LibKing » Книги » religion-orthodoxy » Сборник - Единоверческие молитвы

Сборник - Единоверческие молитвы

Тут можно читать онлайн Сборник - Единоверческие молитвы - бесплатно полную версию книги (целиком). Жанр: religion-orthodoxy. Здесь Вы можете читать полную версию (весь текст) онлайн без регистрации и SMS на сайте LibKing.Ru (ЛибКинг) или прочесть краткое содержание, предисловие (аннотацию), описание и ознакомиться с отзывами (комментариями) о произведении.
libking
  • Название:
    Единоверческие молитвы
  • Автор:
  • Жанр:
  • Издательство:
    неизвестно
  • Год:
    неизвестен
  • ISBN:
    нет данных
  • Рейтинг:
    4/5. Голосов: 101
  • Избранное:
    Добавить в избранное
  • Ваша оценка:

Сборник - Единоверческие молитвы краткое содержание

Единоверческие молитвы - описание и краткое содержание, автор Сборник, читайте бесплатно онлайн на сайте электронной библиотеки LibKing.Ru

Единоверческие молитвы. Молитвенное правило. Суточный круг.

Единоверческие молитвы - читать онлайн бесплатно полную версию (весь текст целиком)

Единоверческие молитвы - читать книгу онлайн бесплатно, автор Сборник
Свет

Шрифт:

Сбросить

Интервал:

Закладка:

Сделать

Таже, Трисвятое, и по Отче наш:


Тропари, глас 1

Объятия Отча отверсти ми потщися, блудно изжих мое житие, но на богатство неизживущее взираю щедрот Твоих, Спасе: ныне обнищавшее мое сердце не презри. Тебе бо, Господи, умилением зову: согреших, Отче, на небо и пред Тобою.

Слава: Егда приидеши, Боже, судити на землю со славою, и вострепещут всяческая, река же огненная пред судищем потечет, книги разгнутся, и тайная обличатся, тогда избави мя огня негасимаго, и сподоби мя одесную Тебе стати, Судие праведныи.

И ныне: Матерь Тя Божию молим вси Дево; в щедроты Твои прибегаем любовию и в благодать Твою; Тебе бо имамы грешнии спасение, и Тебе стяжахом в напастех Едину всенепорочную.

Посем: Господи, помилуй, 30.

Слава Отцу и Сыну и Святому Духу, и ныне и присно и во веки веком, аминь.

Честнейшую херувим, и славнейшую воистину серафим, без истления Бога, Слова рождьшую, сущую Богородицу Тя величаем.

И поклон.

Именем Господним благослови, отче.

За молитв святых отец наших, Господи, Исусе Христе, Сыне Божии, помилуй нас. Аминь.

В Великий пост (кроме суббот и воскресений), а также и в другие посты (и на масленнице в среду и пятницу):

Господи помилуй, 40, Слава, и ныне. (И 17 поклонов с молитвою св. Ефрема Сирина). 1. Честнейшую херувим… (поклон земной великий). Именем Господним… За молитв святых отец наших…

И молитва св. Ефрема:

2. Господи и Владыко животу моему, дух уныния, небрежения, сребролюбия и празднословия отжени от мене (земной великий поклон).

3. Дух же целомудрия, смирения, терпения и любве даруй ми, рабу Твоему (земной великий поклон).

4. Ей, Господи Царю, даждь ми зрети моя согрешения и еже не осуждати брата моего, яко благословен еси во веки, аминь (земной великий поклон).

5 – 6. Господи Исусе Христе, Сыне Божии, помилуй мя грешнаго (дважды с поклонами).

7. Боже, милостив буди мне грешному (поклон).

8. Боже, очисти грехи моя и помилуй мя (поклон).

9. Создавыи мя Господи, помилуй. (поклон).

10. Без числа согреших Господи, прости мя (поклон).

11–16. Повторяем молитвы 5–10 с земными поклонами.

17. Затем еще раз читаем всю молитву св. Ефрема Сирина и земной великий поклон.

Приидите, поклонимся, трижды.


Псалом 33

Благословлю Господа на всяко время, выну хвала Его во устех моих. О Господе похвалится душа моя, да услышат кротцыи и возвеселятся. Возвеличите Господа со мною, и вознесем имя Его вкупе. Взысках Господа и услыша мя, и от всех скорбий моих избави мя. Приступите к Нему и просветитеся, и лица ваша не постыдятся. Сей нищий возва, и Господь услыша и, и от всех скорбий его спасе и. Ополчится Ангел Господень окрест боящихся Его, и избавит их. Вкусите и видите, яко благ Господь, блажен муж, иже уповает Нань. Бойтеся Господа, вси святии Его, яко несть лишения боящимся Его. Богатии обнищаша и взалкаша, взыскающии же Господа не лишатся всякаго блага. Приидете, чада, послушайте мене, страху Господню научу вас. Кто есть человек хотяи живот, любяи дни видети благи? Удержи язык свой от зла, и устне свои, еже не глаголати льсти. Уклонися от зла и сотвори благо, взыщи мир, и пожени и. Очи Господни на праведныя, и уши Его в молитву их. Лице же Господне, на творящия злая, еже потребити от земли память их. Возваша праведнии, и Господь услыша их, и от всех печалей их избави их. Близ Господь сокрушенных сердцем, и смиренныя духом спасет. Многи скорби праведным, и от всех их избавит я Господь. Хранит Господь вся кости их, ни едина от них сокрушится. Смерть грешников люта, и ненавидящии праведнаго прегрешат. Избавит Господь душа раб Своих, и не прегрешат вси, уповающии Нань.


