Вячеслав Козляков - Смута в России. XVII век

Великий же государь наш царь и великий княз Михайло Федорович всеа Русии, сия от матери своея слышав, из глубины сердца воздохнув, с слезным рыданием глаголаше: «сия ли угодна Твоему человеколюбию, Владыко, и тебе, моей великой государыне, иже такое великое бремя на меня возложила еси, неудоб мною носиму быти, и на толи кий превысочайший царский престол предавши меня, о нем же мысли моей не было и на разум мой не взыде? Всевидящее и сердца человеческая зритель Бог свидетель на мя, да и ты, моя великая государыня, что в мысли моей о том нет и на разум мой не взыде. Яз всегда при тебе хощу быти, и святое и пресветлое равноангилское житие твое зрети». Великая же старица иноко Марфа Ивановна, во мнозем душевном умилении и тихости, сына своего, великого государя нашего царя и великого князя Михаила Федоровича всеа Русии, со утешением увещеваше, глаголя: «еже противу всемогущего Бога волн кто может стояти, или не повинуяся вопреки глаголати? Всемощен бо есть и всесилен; творит бо, елико хощет. И ты б, единородный возлюбленный сын моц, свете очию моею, безо всякого прекословия повинуяся воле Божии, был всему православному крестьянству государем».

Велнкий же государь царь и великий князь Михайло Федорович всеа Русии со многим слезным рыданием отрицаяся, и не хотяше быти на государстве. Великая же государыня, старица иноко Марфа Ивановна глаголаше сыну своему, великому государю нашему царю и великому князю Михаилу Федоровичю, всеа Русии; «Слыши, сыну мой возлюбленный и единородный! Божие бо есть дело, а не человеческий разум; аще бо на то будет воля Божия, буди так, и се сотвори».

Великий же государь царь и великий княз Михайло Федорович всеа Русии, по многовещателным и премудрым умилным словесем матери своея, великие государыни, старицы иноко Марфы Ивановны, аще и не хотяше на царьствие, милостивый серцем на прошение призирает, и на волю всемогущего Бога себя возлагает, прав милости своея преклоняет его истиннаго пастыря дело, еже полагати душа своя за овца; не сумневаетца о сем, яко расхищение до конца многими леты собранные царские хранилища, и тмочисленное воинство оскуде, и вся пространная и широкая царства Росийскаго в тесноте и в великом оскудении бысть, но на Бога сие надежу возлагает, ведый, яко вся возможна верующему в Ня. Повинуся воле Божии, со многим слесным рыданием и воплем глаголя: «Господи Боже мой милостивый, и прещедрый и человеколюбивый, царь царствующим и Господь господствующим! Аще угодная сия Твоему человеколюбию, Владыко, буди Твоя святая воля! Твой бо есми раб, спаси мя по милости Твоей, и соблюди по множеству щедрот Твоих; на Тя бо уповахом, спаси мя». И потом глагола к преосвященному архиепискупу Федориту и всему вселенскому собору, и боляром и всяким людем: «аще на то будет воля Божия, буди тако».

Святейший же архиепискуп Феодорит, и архимариты, и игумены и вес вселенский собор, и бояре, и весь царский синклит и все православные хрестьяне, слышавше милосердый царьский глагол, на землю падше, радостными слезами благодарственная всемилостивому Богу возсылаху: «слава и благодарение всещедрому и человеколюбивому Богу, не преэревшу моления и слез наших, послав святый Свой Дух в сердце великой государыне, старице иноко Марфе Ивановне и государю царю и великому князю Михайлу Федоровичю всеа Русии; сердца бо их в руце Божии». И благословил преосвященный архиепискуп Феодорит с архимариты и с ыгумены и со всем освященным собором, по благодати, данней им от пресвятаго и животворящего Духа, у чюдотворных образов на государство Владимерское, и Московское и на Ноугородцкое, и на царства Казанское, и Астороханское и на Сибирское, и на все великие государства Росийскаго царствия, честным и животворящим крестом великого государя, Богом дарованнаго, царя и великого князя Михаила Федоровича, всеа Русии самодержца.

И совершив молебная, преосвященный Феодорит, архиепискуп Резанский и Муромский, и архиепискупы, и епискупы и весь освященный собор, и боляре, и все христолюбивое воинство и все православные хрестьяне били челом великому государю царю и великому князю Михаилу Федоровичю всеа Русии и матери его, великой государыне, старице иноко Марфе Ивановне, дабы подвиг свой на свой царской престол в царствующий град Москву учинили вскоре, чтоб их государеким приходом в царствующем граде Москве их царские богомолцы митрополиты, и архиепискупы, и епискупы и весь освященный собор, и бояре, и околиичие, и чашники, и столники, и дворяне, и приказные люди, и дворяне ж из городов и дети боярские, и головы стрелетцкие, и атаманы, и казаки, и стрелцы и всякие служилые люди, и гости, и торговые, и всякие посадцкие и жилетцкие люди, все православные хрестьяне, от своих многих бед и скорбей в радость претворилася; а их бы государские недруги и изменники, слышев их царской приход на их царской престол, от его царского имени страшны были. Великий же государь царь и великий княз Михайло Федорович всеа Русии и мати его, великая государыня, старица иноко Марфа Ивановна богомолцом своим, Феодориту архиепискупу Резанскому и всему освященному собору, и боляром и всем православным хрестьяном милостивое свое слово о своем походе сказали, что поход их государской, для их моления и прошения, будет в царствующий град на Москву вскоре.

