Никон - ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

Толкование.

Прилучающихся (л. 55 об.) [232] На верхнем поле листа киноварная помета: 7-е возражение. ради напастей епископом и варварского нашествия, еже дващи в лете бывати собору, от сего правила отложено есть и повелено бысть единою коегождо лета собору бывати между Пасхою и октоврием месяцем.

Собора 7-го Вселенскаго правило 6.

Понеже [233] На левом поле листа помета: лист 212. невозможно по древнему повелению дващи в лете собору бывати, да бывает единою по повелению Шестаго собора, и возбранивый властель да отлучится, и небрегий епископ да приимет запрещение. Собору же бывшу, аще митрополит возмет что от епископа, да истязан будет четверицею.

Утвержает собор сей, еже единою в лете бывати (л. 56) [234] На верхнем поле листа киноварная помета: на 7-й вопрос и ответ. собору в коейждо области, аще убо обрящется страны тоя властель, возбраняя епископом сходитися на собор, иже бывает правилных ради и евангелских вещей, таковаго отлучает. Митрополита же, небрегуща его собору бывати, кроме некоея беды и нужди, правилным запрещением повинует, повелевает же не имети власти митрополиту взяти что, от них же епископи принесоша с собою или скотину, рекше конь, или осля, или ин некий вид. Аще же обличен будет взем нечто от них, да возвратит четверицею.

Но сии вси ни едино что любо написаша о патриаршеском суде, от своих (л. 56 об.) [235] На верхнем поле листа киноварная помета: 7-е возражение. епископ судиму быти разве церковных правлений по святым каноном, а не чрез каноны что любо вново вводити на развращение святей Церкви, яко же ты, ответотворче, новыя законы вводиши, ово от отреченых книг, ово от внешних баснотворных сложений чрез уставленыя святыя книги по святому апостолскому правилу 85-му и 59-му правилу, иже в Лаодикии, и 24-му правилу, иже в Карфагене, и великаго Афанасия и Григория Богословца, и богословнейшаго Амфилохия.

Правило святых апостол 60.

Аще [236] На левом поле листа помета: лист 17. кто лживое писание нечестивых еретик книги яко святы в церкви пред всеми почитает на пагубу (л. 57) [237] На верхнем поле листа киноварная помета: на 7-й вопрос и ответ. людем и церковному причту, да извержется.

Толкование.

Многи книги от еретик искажены быша на вред простейшим человеком, сиречь невеждным, якоже и от святаго Климента написаныя епископом апостолския заповеди, яже того ради собором отвержены быша. Некая же и вся отнюдь от еретик сложена быша и ложно надписание имуща, якоже се от святых отцов списаны, еже потаеныя нарицают. Таковым убо книгам отверженым быти повелевает правило и на почитание не предлагати их. Аще же который пред людей сия изнесет и в церкви чести покусится, аще есть епископ или презвитер или диакон, да извержется, (л. 57 об.) [238] На верхнем поле листа киноварная помета: 7-е возражение. книги же да сожгутся.

Ты же все, еже что любо, ни творишь в ответех твоих, все страстно и разслаблено и всякия нечистоты полно, якоже вторый Максим Киник, о нем же есть писано втораго Вселенскаго собора 4-е правило.

Максим [239] На левом поле листа помета: лист 86. , глаголемый Киник, от епископов чюжд и всяко не священ, иже от него в причет прият бысть.

Толкование.

Сей Максим Киник сказовается безстудный, Церковь Божию раздра и многаго мятежа и молвы сию исполни. Волк вместо пастыря явлься и вся грехи прощати готов согрешающим единаго ради еже нечествовати в повелениих, рекше преступати заповеди, якоже глаголет (л. 58) [240] На верхнем поле листа киноварная помета: на 7-й вопрос и ответ. великий Богословец Григорий: Чюжд убо сей Максим от епископства да будет, и вси от него поставлении презвитери и диакони и прочии причетницы чюжди священия. Послушай же Карфагенскаго собора 21 правило, иже добре и богоприятне изведеная буестию поколебати покушается, несть епископ. Да како ты вводиши чрез святыя каноны суду быти на мя от своих епископ? Покажи ми, слепче, от истины, да и аз тебе покажу, яко ни митрополита достойно есть судити своим епископом, развее святейшаго вселенскаго Константинополскаго патриарха.

Карфагенскаго собора правило 12.

Епископа [241] На правом поле листа помета: лист 122. в некоей вине суща, аще не весь (л. 58 об.) [242] На верхнем поле листа киноварная помета: 7-е возражение. собор области тоя, обаче дванадесять епископ да судят, презвитера же шесть и диакона трие. И се есть о епископех, а не о митрополитех и патриарсех.

4-го святаго Вселенскаго собора обще всем по степенем исчитает кому от кого суд прияти правило 9.

Причетницы [243] На левом поле листа помета: лист 96. между собою распрю имуще, аще оставльше своего епископа, к мирским судиям приступят, по правилом вину да приимут. Причетницы же, аще имеют что на епископа, да ожидают собора. Аще же епископи на митрополита, Константиняграда патриарху да возвестят.

Толкование.

Аще причетник имать нечто на причетника, не подобает ему (л. 59) [244] На верхнем поле листа киноварная помета: на 7-й вопрос и ответ. судитися пред мирскими судиями, но от своего епископа. Аще же оставльше своего епископа к мирскому судищу приступят, по правилом запрещение да приимут. Такоже и причетник, аще имать нечто на своего епископа, да приходит к митрополиту страны тоя, егда в реченое время соберутся к митрополиту всея области его епископи, тогда пред митрополитом на соборе да судится. Аще ли епископ или причетник с митрополитом имать некую распрю, от патриарха всея тоя земли да судится. Под ним же суть епископи и митрополиты всех [245] В ркп. дважды. областей страны тоя или от патриарха Константиняграда (л. 59 об.) [246] На верхнем поле листа киноварная помета: 7-е возражение. судится. Сия бо власть никому же от инех патриарх дана бысть, ни от правил, ни от закона, еже судити митрополита, под инем патриархом суща, другому патриарху, но токмо Константиняграда патриарху сие дано есть.

От свитка новых заповедей Иустиниана царя глава 58.

Аще [247] На левом поле листа помета: лист 326. же причетник или ин некто вину имать на епископа, первое преподобный митрополит области тоя по священным правилом и по нашим законом таковую вещь да разсудит. И аще кто поречет сужденая, к преблаженному епископу и патриарху вещь возвестит и той подобный тому подаст конец. (л. 60) [248] На верхнем поле листа киноварная помета: 8-й вопрос и ответ. Аще же на митрополита имать что епископ или причетник или ин кто, патриарх того правления подобным образом да судит. Зри, ответотворче, где есть, иже бы патриарха свои епископи судили, ниже митрополита прощено есть епископом судити, развее патриарха.