Сергей Васильев - Псковская судная грамота и I Литовский Статут

А естли бы оный, кого пограбил, тогды тот, хто грабеж за грабеж грабить, свою навязку тратить, а тому кого грабить маеть грабеж вернути и навязати» (Статут Великого княжества Литовского 1529 г. С. 120). О «Бессудном грабеже» говорит также ст. 67 Псковской Судной грамоты.

I Литовский Статут упоминает «пристава» в ст. 2 [3] р. XI «О бои и о головщины тивунов, и приставов, и инших врадников», гласящей: «Тивуну приставу ключнику головщины, хто бы его во враде забил, дванадцать рублей грошей, а навязки их во враде три рубли грошей. А естли бы который тивун або пристав з уряду были выставлены, тогды им головщина и навязка, яко и тяглому человеку. А естли бы паробок был во враде в тиунстве або в приставництве, головщина ему десять коп а навязка рубль до того часу, поки во враде; а если з ураду вызволены будут, тогды им головщина и навязка яко паробком» (Статут Великого княжества Литовского 1529 г. С. 114).

Ст. 11 «О звод шляхетства», р. III I Литовского Статута гласит: «Тэж уставуем: естли бы хто кому рек, же бы не был шляхтич, тогды тот, хто выводится, маеть поставити з отца и з матки два шляхтича, а тые мають присягнути. А пак ли ся будеть род звел, а он тубылец, тогды бояр шляхту околичных, которые бы знали его, иж ест шляхтич, маеть поставити. И мають тые бояре, которых он поставить, при нем присягнути иж он ест з роду шляхтич.

А пакли бы который чужоземец приежджчий был чоловек, тогды маеть ехати до земли своее который отколь ест, и там маеть вывести перед врадом шляхтство свое и з ураду под печатми листы маеть принести, выводячи шляхетство свое. А естли бы валка с тое стороны была, отколь он ест, тогды маеть поставити двух чоловеков шляхтичов, которое с тое стороны будуть отколь он, и мають при нем присягнути, иж ест з роду шляхтич; тыми маеть вывести (Статут Великого княжества Литовского 1529 г. С. 50).

Ст. 3 «О рок завитый на землю выехати», р. VIII I Литовского Статута говорит следующее: «Теж уставуем: иж рок сторонам ку граниченю судом положоным маеть быти завитый, а прото через жадную причину не маеть отложон далей быти толко с тых причин, которые особным артыкулом суть описаны: то первое, мором, соймом валным а службою нашею господарскою, а немоцъю. Коли бы которая сторона кроме тых чотырох причин не стала, тогды другая сторона за своим доводом врадовым перед ездоки на то выставлеными маеть реч свою одержати подле заведеня светков присяглых, на местцу граничном поставленых, и своее телесное присяги, и тым маеть вжо свою реч на вечность одержати. А естли бы хто перед тым роком был немоцон, маеть дати ведомо судьям и сутяжому , тогды маеть то отложоно быти поки он выздоровееть, на другом року перед судьями маеть присягнути на том, иж справедливе на оный час был немоцен. А естли бы судья был немоцон, а перед роком ся рознемог, на тот суд быти не мог, тогды маеть другого приятеля воего на свое место установити через лист свой; а тот маеть такжо на его местцы судити, и тот его суд маеть так же моцон бытии, как и того самого» (Статут Великого княжества Литовского 1529 г. С. 93–94).

О дворянине как должностном лице говорит, в частности, ст. [11] 10 «О заказыванье стороны, абы с права не зъеждчали», р. VI I Литовского Cтатута: «Тэж уставуем иж коли быхмо подданого дворанином нашим обослали, абы з двора нашого не отеждчал аж бы ся з другою стороною жалуючою перед нами росправил, а он бы в том отехал, приказаня нашого не дбаючи, своволне, таковый для непослушенства, естли будеть о землю мають тому в тое, о што ся жалюеть, увязане дати. И тым же обычаем, естли будеть от воеводы або от врадников через заповедь отехал, тогды также тратить держане, а предся правом искати можеть» (Статут Великого княжества Литовского 1529 г. С. 76).

О бессудном («безврадном») «грабеже» говорит ст. 4 «О грабеж коня панского и дворанского и шляхетского», р. XII I Литовского Cтатута: «Панского, дворанского и шляхетского коня от кождого грабежу безврадного вызволяем. А естли бы хто без враду в князя або в пана пограбил, таковый маеть коня конем навязати» (Статут Великого княжества Литовского 1529 г. С. 120).

Ст. 9 «О мещан, иж не мають на торгу земян грабити» этого же раздела гласит: «Тэж уставуем, иж мещане и подданые наши о долги свои какие-колве не мают селян наших ани тэж иных духовных и светских, в местех на торзех заповедати, ани тым собе на них справедливости доводити, але о тые долги с тыми виноватыми в панов их и з нашими поддаными з наших врадников бдуть повинни справедливости доходити; а наши врадники и панские мают им справедливость чинити. А етли бы хто пограбил, не доводячи права, тогды маеть дати нам господару три рубли грошей а стороне три рубли грошей» (Статут Великого княжества Литовского 1529 г. С. 122).

Ст. [25] 24 «А коли бы хто мел с ким именье неделное себреное», р. VI I Литовского Статута говорит следующее: «Уставляем тэж, иж коли бы колко братьи делное або неделное, або которые колве иные сяброве мели которые люди суместные, нерозделные данники або мелники, тогды кождый с тых братьи або з сябров повинен будеть особливе кождому суседу и иным чоловеком суместным справедливость чинити, не откладаючи до братьи ани до сябров. А естли бы самому от такового чоловека здалася што кривда, тогды моцно будеть право и суд о нем осадити а каждое винности правом на нем искати хотя без братьи своее або без сябров приреченых. А коли бы тая братья або сябры в имени были, он маеть к тому праву их обослати» (Статут Великого княжества Литовского 1529 г. С. 81).

«Пенязи» упоминаются, в частности, в ст. 4 «Коли хто реч заставную в болшой суме заставить иншому», р. X I Литовского Статута: «И тэж коли бы хто реч заставную в большой суме иншому заставил, а тот, чия реч ест, у кого бы свое застал ку браню их пенезей, которые пенези он або предок его будут на тую реч взяли, маеть его позвати ку праву; а перед правом позвавши а положивши суму пенезей, на записе мененую, свою реч маеть взяти; а тот, который на чужую реч болшую суму дасть, на истцы нехай собе того смотрит, што будеть назвыш первое сумы дал» (Статут Великого княжества Литовского 1529 г. С. 111).