Псалом 38

Рех: сохраню пути моя, еже не согрешати языком моим: положих устом моим хранило, внегда востати грешному предо мною. Онемех и смирихся, и умолчах от благ, и болезнь моя обновися. Согреяся сердце мое во мне, и в поучении моем разгорится огнь. Глаголах языком моим: скажи ми, Господи, кончину мою и число дний моих, кое есть, да разумею, чесо лишаюся аз? Се пядию измерены положил еси дни моя, и состав мой яко нивочто же пред Тобою; обаче всяческая суета всяк человек живыи. Иде убо образом ходит человек, обаче всуе мятется: сокровищует, и невесть, кому собирает я. И ныне кто терпение мое, не Господь ли? и состав мой от Тебе есть. От всех беззаконии моих избави мя, поношение безумному дал мя еси. Онемех и не отверзох уст моих, яко Ты сотвори. Отстави от мене раны Твоя, от крепости бо руки Твоея аз исчезох. Во обличении о беззаконии показал еси человека, и истаял еси, яко паучину, душу его; обаче всуе всяк человек. Услыши молитву мою Господи, и моление мое внуши; слез моих не премолчиши, яко пресельник аз от Тебе и пришлец, якоже вси отцы мои. Ослаби ми, да почию, прежде даже не отъиду, и к тому не буду.


Псалом 40

Блажен разумеваяи на нища и убога, в день лют избавит и Господь. Господь сохранит и, и живит и, и ублажит и на земли, и не предаст его в руки врагов его. Господь поможет ему на одре болезни его; все ложе его обратил еси в болезнь его. Аз рех: Господи, помилуй мя, исцели душу мою, яко согреших Ти. Врази мои реша мне злая: когда умрет и погибнет имя его? И вхождаше видети; всуе глаголаше: сердце его собра беззаконие ему; исхождаше вон, и глаголаше вкупе. На мя шептаху вси врази мои, на мя помышляху злая мне. Слово законопреступное возложиша на мя, еда спяи не приложит воскреснути. Ибо человек мира моего, нань же уповах, ядыи хлебы моя, возвеличи на мя пяту. Ты же, Господи, помилуй мя и воздвигни мя и воздам им. О сем познах, яко восхоте мя; яко не возрадуется враг мой о мне. Мене же за незлобие прият, и утвердил мя еси пред Собою в век. Благословен Господь Бог Израилев от века и до века, будет, будет.

Таже Трисвятое, и по Отче наш:


Тропари, глас 4:

Смиренную душу мою посети Господи, иже во гресех житие все изжившу. Но яко блудницу приими мене и спаси мя.

Слава: Все житие мое блудно изжих Господи, со блудницами окаянныи; яко же блудныи умилением зову: Отче Небесныи, согреших, очисти, и приими мя, и не отрини мене от Себе, от Тебе удалившагося, и неплодными делы ныне обнищавша.

И ныне: К Богородице прилежно ныне притецем грешнии, со смирением припадающе и покаянием, вопиюще из глубины душевныя: Владычице, помози, мсилосердовавши на ны, потщися, яко изгибаем от множества грехов, не отврати раб Своих тощь, Тебе бо едину помощницу имамы.

Посем: Господи, помилуй, 30. И далее, якоже пренаписахом.

Таже, Приидите, поклонимся, трижды.


Псалом 69

Боже, в помощь мою воньми, Господи, помощи ми потщися. Да постыдятся и посрамятся ищущии душу мою. Да возвратятся вспять и постыдятся, хотящии ми злая. Да возвратятся абие стыдящеся глаголющии ми: благо же, благо же. Да возрадуются и возвеселятся о Тебе, вси ищущии Тебе Боже, и да глаголют выну: да возвеличится Господь, любящии спасение Твое. Аз же нищ есмь и убог, Боже, помози ми. Помощник мой и Избавитель мой еси Ты, Господи, не закосни.

Читать дальше
Свет

Шрифт:

Сбросить

Интервал:

Закладка:

Сделать


Сборник читать все книги автора по порядку

Сборник - все книги автора в одном месте читать по порядку полные версии на сайте онлайн библиотеки LibKing.




Единоверческие молитвы отзывы


Отзывы читателей о книге Единоверческие молитвы, автор: Сборник. Читайте комментарии и мнения людей о произведении.


Понравилась книга? Поделитесь впечатлениями - оставьте Ваш отзыв или расскажите друзьям


Прокомментировать
Большинство книг на сайте опубликовано легально на правах партнёрской программы ЛитРес. Если Ваша книга была опубликована с нарушениями авторских прав,
пожалуйста, направьте Вашу жалобу на PGEgaHJlZj0ibWFpbHRvOmFidXNlQGxpYmtpbmcucnUiIHJlbD0ibm9mb2xsb3ciPmFidXNlQGxpYmtpbmcucnU8L2E+ или заполните форму обратной связи.
img img img img img