение улучат. Друзии же руганием и ранами (л. 43 об.) [185] На верхнем поле листа киноварная помета: возражение. еще же и узами темничными, камением побиени быша, претрени быша, искушени быша, убийством меча умроша, проидоша в милотех и в козиях, кожах лишени, скорбяще, озлоблени, в пустынях скитающеся и горах и в вертепех и в пропастех земных. И сии вси послушествовани верою, не прияша обетования, Богу лутче что о нас предзревшу, да не без нас совершенство приимут.

ВОПРОС, ГЛАВА 6

Естли архиереи, которыя обретаются в послушании патриаршеском, имеют грех что не возбранили ему, Никону, злаго совету, или конечнее и совершенной суд обвиненныи, что не возбранили, в том учиненном деле не грешныя?

Ответ

Здесь надобно разсуждение, и хотя бы спрошены в любви брацкой и не возбранили погружения престолу и церкви наследующаго имеют тягость самоболшую и великую, за грех удоволства епитемию, а естли не были спрошены, толко Никон сделал своею волею, не имеют греха ради того, что человек без совету, такия и иныя терпит, злаго ради своего безумия, потому что болшия многи увидят, нежели один, для того что один жаден против присловия и беда самому одному, потому что как упадет, некому ево возставити. Мудрено делали, а те ныне, чтоб два ходили вдруг безотступно, чтоб помогали друг другу и радели против времени случая. Иоанн Богослов ради того, что пребывал вместе з Богородицею, достоин учинять, чтоб писал то, чего ни глаз не видел, ни ухо человеческое не слышало, пишет Амвросий святый, и Бог хощет чтоб Его имели обще за общаго добродетеля по совету и солнцем правды называтца; для того что всех освещает и никто не обретается зде без света, что собери, как пишет Климент, но всякия принимают от Его светлость и всяк богатеет Его милостию.

ВОЗРАЖЕНИЕ НА 6 ВОПРОС И ОТВЕТ

Вопрос болярина Симеона Стрешнева: Ты убо, Симеоне, глаголеши таковая не своими устны и языком. Ведят вси, знающие тя, яко ничтоже в тебе тако есть. И глаголеши: (л. 44) [186] На верхнем поле листа киноварная помета: на 6-й вопрос и ответ. Есть ли архиереи, которыя обретаются в послушании патриаршеском, имеют ли грех, что не возбранили ему, Никону, злаго совету, или конечнее и совершенно обвинены, что не возбранили, в том учиненом деле не грешныя.

В пятом убо возражении нашем доволно писано есть о нашем отшествии, обаче и ныне, еже благодать Божия простит, возглаголем. Егда убо согрешали апостоли, еже будучи во Христовом послушании, не возбранили Христу от злобы Иродовы и прочих злодейстов жидовских, еже множицею хотяху Его убити, ни, но един Июда, предавый Его, и что суть бысть ему, якоже пишется.

Аще ли и верховный Петр Господу рек, (л. 44 об.) [187] На верхнем поле листа киноварная помета: 6-е возражение. не возбраняя, но маловерием, глаголя: Милосерд Ты, Господи, не имать Тебе се быти. Но [188] Так в ркп. что Божественный ответ: Иди за Мною, сатана, яко не мыслиши яже суть Божеская, но человеческая.

Тако и нашим отступником и предателем и тебе, Симеону, не инако будет. Господу свидетельствующу: Слушаяй вас, Мене слушает, и отметаяйся вас, Мене отметается. Божие есть слово и не погрешает от истины. Аще ученицы Мои есте, рече: Пребудете в словеси Моем. К сопротивным же рече: Вы несте от истины, но есте отца вашего диавола и похоти отца вашего хощете творити. Он человекоубийца (л. 45) [189] На верхнем поле листа киноварная помета: на 6-й вопрос и ответ. бе искони и во истине не стоит, яко несть истины в нем. Егда глаголет лжу, от своих глаголет, яко ложь есть и отец лжи. Тако и ты, Симеоне, неси от истины, но все лживо вопрошаеши, якоже отец твой диавол научил тя.

Ты же, ответотворче, глаголеши: Здесь надобно разсуждение, и хотя спрошены в любви братцкой, не возбранили погружения престолу и церкви наследующаго имети тягость самоболшую и великую за грех удоволства епитемию. А естли не были спрошены, толко Никон зделал своею волею, не имеют греха ради того, что человек без совету такия и иныя терпит злаго ради своего безумия, потому что болшия многия увидят (л. 45 об.) [190] На верхнем поле листа киноварная помета: 6-е возражение. нежели един, для того, что един жаден против присловия и беда одному самому, потому что как упадет, некому его возставить. Мудрено делали, а те ныне, что в два ходили друг в другу безотступно, чтоб воспомогал друг другу и радел против времени и случая. Иоанн Богослов ради того, что пребывал вместе з Богородицею, достоин учинен, чтоб писал то, чего не глаголал, не видел, ни ухо человеческое не слышало. Пишет Амвросии святый: И Бог хощет, чтоб Его имели обще за общаго добродетеля по совету, и солнце правды называется для того, что всех освещает и нихто не обретается зде без света. Что собери, как пишет Климент, но всякия приимают Сего све(л. 46)тлости [191] На верхнем поле листа киноварная помета: на 6-й вопрос и ответ. , всяк богатеет Его милостию.

Возражение.

И уже речено есть вопрошающему тя, смотри, яко не чюжде есть и тебе, ныне же особно ти напишем. Ты же слыши, неправедный ответотворче, Василия Великаго глаголюща, яко не подобает судити кого о безвестных и приводит апостола, свидетелствуя: Тем [192] На правом поле листа помета: 1 Кор. 130. же не прежде времене судите, дондеже приидет Господь, иже просветит тайныя тмы и явит советы сердечныя, и тогда похвала будет комуждо от Бога.

В [193] На правом поле листа помета: Тим. 283. последняя дни отступят нецыи от веры, внимающе духом лестчим и учением бесовским, в лицемерии лжесловеснем, сожженым своею совестию.