Елена Рыбина - Новгород и Ганза

Чюдо о Cnacoee образе воображением на латыньстей ропате, поставленней на месте, идеже бе стояла церковь Иоанна Крестителя в Великом Новеграде.

Господь Бог наш Исус Христос во дни древния сотвори в людех своих знамение предивно и всякаго оужаса исполнено в наказание правоверным; еже бы не смешатися им, ни очесом приближитися к скверным латином. О сем бо бысть чюдо преславно в Рустеи земли в Великом Новеграде, содевшееся сице, егда убо святаго пророка и Предтечи Крестителя Господня Иоанна божественную церковь Великого Новаграда посадник злоименитыи Добрыня, мъздою от ла-тын ослепленный, повеле на ино место пренести и место тоя святыя церкви отда скверным латином на поставление поганей их ропате. Тогда оубо сии окаяннии по злому своему изволению ропату си оустроиша по вере и по бычаю своему. И еще они сквернии недоволни быша обруганием святаго храма божественнаго Предтечи, еже с места его пренесением и своей ропате на том месте поставлением, но яко змии распыхахуся серцы своими, еже бы ино что им сотворите поношение православным. И издавше скверные свой смысл яве, оумышлением сицевым, повелевают оубо наимше иконных изуграфов вообразити их шаровным художеством и вапным надписанием образ Господа Бога и Спаса нашего Исуса Христа на ропатнем своем оугле с полуденныя страны, яко бы тому поклонитися християном. Сему же тако бывшу, писарие оубо наимшеся живописаша образ Исусов, но бес повеления епископля. И яко совершиша образ писменем, отъяша же и закрыв, имже бе задено оно живописательство. Тогда оубо от чюдеси преславну и многому оужасу исполнену, напрасно абие внезапу от воздуха сниде дождь велии и град крепкии и изби все живописательство образа Спасова и измовено сотвори, якоже дотолика поне ни левканию остати на месте оном. И сеже слышавше града оного народи в страсе и в радости бывше хвалу Богу и благодарение возсылаху, яко того божественным смотрением и молитв ради великаго Предтечи снесение церкви его с места мсти окаянному злохищнику оному истоплением в воде, а сие чюдо во обличение безбожным латином сотвори, правоверным же в болшее наказание и в крепкое оутверждение сия обоя оустрои. Вонмите оубо опасно о сем православия соблюдателие слышащий сия, иже не приобщатися нам ничимже к скверным и безбожным противникам закона Христова латином, яко оубо и Творца нашего образ на скверней их ропате аще вообразися и сие неоугодно Богови быти вменися. Емоу же слава со Отцем и со Святым Духом ныне и присно и во веки веков. Аминь.

Повесть о посаднике Добрыне

Волоколамская редакция {4} 4 Перепечатано по: Памятники старинной русской литературы. Вып. 1. СПб., 1860. С. 252.

Повесть древних лет, яже содеяшасъ в Великом Новеграде. О посадники Добрыне

В лета благочестивых великих князей наших руских, живущим Новгородцем в своей слободе и со всеми землями в мире и совокуплении, прислаша Немци от всех седмидесяти городов посла своего. Биша челом архиепископу Новгородскому, и посадником, и тысяцким, и всему Великому Новугороду, глаголюще: Милые наши соседы! дайте нам место у себя посреди Великаго Новагорода, где поставити божница по нашей вере и обычаю. И новгородци отмолвиша им, рекуще: «Милостию Божиею и его пречистыя Богоматери и отца нашего господина архиепископа благословением и молитвою, у нас в вотчине господы нашей великих князей Руских, в Великом Новегороде, стоят все церкви православные нашиа веры христианскиа, ино кое причастье свету ко тьме, також и вашей божницы быть как в нашем граде?» Бе же тогда посадник степенный Добрыня именем, и немци слышавше жестокий ответ от архиепископа и от всего народа, и своим лукавством биша челом посаднику Добрыне и даша ему посул велик. О сем бо и Соломон рече: все послушают злата. Посадник же Добрыня и с злыми своими советники повеле немцом говорити старостам купецким и купцем новгородским: толко нашей божнице храму святых верховных апостол Петра и Павла не быти у вас в Великом Новегороде, и то вашим церквам у нас по нашим городам не быти ж. И то слышавше старосты купецкие и все гости новгородские начаша бити челом господину своему, отцу архиепископу имя рек и всему Великому Новугороду, рекуще: пожалуйте поволите немцом поставити ропату по их обычаю и вере, и место им дайте, где полюбят, зане же не будет их божницы зде, ино нашим церквам у них не быти. Та ж и посадник Добрыня за старост и за гости начат говорити: толко не будет наших церквей по немецким городам, ино нашим гостем новгородским велми будет нужно; и архиепископ и новгородци послушаша посаднича совета и гостей своих челобитья, поволиша немцом поставити ропату, а место им укажет посадник, где будет прилично. И немцы избраша себе место посреди града в торгу, где стоит церковь древяна святаго Иоанна Предтечи. Посадник же Добрыня ослеплен мздою и научен диаволом, повелел церковь святаго Предтечи снести на ино место, а то место отвел немцом. Предтеча же Господень не терпя вражия навета и его злаго советника, что испо-ругал святый его храм мзды ради. В нощи убо той услыша пономарь тоя церкви Предтечевы глас, глаголющ ему: заутра на третьем часу дневном иди на великий мост и повели новгородцем смотрити Добрынина посаднича чюда. И пономарь заутра возвести новгородцем, яко же слыша. И абие стекошась множество народа на великий мост видети, что хощет быти. И какоже поеха посадник Добрыня с веча к своей улице чрез Волхов в насаде с людьми своими, и внезапу прииде вихрь, и взем насад, възнесе на высоту, яко боле дву саженей и удари о воду, и ту потопе посадник Добрыня ко дну, а прочих всех переимаша в судех въ малых перевозники, и тако неводы, мрежами и ужи едва възмогоша вывлещи тело его из реки. За свое лукавство не получи и погребения, яже есть обычай православным.

Сия ми поведа игумен Сергий Островского монастыря от святаго Николы, отец Заикхиев, нынешняго игумена Хутынского.

О той же ропате.

И якоже съвръшиша немцы ропату свою и наяша иконников новгородских, и повелеша им написати образ Спасов в ропатнем углу, на полуденной стране в верху, на прелесть християном и на соблазн. И якоже написаша иконописцы образ Спасов на ропате, а архиепископа не доложа, и открыша покров, и абие вскоре том часе прииде туча с дождем и с градом, и выбило градом и место то, идеже был написан образ Спасов, и левкас смыло дождем, яко же не явитись ни знамению. Писания сия же до зде.

Торговые договоры

№ п / п. Дата …… Содержание документа — Публикация — № по Янину {5} 5 Янин В. Л. Новгородские акты XII—XV вв. М., 1991.

1. 1191/1192 …… Договор с немецким купечеством и готами — ГВНП № 28 — 1