Ольга Иженякова - По дороге к Матронушке

Адрес Покровского женского ставропигиального монастыря:

Москва, Таганская улица, 58

Ближайшие станции метро

метро «Марксистская»,

метро «Таганская»,

метро «Площадь Ильича»,

метро «Римская»

Как проехать или пройти от ближайших станций метро

До Покровского монастыря можно дойти пешком за 8-10 минут от метро «Марксистская» по улице Таганская либо – пешком 10–12 минут от метро «Площадь Ильича» или метро «Римская».

При желании – можно доехать на соответствующем транспорте, троллейбусе или трамвае.

Чего нельзя

На территории монастыря запрещается:

курить и употреблять какие-либо напитки;

вести фото– и киносъемку;

громко разговаривать, смеяться, приводить с собой животных;

появляться в нетрезвом состоянии; сквернословить;

входить в храм с включенным мобильным телефоном;

приходить в шортах, майках;

женщинам в коротких юбках, брюках, без головного убора.

Дни и часы богослужений

Покровский женский монастырь открыт для посещения с 07.00 до 20.00,

в воскресные дни с 06.00 до 20.00.

После 20.00 доступ в монастырь прекращается.

Богослужения совершаются ежедневно:

Вечерня. Утреня – 17.00

Часы. Божественная литургия – 07.30

В воскресенье – ранняя литургия – 06.15,

поздняя литургия – 09.00.

Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсил ася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.

Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовней очи твои, да послужеши людем и дела Божии явятся чрез тебе. Мы же с любовию вопием ти таковая:

Радуйся, от младенчества Богом избранная; Радуйся, благодатию Духа Святаго от пелен осененная.

Радуйся, даром чудес измлада обогащенная; Радуйся, премудростию от Бога свыше исполненная.

Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.

Радуйся, души заблуждшия к Богу приводящая; Радуйся, скорби и печали утоляющая.

Радуйся, праведная мати Матроно, теплая о нас к Богу молитвеннице.

Видяще людие и иерей, егда крещаше тя, блаженная, чудный столп облачный над главою твоею и обонявше благоухание велие, дивляхуся, что убо сия отроковица будет, поюще Богу: Аллилуиа.

Разум имея просвещенный, иерей Божий Василий позна, яко крещаемая от него сосуд благодати Божия есть, и тя, праведная Матроно, отроковицу святу нарече. От нашего же усердия приносим ти похвалы сия:

Радуйся, во святей купели благодатию Святаго Духа облагауханная; Радуйся, на персех твоих крест запечатленный имевшая.

Радуйся, молитвеннице, от Бога людей дарованная; Радуйся, свеще неугасимая, пред Господем сияющая.

Радуйся, даром чудотворения от Бога прославленная на земли; Радуйся, венцем неувядаемым от Господа увенчанная на небеси.

Радуйся, милости Божия грешным возвещающая; Радуйся, от источника воды живыя жаждущия напаяющая.

Радуйся, праведная мати Матроно, теплая о нас к Богу молитвеннице.

Силу Божия благодати ощущающи, еще во младенчестве сущи, Матроно блаженная, ко иконам святым устремлялася еси, и чистым сердцем и младенческими усты хвалу Богу возглашала еси: Аллилуиа.

Имущи от Бога дар прозрения издетска, блаженная мати, сокровенная сердец приходящих к тебе ведущи, и оным будущая, яко настоящая сказующи, многия люди на путь благочестия направляла еси. Темже прославляюще Бога, умудряющаго слепцы, вопием тебе сице:

Радуйся, дивная провидице; Радуйся, сокровенных грехов обличительнице.

Радуйся, помраченных душею пресветлая наставнице; Радуйся, заблуждших милостивая путеводительнице.

Радуйся, звездо, верным путь указующая; Радуйся, свеще, во тьме века сего светящая.

Радуйся, единому Богу послужившая; Радуйся, козни диавольския благодатию Духа Святаго поправшая.

Радуйся, праведная мати Матроно, теплая о нас к Богу молитвеннице.

Буря недоумения и смятения о чудесех твоих в людех развелся, мати блаженная, и тии, вразумившу их Господу, дивному во святых Своих, прославиша и восхвалиша тя, Богу же с благодарением воспеша: Аллилуиа.

Слышавше людие, мати Матроно, яко помощь в недузех душевных и телесных подаеши, прихождаху к тебе со упованием, и, совет благоприятен и исцеление получивше, благодаряще Бога, воспеваху тебе:

Радуйся, яко болезнующих и страждующих душею приемлеши; Радуйся, яко мир душам скорбящим даруеши.

Радуйся, в заблуждениих сущих вразумительнице; Радуйся, благочестия учительнице.

Радуйся, печалей наших утолительнице; Радуйся, в скорбех утешительнице.

Радуйся, благая бессеребренице; Радуйся, недугов всячеких безмездная врачевательнице.

Радуйся, праведная мати Матроно, теплая о нас к Богу молитвеннице.

Боготечная звезда возсияла еси, мати блаженная Матроно, во дни лихолетия во Отечествии нашем, яко новая исповедница, иго Христово дерзновенно и безбоязненно чрез все житие пронесла еси, и благодатиею Божиею укрепляема, подавала еси недоумевающим вразумление, страждующим ослабу, больным исцеление, благодарственно зовущим Богу: Аллилуиа.

Видяще мнози Российстии людие чудеса и исцеления, Божиего благодатиею от тебе подаваемая: хромым – хождение, разслабленным и на одре лежащим – исцеление, беснующимся – духов злобы отгнание, устремишася к тебе, мати, яко к источнику неисчерпаемому, от него же испивше обильно, умиленным сердцем возопиша тебе таковая:

Радуйся, на путь правый от младенчества призванная; Радуйся, праведнице, от Бога нам дарованная.

Радуйся, целительнице, недуги наша исцеляющая; Радуйся, в нуждах наших скоро помогающая.

Радуйся, душеполезными советы нас вразумляющая; Радуйся, недоумения наша скоро разрешающая.

Радуйся, духи нечистыя от человек отгоняющая; Радуйся, от всякого зла молитвою твоею ограждающая.

Радуйся, праведная мати Матроно, теплая о нас к Богу молитвеннице.

Провозвестник святости и праведности жития твоего, блаженная мати, явися святый и праведный отец Иоанн Кронштадтский, егда узре тя во храме и наименова тя свою преемницу таже и осмый столп России. Вси же, слышавше сие, прославиша Господа, возглашающе Ему песнь: Аллилуиа.