Архиепискуп же и весь освященный собор, и боляре, и все православные хрестьяне, всенародное множество з женами и з детми и с сущими младенцы, воздав всемогущему Богу хвалу о неисповедимом даре Его, отыидоша в домы своя с великою радостию, благодаряще Бога. А в царствующий град Москву к митрополитом и к архиепискупом, и епискупом и ко всему освященному вселенскому собору, и к боляром, и околничим, и к чашником, и к столником, и к дворяном, и к приказным людем, и к дворяном же из городов, и к детем боярским, и к выборным людем, которые съехалися из городов для государского обиранья, и к атаманом, и х казаком, и к стрелцом и ко всему христолюбивому воинству, и к гостем, и к торговым, и к посадцким и ко всяким жилетцким людем, и ко всем православным хрестьяном о таком великом неисповедимом даре Божии, что великий государь царь и великий княз Михайло Федорович всеа Русии нас пожаловал, на Московском государстве государем царем и великим князем всеа Русии по многом прошении и молении учинился, а мати его, великая государыня, старица иноко Марфа Ивановна сына своего, а нашего великого государя, царя и великого князя Михаила Федоровича всеа Русии, на Московское государство государем благословила, послаша грамоты того же часу.

И марта в 24 день, в павечерии празника пречистой Богородицы честнаго и славнаго Ея Благовещения, те грамоты доидоша царствующего града Москвы. Митрополиты же, и архиепискупы, и епискупы и весь освященный собор, и бояре, и околничие, и чашники, и столники, и дворяне болшие, и приказные люди, и дворяне и дети боярские, и головы стрелетцкие, и атаманы, и казаки, и стрелцы и всякие служилые люди, и гости, и торговые и всякие жилетцкие люди, и всех городов выборные люди всего Росийскаго царствия, и все православные хрестьяне з женами и з детми и с сущими младенцы, с великою сердечною и душевною радостию приидоша в соборную апостоле кую церковь честнаго и славнаго Ея Успения, а которые в соборную церковь не вмещахуся, и те стояху вне церкви на площади многонародное множество; и прочтоша от Федорита, архиепискупа Резанского и Муромского, и ото всего освященнаго собора, и от бояр от Федора Ивановича Шереметева с товарищи о государском милосердие и о жалованье грамоты всем православным крестьяном во услышание. И слышав сия Московскаго государства митрополиты, и архиепискупы, и епискупы и весь освященный вселенский собор, и боляре и весь царский синклит, и все православное крестьянство всесилнаго Господа Бога милость, что, по Его святой воле, великая государыня, старица иноко Марфа Ивановна и сын ее, Богом избранный государь наш царь и великий княз Михайло Федорович, всеа Русии самодержец, на милость положили, пожаловал нас, на великом Росийском государстве государем царем и великим князем, всеа Русин самодержцем, учинился, — а великая государыня, старица иноко Марфа Ивановна сына своего, великого государя нашего царя и великого князя Михаила Федоровича всеа Русии, на великие Росийские государства государем благословила, и подвиг их царской на их царской престол в царствующий град Москву будет вскоре, — многие радости духовные исполнившеся, руце на небо воздев, вси единогласно, яко едиными усты, славу и благодарение возсылая, возопиша глаголя: «слава, слава единому безсмертному, всемогущему и вся содержащему, в Троицы славимому Господу Богу нашему, что не презрел моления нашего и не оставил нас сирых, по Своей святой милости и по нашему молению и прошенью, дал нам прежних великих государей наших, благоверных и благородных царей Российских, их царского благороднаго корени благорасленую ветвь, великого государя царя и великого князя Михаила Федоровича, всеа Русии самодержца, царя правде и милости!» И в той же апостолской соборной церкве митрополиты, и архиепискупы, и епискупы и весь освященный собор, и по всем соборным храмом, и по монастырем, и по всем церквам всего царствующего града Москвы пели молебны соборне з звоном, и молили всесилнаго, в Троицы славимаго Бога, и пречистую Его Матерь и всех святых о многолетном здравии благовернаго и христолюбиваго, и Богом избраннаго и великого государя царя и великого князя Михайла Федоровича всеа Русии, чтоб всемилостивый Господь Бог, от Своея святыя и велелепныя славы величествия Своего, послал на него, великого государя, святую Свою милость, и умножил бы Господь Бог лет живота его, и царство его устроил мирно и немятежно и ото всех враг непоколебимо во веки, и возвысил бы Господь Бог его царскую десницу надо всеми враги его и недруги, и покорил бы под нозе его вся враги, востающая на ны, и отовратил бы Господь Бог от нас ото всех православных хрестьян меч ярости Своея, и чтоб наша святая и непорочная истинная православная крестьянская вера греческаго закона во всем Росийском государстве была нерушима по прежнему, а все бы православное крестьянство было в тишине и в покое и во благоденстве, и его бы царское пресветлое имя передо всеми великими государи славно было к очищенью, и к разширенью и к прибавлению великих его государств, якоже весть святая Его воля; и сподобил бы Господь Бог его великого государя венчатися царским венцом и диадимою на все великие и преславные государства Росийскаго царствия, по древнему обычею. И совершив молебная пения, разыдошеся в домы своя с великою радостию, благодаряще Бога. А к архиепискупу Феодориту Резанскому и Муромскому, и ко всему освященному собору, и к боляром к Федору Ивановичи) Шереметеву с товарищи послали того же часу, чтоб они великому государю царю и великому князю Михайлу Федоровичю, всеа Русии самодержцу, и матери его, великой государыне, старице иноко Марфе Ивановне били челом и милости просили, чтоб на свой царской престол в царствующий град Москву шли вскоре, чтоб их государским приходом всякие люди в Московском государстве ото многих бед и скорбей радость приняли.